ਭਾਰਤੀ ਫੌਜ ਦੀ ਵਧੀ ਤਾਕਤ, ਦੇਸੀ ਟੈਂਕ ਅਰਜੁਨ ਮਾਰਕ 1-ਏ ਦਾ ਸਫਲ ਪ੍ਰੀਖਣ

ਨਵੀਂ ਦਿੱਲੀ : ਭਾਰਤੀ ਫੌਜ ਅਤੇ ਡੀ.ਆਰ.ਡੀ.ਓ. ਨੇ ਸੰਯੁਕਤ ਰੂਪ ਨਾਲ ਪੋਖਰਣ ਫੀਲਡ ਫਾਇਰਿੰਗ ਰੇਂਜ ਵਿੱਚ ਇੱਕ ਵਾਰ ਫਿਰ ਦੇਸ਼ ਵਿੱਚ ਬਣੇ ਉੱਨਤ ਜੰਗੀ ਟੈਂਕ ਅਰਜੁਨ ਮਾਰਕ 1-ਏ ਦਾ ਪ੍ਰੀਖਣ ਕੀਤਾ ਹੈ। ਪ੍ਰੀਖਣ ਦੌਰਾਨ ਕੁੱਝ ਰਾਉਂਡ ਫਾਇਰ ਕੀਤੇ ਗਏ। ਫੌਜ ਦੇ ਡਾਇਰੈਕਟਰ ਜਨਰਲ ਆਰਮਰਡ ਕੋਰ ਲੈਫਟੀਨੈਂਟ ਜਨਰਲ ਐੱਮ.ਜੇ.ਐੱਸ. ਕਹਲੋਨ ਮੌਜੂਦ ਰਹੇ।

ਪ੍ਰੀਖਣ ਵਿੱਚ ਟੈਂਕ ਆਪਣੇ ਸਾਰੇ ਮਾਨਕਾਂ 'ਤੇ ਖਰਾ ਉਤਰਿਆ ਹੈ। ਹੁਣ ਇਸ ਦੇ ਫੌਜ ਵਿੱਚ ਸ਼ਾਮਲ ਹੋਣ ਦਾ ਰਾਹ ਪੱਧਰਾ ਹੋ ਗਿਆ। ਫੌਜ ਦੀ ਦੋ ਟੈਂਕ ਰੈਜਿਮੈਂਟ ਦੇ ਪੁਰਾਣੇ ਟੈਂਕ ਇਸ ਤੋਂ ਬਦਲੇ ਜਾਣਗੇ। ਫੌਜ ਵਿੱਚ ਹੰਟਰ ਕਿਲਰ  ਦੇ ਨਾਮ ਨਾਲ ਪ੍ਰਸਿੱਧ 118 ਟੈਂਕ ਖਰੀਦਣ ਦਾ ਆਰਡਰ ਮਾਰਚ ਵਿੱਚ ਤਿਆਰ ਕੀਤਾ ਗਿਆ ਸੀ ਪਰ ਫੌਜ ਨੇ ਇਸ ਵਿੱਚ ਕੁੱਝ ਸੁਧਾਰ ਕਰਨ ਦੀ ਮੰਗ ਕੀਤੀ ਸੀ। ਇਸ ਤੋਂ ਬਾਅਦ ਡੀ.ਆਰ.ਡੀ.ਓ. ਨੇ ਕਰੀਬ 14 ਨਵੇਂ ਫੀਚਰਸ ਨੂੰ ਟੈਂਕ ਵਿੱਚ ਸ਼ਾਮਲ ਕੀਤਾ ਸੀ।
ਆਕਸਫੋਰਡ-ਐਸਟਰਾਜ਼ੇਨੇਕਾ ਦੀ ਕੋਰੋਨਾ ਵੈਕਸੀਨ ਦੇ ਅੰਤਮ ਪੜਾਅ ਦੇ ਟ੍ਰਾਇਲ ਦੇ ਨਤੀਜੇ ਜਾਰੀ

ਰਸਾਇਣਿਕ ਹਮਲੇ ਤੋਂ ਬਚਾਉਣ ਦੇ ਵਿਸ਼ੇਸ਼ ਤਰ੍ਹਾਂ ਦੇ ਸੈਂਸਰ 
ਇਸ ਤੋਂ ਬਾਅਦ ਡੀ.ਆਰ.ਡੀ.ਓ. ਨੇ ਟੈਂਕ ਵਿੱਚ ਚਾਰ ਸੁਧਾਰ ਕੀਤੇ। ਹੁਣ ਇਸ ਵਿੱਚ ਫਾਇਰ ਪਾਵਰ ਸਮਰੱਥਾ ਨੂੰ ਕਾਫ਼ੀ ਵਧਾਇਆ ਗਿਆ ਹੈ। ਨਵੀਂ ਤਕਨੀਕ ਦਾ ਟ੍ਰਾਂਸਮਿਸ਼ਨ ਸਿਸਟਮ ਲਗਾਇਆ ਗਿਆ ਹੈ। ਇਹ ਆਪਣੇ ਟੀਚੇ ਨੂੰ ਖੁਦ ਲੱਭਣ ਵਿੱਚ ਸਮਰੱਥ ਹੈ। ਟੈਂਕ ਵਿੱਚ ਕਮਾਂਡਰ, ਗਨਰ, ਲੋਡਰ ਅਤੇ ਚਾਲਕ ਦਾ ਕਰੂ ਹੋਵੇਗਾ। ਇਹ ਟੈਂਕ ਜੰਗੀ ਖੇਤਰ ਵਿੱਚ ਵਿਛਾਈ ਗਈ ਮਾਇੰਸ ਨੂੰ ਸਾਫ਼ ਕਰਦੇ ਹੋਏ ਆਸਾਨੀ ਨਾਲ ਅੱਗੇ ਵੱਧ ਸਕੇਗਾ। ਰਸਾਇਣਿਕ ਹਮਲੇ ਤੋਂ ਬਚਾਉਣ ਲਈ ਵਿਸ਼ੇਸ਼ ਤਰ੍ਹਾਂ ਦੇ ਸੈਂਸਰ ਲੱਗੇ ਹਨ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ 'ਚ ਦਿਓ ਜਵਾਬ।