ਮਹਾਰਾਸ਼ਟਰ ਭਾਜਪਾ ''ਚ ਅੰਦਰੂਨੀ ਵਿਵਾਦ, ਰਾਜ ਪ੍ਰਮੁੱਖ ਅਤੇ ਨਾਰਾਜ਼ ਸੀਨੀਅਰ ਨੇਤਾ ਆਹਮੋ-ਸਾਹਮਣੇ

ਮੁੰਬਈ (ਭਾਸ਼ਾ) : ਮਹਾਰਾਸ਼ਟਰ ਭਾਜਪਾ 'ਚ ਅੰਦਰੂਨੀ ਵਿਵਾਦ ਬੁੱਧਵਾਰ ਨੂੰ ਖੁੱਲ੍ਹ ਕੇ ਸਾਹਮਣੇ ਆ ਗਿਆ, ਜਦੋਂ ਰਾਜ ਇਕਾਈ ਦੇ ਪ੍ਰਮੁੱਖ ਚੰਦਰਕਾਂਤ ਪਾਟਿਲ ਨੇ ਨਰਾਜ਼ ਸੀਨੀਅਰ ਨੇਤਾ ਏਕਨਾਥ ਖੜਸੇ ਨੂੰ ਸਲਾਹਕਾਰ ਦੀ ਭੂਮਿਕਾ ਨਿਭਾਉਣ ਲਈ ਕਿਹਾ, ਜਿਸ ਤੋਂ ਬਾਅਦ ਖੜਸੇ ਨੇ ਪਾਰਟੀ ਦੇ ਵਿਸਥਾਰ 'ਚ ਪਾਟਿਲ ਦੇ ਯੋਗਦਾਨ 'ਤੇ ਸਵਾਲ ਚੁੱਕਿਆ।
ਇੱਕ ਮਰਾਠੀ ਚੈਨਲ ਨਾਲ ਗੱਲ ਕਰਦੇ ਹੋਏ, ਪਾਟਿਲ ਨੇ ਖੜਸੇ 'ਤੇ ਨਿਸ਼ਾਨਾ ਵਿੰਨ੍ਹਣਾ ਸ਼ੁਰੂ ਕੀਤਾ ਜਿਸ ਦੇ ਇੱਕ ਦਿਨ ਪਹਿਲਾਂ ਉਨ੍ਹਾਂ ਨੇ ਭਾਜਪਾ ਦੇ ਆਪਣੇ ਸਹਿਯੋਗੀਆਂ 'ਤੇ ਰਾਜ 'ਚ ਵਿਧਾਨ ਸਭਾ ਦੀਆਂ 9 ਸੀਟਾਂ ਲਈ 21 ਮਈ ਨੂੰ ਹੋਣ ਵਾਲੇ ਚੋਣ 'ਚ ਉਨ੍ਹਾਂ ਦੀ ਨਾਮਜ਼ਦਗੀ 'ਚ ਅੜਿੱਕਾ ਪਾਉਣ ਦਾ ਦੋਸ਼ ਲਗਾਇਆ ਸੀ। ਪਾਟਿਲ ਨੇ ਸਿੱਧਾ ਨਿਸ਼ਾਨਾ ਵਿੰਨ੍ਹਦੇ ਹੋਏ ਕਿਹਾ, ‘‘ਏਕਨਾਥ ਖੜਸੇ ਮਹਾਰਾਸ਼ਟਰ ਭਾਜਪਾ ਦੇ ਸੀਨੀਅਰ ਨੇਤਾ ਹਨ। ਉਹ ਪਾਰਟੀ ਦੇ ਮੌਜੂਦਾ ਅਗਵਾਈ ਦੇ ਸਲਾਹਕਾਰ ਦੇ ਰੂਪ 'ਚ ਕੰਮ ਕਰ ਸਕਦੇ ਹਨ। ਪਾਟਿਲ ਨੇ ਖੜਸੇ ਦੇ ਉਨ੍ਹਾਂ ਦੋਸ਼ਾਂ ਨੂੰ ਖਾਰਿਜ ਕਰ ਦਿੱਤਾ ਕਿ ਪਾਰਟੀ ਨੇ ਉਨ੍ਹਾਂ ਨੂੰ ਨਜ਼ਰ ਅੰਦਾਜ ਕੀਤਾ ਹੈ ਅਤੇ ਪਾਰਟੀ  ਦੇ ਵਿਕਾਸ ਲਈ ਉਨ੍ਹਾਂ ਦੀ ਸੇਵਾਵਾਂ ਨੂੰ ਸਨਮਾਨ ਨਹੀਂ ਦਿੱਤਾ ਗਿਆ। ਪਾਟਿਲ ਨੇ ਪੁੱਛਿਆ, ‘‘ਜਦੋਂ ਖੜਸੇ ਨੇ ਲੋਕਸਭਾ ਅਤੇ ਐਮ.ਐਲ.ਸੀ. ਸੀਟਾਂ 'ਤੇ ਆਪਣੀ ਨੂੰਹ ਅਤੇ ਬੇਟੇ ਦੀ ਨਾਮਜ਼ਦਗੀ ਲਈ ਕੁੱਝ ਭਾਜਪਾ ਨੇਤਾਵਾਂ ਨੂੰ ਟਿਕਟ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ, ਤਾਂ ਉਨ੍ਹਾਂ ਨੇ ਉਨ੍ਹਾਂ ਲੋਕਾਂ ਨੂੰ ਕੀ ਦੱਸਿਆ ਜੋ ਮੌਕੇ ਤੋਂ ਵਾਂਝੇ ਰਹਿ ਗਏ ਸਨ? ਪਾਟਿਲ ਨੇ ਕਿਹਾ ਕਿ ਖੜਸੇ ਸਾਬਕਾ ਮੁੱਖ ਮੰਤਰੀ ਅਤੇ ਮੌਜੂਦਾ 'ਚ ਰਾਜ ਵਿਧਾਨ ਸਭਾ 'ਚ ਵਿਰੋਧੀ ਪੱਖ ਦੇ ਨੇਤਾ ਦੇਵੇਂਦਰ ਫੜਨਵੀਸ 'ਤੇ ਕਿਉਂ ਇਲਜ਼ਾਮ ਲਗਾਏ। ਪਾਟਿਲ ਨੇ ਕਿਹਾ, ‘‘ਖੜਸੇ ਫੜਨਵੀਸ 'ਤੇ ਇਲਜ਼ਾਮ ਕਿਉਂ ਲਗਾ ਰਹੇ ਹਨ? ਉਨ੍ਹਾਂ ਨੂੰ ਸਮਝਣਾ ਚਾਹੀਦਾ ਹੈ ਕਿ ਅਗਵਾਈ ਦਾ ਮਤਲਬ ਸਿਰਫ ਐਮ.ਐਲ.ਸੀ. ਜਾਂ ਵਿਧਾਇਕ ਜਾਂ ਮੰਤਰੀ ਬਨਣਾ ਨਹੀਂ ਹੈ। ਜ਼ਿਕਰਯੋਗ ਹੈ ਕਿ ਭਾਜਪਾ ਦੇ ਸੀਨੀਅਰ ਨੇਤਾ ਏਕਨਾਥ ਖੜਸੇ ਮਹਾਰਾਸ਼ਟਰ ਵਿਧਾਨ ਸਭਾ ਲਈ 21 ਮਈ ਨੂੰ ਹੋਣ ਵਾਲੇ ਚੋਣ 'ਚ ਪਾਰਟੀ ਦੁਆਰਾ ਉਨ੍ਹਾਂ ਦੀ ਨਾਮਜ਼ਦਗੀ 'ਤੇ ਵਿਚਾਰ ਨਹੀਂ ਕੀਤੇ ਜਾਣ ਤੋਂ ਨਰਾਜ਼ ਹਨ।