ਪ੍ਰਦਰਸ਼ਨਕਾਰੀਆਂ 'ਤੇ FIR ਵਾਲੇ ਬਿਆਨ 'ਤੇ ਘਿਰੇ CM ਚੰਨੀ, ਕੇਜਰੀਵਾਲ ਨੇ ਕੀਤੀ ਇਹ ਅਪੀਲ
11/27/2021 3:56:36 PM
ਨਵੀਂ ਦਿੱਲੀ- ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ’ਤੇ ਹਮਲਾ ਬੋਲਿਆ ਹੈ। ਕੇਜਰੀਵਾਲ ਨੇ ਟਵੀਟ ਕਰ ਕੇ ਕਿਹਾ,‘‘ਪੰਜਾਬ ਦੇ ਅਧਿਆਪਕ ਕਈ ਦਿਨਾਂ ਤੋਂ ਧਰਨੇ ’ਤੇ ਹਨ। 18 ਸਾਲ ਨੌਕਰੀ ਕਰਨ ਵਾਲਿਆਂ ਦੀ 6 ਹਜ਼ਾਰ ਰੁਪਏ ਮਹੀਨਾ ਤਨਖਾਹ ਹੈ। ਸੁਣਵਾਈ ਨਾ ਹੋਣ ’ਤੇ ਕੁਝ ਅਧਿਆਪਕ ਪਾਣੀ ਦੀ ਟੈਂਕੀ ’ਤੇ ਚੜ੍ਹ ਗਏ। ਚੰਨੀ ਸਾਹਿਬ ਨੇ ਧਮਕੀ ਦਿੱਤੀ ਹੈ ਕਿ ਉਨ੍ਹਾਂ ’ਤੇ ਐੱਫ.ਆਈ.ਆਰ. ਹੋਵੇਗੀ। ਚੰਨੀ ਸਾਹਿਬ, ਇਨ੍ਹਾਂ ਅਧਿਆਪਕਾਂ ਨੂੰ ਤੁਹਾਡੀ ਹਮਦਰਦੀ ਦੀ ਜ਼ਰੂਰਤ ਹੈ, ਕ੍ਰਿਪਾ ਇਨ੍ਹਾਂ ’ਤੇ ਐੱਫ.ਆਈ.ਆਰ. ਨਾ ਕਰੋ।’’
पंजाब के टीचर्ज़ कई दिनों से धरने पर हैं। 18 साल नौकरी करने वालों की 6000 रुपए महीना सैलरी है। सुनवाई ना होने पर कुछ टीचर्ज़ पानी की टंकी पर चढ़ गए। चन्नी साहिब ने धमकी दी है कि उन पर FIR होगी। चन्नी साहिब, इन टीचर्ज़ को आपकी सहानुभूति की ज़रूरत है, कृपया इन पर FIR मत कीजिए। pic.twitter.com/EyCPQTqmLX
— Arvind Kejriwal (@ArvindKejriwal) November 27, 2021
ਦੱਸਣਯੋਗ ਹੈ ਕਿ ਪੰਜਾਬ ਦੇ ਅਸਥਾਈ ਅਧਿਆਪਕ ਆਪਣੀਆਂ ਮੰਗਾਂ ਨੂੰ ਲੈਕੇ ਕਈ ਦਿਨਾਂ ਤੋਂ ਪ੍ਰਦਰਸ਼ਨ ਕਰ ਰਹੇ ਹਨ। ਉਹ ਲਗਭਗ 6 ਮਹੀਨਿਆਂ ਤੋਂ ਮੋਹਾਲੀ ’ਚ ਰਾਜ ਸਿੱਖਿਆ ਵਿਭਾਗ ਦੇ ਬਾਹਰ ਧਰਨੇ ’ਤੇ ਬੈਠੇ ਹਨ। ਪ੍ਰਦਰਸ਼ਨ ’ਚ ਬੈਠੀ ਇਕ ਅਧਿਆਪਕ ਨੇ ਕਿਹਾ ਕਿ ਉਨ੍ਹਾਂ ਨੂੰ ਪੜ੍ਹਾਉਂਦੇ ਹੋਏ 18 ਸਾਲ ਹੋ ਗਏ ਹਨ ਅਤੇ ਤਨਖਾਹ ਸਿਰਫ਼ 6 ਹਜ਼ਾਰ ਰੁਪਏ ਹੀ ਹੈ। ਸਾਡੀ ਮੰਗ ਹੈ ਕਿ ਸਰਕਾਰ ਸਾਨੂੰ ਜਲਦ ਸਥਾਈ ਕਰੇ।