ਰਾਮ ਮੰਦਰ ਨਿਰਮਾਣ ਲਈ ਮਨੋਹਰ ਲਾਲ ਖੱਟੜ ਨੇ ਦਿੱਤਾ ਦਾਨ
01/31/2021 6:55:19 PM
ਹਰਿਆਣਾ— ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟੜ ਨੇ ਅਯੁੱਧਿਆ ਵਿਚ ਰਾਮ ਮੰਦਰ ਨਿਰਮਾਣ ਲਈ ਐਤਵਾਰ ਯਾਨੀ ਕਿ ਅੱਜ ਸ਼੍ਰੀਰਾਮ ਜਨਮਭੂਮੀ ਤੀਰਥ ਖੇਤਰ ਨੂੰ 5 ਲੱਖ 10 ਹਜ਼ਾਰ ਰੁਪਏ ਦਾ ਚੈੱਕ ਸੌਂਪਿਆ। ਇਕ ਅਧਿਕਾਰਤ ਬਿਆਨ ਮੁਤਾਬਕ ਖੱਟੜ ਨੇ ਹਰਿਆਣਾ ਦੀ ‘ਸ਼੍ਰੀਰਾਮ ਜਨਮਭੂਮੀ ਤੀਰਥ ਟਰੱਸਟ ਨਿਧੀ ਸਮਰਪਣ ਮੁਹਿੰਮ’ ਕਮੇਟੀ ਨੂੰ ਚੈੱਕ ਸੌਂਪਿਆ। ਇਸ ਮੌਕੇ ’ਤੇ ਵਿਸ਼ਵ ਹਿੰਦੂ ਪਰੀਸ਼ਦ ਦੇ ਸਕੱਤਰ ਡਾ. ਸੁਰਿੰਦਰ ਜੈਨ ਅਤੇ ਹੋਰ ਲੋਕ ਵੀ ਹਾਜ਼ਰ ਸਨ। ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਮੁੱਖ ਮੰਤਰੀ ਨੂੰ ਸ਼੍ਰੀਰਾਮ ਜਨਮਭੂਮੀ ਮੰਦਰ ਦੀ ਤਸਵੀਰ ਭੇਟ ਵਿਚ ਦਿੱਤੀ ਗਈ।
जय श्री राम !
— Manohar Lal (@mlkhattar) January 31, 2021
अयोध्या में मर्यादापुरुषोत्तम भगवान श्री राम जी के भव्य मन्दिर निर्माण हेतु ‘श्री राम जन्मभूमि तीर्थ क्षेत्र न्यास निधि समर्पण अभियान’ के अंतर्गत प्रभु के चरणों में एक छोटा सा योगदान समर्पित करने का सौभाग्य प्राप्त हुआ।https://t.co/2RoPbhzhng pic.twitter.com/jb8H5b6Mom
ਖੱਟੜ ਨੇ ਇਸ ਬਾਬਤ ਆਪਣੇ ਟਵਿੱਟਰ ਹੈਂਡਲ ’ਤੇ ਟਵੀਟ ਕਰਦਿਆਂ ਕਿਹਾ ਕਿ ਅਯੁੱਧਿਆ ’ਚ ਭਗਵਾਨ ਸ਼੍ਰੀਰਾਮ ਜੀ ਦੇ ਮੰਦਰ ਨਿਰਮਾਣ ਲਈ ‘ਸ਼੍ਰੀਰਾਮ ਜਨਮਭੂਮੀ ਤੀਰਥ ਟਰੱਸਟ ਨਿਧੀ ਸਮਰਪਣ ਮੁਹਿੰਮ’ ਤਹਿਤ ਪ੍ਰਭੂ ਦੇ ਚਰਨਾਂ ’ਚ ਇਕ ਛੋਟਾ ਜਿਹਾ ਯੋਗਦਾਨ ਸਮਰਪਿਤ ਕਰਨ ਦਾ ਸੌਭਾਗ ਪ੍ਰਾਪਤ ਹੋਇਆ।