ਘੁਸਪੈਠ ਦੀ ਕੋਸ਼ਿਸ਼ ਕਰਨ ਵਾਲੇ ਪਾਕਿਸਤਾਨੀ ਅੱਤਵਾਦੀਆਂ ਨੂੰ ਫੌਜ ਨੇ ਦੌੜਾਇਆ

ਸ਼੍ਰੀਨਗਰ— ਭਾਰਤੀ ਫੌਜ ਨੇ ਕਸ਼ਮੀਰ 'ਚ ਪਾਕਿਸਤਾਨ ਵਲੋਂ ਘੁਸਪੈਠ ਕਰਨ ਵਾਲੇ ਅੱਤਵਾਦੀਆਂ ਦੀ ਇਕ ਵੱਡੀ ਕੋਸ਼ਿਸ਼ ਨੂੰ ਜੁਲਾਈ ਮਹੀਨੇ ਦੇ ਅੰਤ 'ਚ ਅਸਫ਼ਲ ਕਰ ਦਿੱਤਾ ਸੀ। ਹਾਲ ਹੀ 'ਚ ਇਸ ਨਾਲ ਜੁੜਿਆ ਇਕ ਵੀਡੀਓ ਫੌਜ ਨੇ ਜਾਰੀ ਕੀਤਾ ਹੈ। ਇਹ ਘਟਨਾ ਜੰਮੂ-ਕਸ਼ਮੀਰ 'ਚ ਧਾਰਾ 370 ਖਤਮ ਕੀਤੇ ਜਾਣ ਤੋਂ ਕੁਝ ਦਿਨ ਪਹਿਲਾਂ ਦੀ ਦੱਸੀ ਜਾਂਦੀ ਹੈ। ਫੌਜ ਦਾ ਇਹ ਵੀਡੀਓ 30 ਜੁਲਾਈ ਦਾ ਹੈ। ਇਸ 'ਚ ਕਸ਼ਮੀਰ ਦੇ ਕੁਪਵਾੜਾ 'ਚ ਐੱਲ.ਓ.ਸੀ. ਕੋਲ ਪਾਕਿਸਤਾਨੀ ਅੱਤਵਾਦੀਆਂ ਦਾ ਇਕ ਵੱਡਾ ਸਮੂਹ ਦੇਖਿਆ ਗਿਆ ਸੀ। ਦੱਸਿਆ ਜਾਂਦਾ ਹੈ ਕਿ ਜਿਵੇਂ ਹੀ ਭਾਰਤੀ ਫੌਜੀਆਂ ਦੀਆਂ ਇਨ੍ਹਾਂ ਘੁਸਪੈਠੀਆਂ 'ਤੇ ਨਜ਼ਰ ਪਈ, ਉਨ੍ਹਾਂ ਨੇ ਬਿਨਾਂ ਸਮੇਂ ਗਵਾਏ ਇਨ੍ਹਾਂ 'ਤੇ ਫਾਇਰਿੰਗ ਸ਼ੁਰੂ ਕਰ ਦਿੱਤੀ।

Indian Army detected Pakistani terrorists near LoC in Kashmir’s Kupwara sector on 30 Jul.Indian troops started firing at them as soon as terrorists were detected&forced them to return to their territory.They were attempting to infiltrate&carry out attacks on Indian positions. pic.twitter.com/WlKT9VF6Cd

— ANI (@ANI) September 27, 2019

ਇਹ ਪਾਕਿਸਤਾਨੀ ਅੱਤਵਾਦੀ ਭਾਰਤੀ ਫੌਜਾਂ ਵਲੋਂ ਹੋਣ ਵਾਲੀ ਫਾਇਰਿੰਗ ਦਾ ਮੁਕਾਬਲਾ ਨਹੀਂ ਕਰ ਸਕੇ ਅਤੇ ਦੌੜ ਕੇ ਵਾਪਸ ਪਾਕਿਸਤਾਨ ਦੀ ਸਰਹੱਦ 'ਚ ਆ ਗਏ। ਪਾਕਿਸਤਾਨ ਸਮੇਂ-ਸਮੇਂ 'ਤੇ ਹਲਕੀ ਅਤੇ ਭਾਰੀ ਗੋਲੀਬਾਰੀ ਦੀ ਆੜ ਲੈ ਕੇ ਘੁਸਪੈਠੀਆਂ ਨੂੰ ਕੰਟਰੋਲ ਰੇਖਾ ਪਾਰ ਕਰਨ 'ਚ ਮਦਦ ਕਰਦਾ ਰਹਿੰਦਾ ਹੈ ਪਰ ਇਸ ਵਾਰ ਸਰਗਰਮ ਸੁਰੱਖਿਆ ਫੋਰਸਾਂ ਕਾਰਨ ਉਸ ਦੀ ਇਹ ਯੋਜਨਾ ਅਸਫ਼ਲ ਹੋ ਗਈ।