ਜੇ.ਐਨ.ਯੂ. ਹਿੰਸਾ 'ਤੇ ਇਮੋਸ਼ਨਲ ਹੋਈ ਸਵਰਾ, ਤਾਪਸੀ ਨੇ ਵੀ ਕੀਤੀ ਹਮਲੇ ਦੀ ਨਿੰਦਿਆ
01/06/2020 12:51:59 AM
ਨਵੀਂ ਦਿੱਲੀ (ਏਜੰਸੀ)- ਐਤਵਾਰ ਸ਼ਾਮ ਜੇ.ਐਨ.ਯੂ. ਯੂਨੀਵਰਸਿਟੀ ਵਿਦਿਆਰਥੀ ਸੰਘ ਦੀ ਪ੍ਰਧਾਨ ਆਇਸ਼ੀ ਘੋਸ਼ 'ਤੇ ਹਮਲਾ ਹੋਇਆ ਹੈ। ਇਸ ਹਮਲੇ ਵਿਚ ਆਇਸ਼ੀ ਦੇ ਸਿਰ 'ਚ ਗੰਭੀਰ ਸੱਟ ਲੱਗੀ ਹੈ। ਰਿਪੋਰਟ ਮੁਤਾਬਕ ਨਕਾਬਪੋਸ਼ ਹਮਲਾਵਰਾਂ ਨੇ ਕਈ ਹੋਸਟਲਾਂ ਵਿਚ ਜਾ ਕੇ ਹਮਲਾ ਕੀਤਾ। ਜੇ.ਐਨ.ਯੂ. ਵਿਦਿਆਰਥੀ ਸੰਘ ਨੇ ਦਾਅਵਾ ਕੀਤਾ ਕਿ ਅਖਿਲ ਭਾਰਤੀ ਵਿਦਿਆਰਥੀ ਕੌਂਸਲ (ਏ.ਬੀ.ਵੀ.ਪੀ.) ਨੇ ਹਿੰਸਾ ਨੂੰ ਅੰਜਾਮ ਦਿੱਤਾ ਹੈ। ਉਥੇ ਹੀ ਏ.ਬੀ.ਵੀ.ਪੀ. ਨੇ ਪ੍ਰੈਸ ਰਿਲੀਜ਼ ਜਾਰੀ ਕਰਕੇ ਇਹ ਦਾਅਵਾ ਕੀਤਾ ਹੈ ਕਿ ਇਸ ਹਮਲੇ ਪਿੱਛੇ ਖੱਬੇ ਪੱਖੀ ਵਿਚਾਰਧਾਰਾ ਵਾਲੇ ਸੰਗਠਨਾਂ (ਐਸ.ਐਫ.ਆਈ., ਏ.ਆਈ.ਐਸ.ਏ. ਅਤੇ ਡੀ.ਐਸ.ਐਫ.) ਦਾ ਹੱਥ ਹੈ। ਇਸ ਹਿੰਸਾ ਤੋਂ ਬਾਅਦ ਬਾਲੀਵੁੱਡ ਤੋਂ ਵੀ ਰਿਐਕਸ਼ਨ ਆਉਣੇ ਸ਼ੁਰੂ ਹੋ ਗਏ ਹਨ।
Urgent appeal!!!! To all Delhiites PLS gather in large numbers outside the Main Gate of JNU campus on Baba Gangnath Marg.. to pressure the govt. & #DelhiPolice to stop the rampage by alleged ABVP masked goons on JNU campus. PLS PLS share to everyone in Delhi!🙏🏿🙏🏿 9pm on 5th. Jan pic.twitter.com/IXgvvazoSn
— Swara Bhasker (@ReallySwara) January 5, 2020
ਬਾਲੀਵੁੱਡ ਐਕਟ੍ਰੈਸ ਸਵਰਾ ਭਾਸਕਰ ਇਸ ਹਮਲੇ ਤੋਂ ਬਾਅਦ ਕਾਫੀ ਪਰੇਸ਼ਾਨ ਦਿਖੀ ਅਤੇ ਉਹ ਇਕ ਵੀਡੀਓ ਵਿਚ ਇਮੋਸ਼ਨਲ ਵੀ ਹੋ ਗਈ। ਉਨ੍ਹਾਂ ਨੇ ਇਸ ਮਾਮਲੇ ਵਿਚ ਹਿੰਸਾ ਦਾ ਦੋਸ਼ ਏ.ਬੀ.ਵੀ.ਪੀ. 