ਅਮਿਤ ਸ਼ਾਹ ਨੂੰ ਮਿਲੇ ਯੇਦਿਯੁਰੱਪਾ, 20 ਅਗਸਤ ਨੂੰ ਹੋ ਸਕਦੀ ਹੈ ਕਰਨਾਟਕ ''ਚ ਕੈਬਨਿਟ ਬੈਠਕ
08/17/2019 10:55:02 PM
ਨਵੀਂ ਦਿੱਲੀ— ਕਰਨਾਟਕ ਦੇ ਮੁੱਖ ਮੰਤਰੀ ਬੀ.ਐੱਸ. ਯੇਦਿਯੁਰੱਪਾ ਨੇ ਸ਼ਨੀਵਾਰ ਨੂੰ ਦਿੱਲੀ 'ਚ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਮੁਲਾਕਾਤ ਕੀਤੀ। ਇਸ ਬੈਠਕ 'ਚ ਕਰਨਾਟਕ 'ਚ ਆਏ ਹੜ੍ਹ ਨਾਲ ਸਬੰਧਿਤ ਮੁੱਦਿਆਂ ਤੋਂ ਇਲਾਵਾ ਕਰਨਾਟਕ 'ਚ ਪੈਂਡਿੰਗ ਕੈਬਨਿਟ ਵਿਸਥਾਰ 'ਤੇ ਗੱਲਬਾਤ ਕੀਤੀ ਗਈ। ਇਸ ਦੇ ਨਾਲ ਹੀ ਕਰਨਾਟਕ 'ਚ ਕੈਬਨਿਟ ਵਿਸਥਾਨ 'ਤੇ ਲੱਗਾ ਡੈਡਲਾਕ ਖਤਮ ਹੋਣ ਦੀ ਸੰਭਾਵਨਾ ਹੈ। ਦੱਸ ਦਈਏ ਕਿ ਯੇਦਿਯੁਰੱਪਾ ਨੇ 26 ਜੁਲਾਈ ਨੂੰ ਕਰਨਾਟਕ ਦੇ ਸੀ.ਐੱਮ. ਅਹੁਦੇ ਦੀ ਸਹੁੰ ਚੁੱਕੀ ਸੀ। ਉਦੋਂ ਤੋਂ ਉਹ ਕੈਬਨਿਟ ਦਾ ਵਿਸਥਾਰ ਨਹੀਂ ਕਰ ਸਕੇ ਹਨ।
Delhi: Karnataka Chief Minister BS Yediyurappa called on Union Home Minister Amit Shah today and discussed flood-situation in the state and other issues pic.twitter.com/oy2cHe4KLf
— ANI (@ANI) August 17, 2019
ਕੈਬਨਿਟ ਵਿਸਥਾਰ ਨਾ ਹੋਣ ਕਾਰਨ ਉਨ੍ਹਾਂ ਨੂੰ ਵਿਰੋਧੀ ਦੀ ਨਿੰਦਾ ਦਾ ਵੀ ਸ਼ਿਕਾਰ ਹੋਣਾ ਪਿਆ ਹੈ। ਸ਼ਨੀਵਾਰ ਨੂੰ ਉਨ੍ਹਾਂ ਨੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਮੁਲਾਕਾਤ ਕੀਤੀ। ਇਸ ਬੈਠਕ 'ਚ ਉਨ੍ਹਾਂ ਨੇ ਕਰਨਾਟਕ ਦੀ ਹੜ੍ਹ ਤੋਂ ਬਾਅਦ ਦੇ ਹਾਲਾਤ 'ਤੇ ਚਰਚਾ ਕੀਤੀ ਪਰ ਅਸਲੀ ਮੁੱਦਾ ਕਰਨਾਟਕ 'ਚ ਸਰਕਾਰ ਦੇ ਵਿਸਥਾਨ ਦਾ ਸੀ। ਹੁਣ 20 ਅਗਸਤ ਨੂੰ ਕਰਨਾਟਕ ਵਿਧਾਨ ਸਭਾ 'ਚ ਬੀਜੇਪੀ ਲੈਜਿਸਲੇਟਿਵ ਪਾਰਟੀ ਮੀਟਿੰਗ ਸੱਦੀ ਗਈ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਤੋਂ ਬਾਅਦ ਕਰਨਟਾਕ ਸਰਕਾਰ 'ਚ ਕੈਬਨਿਟ ਦਾ ਵਿਸਥਾਰ ਹੋ ਜਾਵੇਗਾ।