70 ਸਾਲ ਦੇ ਬਜ਼ੁਰਗ ਨੂੰ 55 ਸਾਲ ਦੀ ਬੀਬੀ ਨਾਲ ਹੋਇਆ ਪਿਆਰ, ਬੱਚਿਆਂ ਨੇ ਕਰਵਾ ਦਿੱਤਾ ਵਿਆਹ

ਭੂਰਾਖੇੜੀ- ਮੱਧ ਪ੍ਰਦੇਸ਼ ਦੇ ਭੂਰਾਖੇੜੀ ਪਿੰਡ 'ਚ ਇਕ ਅਨੋਖਾ ਵਿਆਹ ਦੇਖਣ ਨੂੰ ਮਿਲਿਆ। ਇੱਥੇ ਇਕ ਬਜ਼ੁਰਗ ਨੂੰ ਹਸਪਤਾਲ 'ਚ ਇਲਾਜ ਦੌਰਾਨ ਇਕ ਬਜ਼ੁਰਗ ਬੀਬੀ ਨਾਲ ਪਿਆਰ ਹੋ ਗਿਆ ਅਤੇ ਘਰ ਵਾਲਿਆਂ ਨੇ ਦੋਹਾਂ ਦਾ ਵਿਆਹ ਕਰਵਾ ਦਿੱਤਾ। ਲਾੜੇ ਦੀ ਉਮਰ ਜਿੱਥੇ 70 ਸਾਲ ਹੈ, ਉੱਥੇ ਹੀ ਲਾੜੀ ਦੀ ਉਮਰ 55 ਸਾਲ ਹੈ। ਦਰਅਸਲ 70 ਸਾਲ ਦੇ ਓਮਕਾਰ ਸਿੰਘ ਜ਼ਿਲ੍ਹਾ ਹਸਪਤਾਲ 'ਚ ਦਾਖ਼ਲ ਸਨ। ਉੱਥੇ ਉਨ੍ਹਾਂ ਦੀ ਮੁਲਾਕਾਤ 55 ਸਾਲ ਦੀ ਗੁੱਡੀਬਾਈ ਨਾਲ ਹੋਈ। ਤਿੰਨ ਦਿਨਾਂ ਦੀ ਮੁਲਾਕਾਤ ਤੋਂ ਬਾਅਦ ਦੋਹਾਂ ਨੇ ਬਚੀ ਹੋਈ ਜ਼ਿੰਦਗੀ ਇਕੱਠੇ ਬਿਤਾਉਣ ਦੀ ਸੋਚੀ।

ਇਸ ਤੋਂ ਬਾਅਦ 4 ਮੁੰਡਿਆਂ ਦੇ ਪਿਤਾ ਓਮਕਾਰ ਸਿੰਘ ਗੁੱਡੀਬਾਈ ਨੂੰ ਆਟੋ 'ਤੇ ਘਰ ਲੈ ਆਇਆ ਅਤੇ ਬੱਚਿਆਂ ਦੇ ਸਾਹਮਣੇ ਇਕੱਠੇ ਰਹਿਣ ਦੀ ਇੱਛਾ ਜਤਾਈ। ਇਸ ਤੋਂ ਬਾਅਦ ਪਿੰਡ ਵਾਲਿਆਂ ਅਤੇ ਓਮਕਾਰ ਸਿੰਘ ਦੇ ਬੇਟੇ ਅਤੇ ਨੂੰਹਾਂ ਨੇ ਉਨ੍ਹਾਂ ਦਾ ਵਿਆਹ ਕਰਵਾਉਣ ਦਾ ਫੈਸਲਾ ਕੀਤਾ। ਵਿਆਹ 'ਚ ਓਮਕਾਰ ਸਿੰਘ ਦੇ ਬੇਟੇ-ਨੂੰਹ ਅਤੇ ਰਿਸ਼ਤੇਦਾਰਾਂ ਨੇ ਖੂਬ ਡਾਂਸ ਕੀਤਾ। ਇਸ ਵਿਆਹ 'ਚ ਪਿੰਡ ਦੇ ਸਰਪੰਚ, ਸਕੱਤਰ ਨੇ ਢੋਲ ਵੀ ਵਜਵਾਏ। ਗੁੱਡੀਬਾਈ ਦੇ ਵੀ 2 ਬੇਟੇ ਅਤੇ ਇਕ ਧੀ ਹੈ। ਬੇਹੱਦ ਧੂਮਧਾਮ ਨਾਲ ਦੋਹਾਂ ਦਾ ਵਿਆਹ ਹੋ ਗਿਆ। ਕਰੀਬ 3 ਸਾਲ ਪਹਿਲਾਂ ਓਮਕਾਰ ਸਿੰਘ ਦੀ ਪਹਿਲੀ ਪਤਨੀ ਦੀ ਮੌਤ ਹੋ ਗਈ ਸੀ।