'ਤੇ ਲਗਾਇਆ ਹੈ। ਸਵਰਾ ਨੇ ਟਵੀਟ ਕਰਦੇ ਹੋਏ ਲਿਖਿਆ ਸੀ ਕਿ ਅਰਜੇਂਟ ਅਪੀਲ ਸਾਰੇ ਦਿੱਲੀ ਵਾਸੀ, ਬਾਬਾ ਗੰਗਨਾਥ ਮਾਰਗ 'ਤੇ ਜੇ.ਐਨ.ਯੂ. ਕੈਂਪਸ ਦੇ ਮੇਨ ਗੇਟ ਦੇ ਬਾਹਰ ਵੱਡੀ ਗਿਣਤੀ ਵਿਚ ਪਹੁੰਚੇ ਤਾਂ ਜੋ ਸਰਕਾਰ ਅਤੇ ਦਿੱਲੀ ਪੁਲਸ 'ਤੇ ਐਕਸ਼ਨ ਲੈਣ ਲਈ ਦਬਾਅ ਬਣਾਇਆ ਜਾ ਸਕੇ ਅਤੇ ਏ.ਬੀ.ਵੀ.ਪੀ. ਦੇ ਮਾਸਕ ਵਾਲੇ ਗੁੰਡਿਆਂ ਨੂੰ ਜੇ.ਐਨ.ਯੂ. ਕੈਂਪਸ ਵਿਚ ਤੋੜਭੰਨ ਅਤੇ ਹਿੰਸਾ ਤੋਂ ਰੋਕਿਆ ਜਾ ਸਕੇ। ਸਵਰਾ ਨੇ ਇਸ ਟਵੀਟ ਦੇ ਨਾਲ ਇਕ ਵੀਡੀਓ ਵੀ ਸ਼ੇਅਰ ਕੀਤੀ ਸੀ ਜਿਸ ਵਿਚ ਉਹ ਕਾਫੀ ਇਮੋਸ਼ਨਲ ਨਜ਼ਰ ਆਈ। ਸਵਰਾ ਨੇ ਵੀਡੀਓ ਵਿਚ ਦੱਸਿਆ ਕਿ ਉਸ ਦੇ ਪੇਰੇਂਟਸ ਵੀ ਜੇ.ਐਨ.ਯੂ. ਵਿਚ ਹੀ ਰਹਿੰਦੇ ਹਨ ਅਤੇ ਉਹ ਇਸ ਖਬਰ ਨੂੰ ਪਾ ਕੇ ਬਹੁਤ ਹੈਰਾਨ ਹੈ।
such is the condition inside what we consider to be a place where our future is shaped. It’s getting scarred for ever. Irreversible damage. What kind of shaping up is happening here, it’s there for us to see.... saddening https://t.co/Qt2q7HRhLG
— taapsee pannu (@taapsee) January 5, 2020
ਇਸ ਤੋਂ ਇਲਾਵਾ ਤਾਪਸੀ ਪੰਨੂ ਨੇ ਵੀ ਇਸ ਘਟਨਾ ਨੂੰ ਲੈ ਕੇ ਟਵੀਟ ਕੀਤਾ, ਉਨ੍ਹਾਂ ਨੇ ਇਕ ਵੀਡੀਓ ਨੂੰ ਸ਼ੇਅਰ ਕੀਤਾ ਜਿਸ ਵਿਚ ਦਾਅਵਾ ਕੀਤਾ ਗਿਆ ਕਿ ਏ.ਬੀ.ਵੀ.ਪੀ. ਦੇ ਲੋਕਾਂ ਨੇ ਸਟੂਡੈਂਟਸ ਨੂੰ ਮਾਰਿਆ। ਤਾਪਸੀ ਨੇ ਆਪਣੇ ਟਵੀਟ ਵਿਚ ਲਿਖਿਆ ਕਿ ਜਿੱਥੇ ਬੱਚਿਆਂ ਦਾ ਭਵਿੱਖ ਸੰਵਾਰਿਆ ਜਾਂਦਾ ਹੈ ਉਸ ਥਾਂ ਦੀ ਅਜਿਹੀ ਹਾਲਤ ਕਰ ਦਿੱਤੀ ਹੈ। ਇਹ ਹਮੇਸ਼ਾ ਲਈ ਡੂੰਘਾ ਜ਼ਖਮ ਦੇ ਜਾਵੇਗਾ। ਇਹ ਕਦੇ ਨਾ ਠੀਕ ਹੋਣ ਵਾਲਾ ਡੈਮੇਜ ਹੈ। ਆਖਿਰ ਕਿਸ ਤਰ੍ਹਾਂ ਦੀਆਂ ਚੀਜਾਂ ਇਥੇ ਸ਼ੇਪ ਹੋ ਰਹੀਆਂ ਹਨ। ਇਹ ਸਾਡੇ ਸਭ ਦੇ ਦੇਖਣ ਲਈ ਹੈ। ਇਹ ਬਹੁਤ ਦੁਖਦਾਈ ਹੈ।