ਵੈਕਸੀਨ ਨਹੀਂ ਬਣੀ ਤਾਂ ਭਾਰਤ 'ਚ ਆਵੇਗੀ ਤਬਾਹੀ, ਰੋਜ਼ਾਨਾ ਆਉਣਗੇ ਕੋਰੋਨਾ ਦੇ 2.87 ਲੱਖ ਕੇਸ
07/09/2020 12:36:25 AM
ਨਵੀਂ ਦਿੱਲੀ : ਅਮਰੀਕਾ ਦੇ ਮਸ਼ਹੂਰ ਮੈਸੇਚਿਉਸੇਟਸ ਇੰਸਟੀਚਿਊਟ ਆਫ ਟੈਕਨਾਲੋਜੀ (ਐੱਮ.ਆਈ.ਟੀ.) ਦੇ ਖੋਜਕਾਰਾਂ ਦੇ ਅਧਿਐਨ ਮਾਡਲ ਮੁਤਾਬਕ ਜੇਕਰ ਕੋਵਿਡ-19 ਦਾ ਟੀਕਾ ਜਾਂ ਦਵਾਈ ਵਿਕਸਿਤ ਨਹੀਂ ਹੋਈ ਤਾਂ 2021 ਦੀਆਂ ਸਰਦੀਆਂ ਦੇ ਅੰਤ ਤੱਕ ਭਾਰਤ 'ਚ ਰੋਜ਼ਾਨਾ ਇਨਫੈਕਸ਼ਨ ਦੇ 2.87 ਲੱਖ ਨਵੇਂ ਮਾਮਲੇ ਸਾਹਮਣੇ ਆ ਸਕਦੇ ਹਨ। ਖੋਜਕਾਰਾਂ ਨੇ 84 ਦੇਸ਼ਾਂ 'ਚ ਭਰੋਸੇਮੰਦ ਜਾਂਚ ਅੰਕੜਿਆਂ ਦੇ ਆਧਾਰ 'ਤੇ ਗਤੀਸ਼ੀਲ ਮਹਾਮਾਰੀ ਮਾਡਲ ਵਿਕਸਿਤ ਕੀਤਾ ਹੈ। ਇਨ੍ਹਾ 84 ਦੇਸ਼ਾਂ 'ਚ ਦੁਨੀਆ ਦੇ 4.75 ਅਰਬ ਲੋਕ ਰਹਿੰਦੇ ਹਨ।
ਪ੍ਰਕਾਸ਼ਨ ਸਾਬਕਾ ਸ਼ੋਧ ਪੱਤਰ 'ਚ ਐੱਮ.ਆਈ.ਟੀ. ਦੇ ਪ੍ਰੋਫੈਸਰ ਹਾਜਰ ਰਹਿਮਾਨਦਾਦ ਅਤੇ ਜਾਨ ਸਟਰਮੈਨ, ਪੀ.ਐੱਚ.ਡੀ. ਵਿਦਿਆਰਥੀ ਵਲੋਂ ਯਾਂਗ ਲਿਮ ਨੇ ਇਨਫੈਕਸ਼ਨ ਤੋਂ ਪ੍ਰਭਾਵਿਤ ਚੋਟੀ ਦੇ 10 ਦੇਸ਼ਾਂ ਦੇ ਰੋਜ਼ਾਨਾ ਇਨਫੈਕਸ਼ਨ ਦਰ ਦੇ ਆਧਾਰ 'ਤੇ ਅੰਦਾਜਾ ਲਗਾਇਆ ਹੈ ਕਿ ਭਾਰਤ 'ਚ ਸਾਲ 2021 ਦੀਆਂ ਸਰਦੀਆਂ ਦੇ ਅੰਤ ਤੱਕ ਰੋਜ਼ਾਨਾ 2.87 ਲੱਖ ਨਵੇਂ ਮਾਮਲੇ ਆ ਸਕਦੇ ਹਨ। ਇਸ ਤੋਂ ਬਾਅਦ ਅਮਰੀਕਾ, ਦੱਖਣੀ ਅਫਰੀਕਾ, ਈਰਾਨ, ਇੰਡੋਨੇਸ਼ੀਆ, ਬ੍ਰੀਟੇਨ, ਨਾਈਜੀਰੀਆ, ਤੁਰਕੀ, ਫ਼ਰਾਂਸ ਅਤੇ ਜਰਮਨੀ ਦਾ ਸਥਾਨ ਹੋਵੇਗਾ। ਹਾਲਾਂਕਿ, ਖੋਜਕਾਰਾਂ ਨੇ ਸਪੱਸ਼ਟ ਕੀਤਾ ਕਿ ਭਵਿੱਖਬਾਣੀ ਸਿਰਫ ਸੰਭਾਵਿਤ ਖਤਰੇ ਨੂੰ ਦਰਸ਼ਾਉਂਦਾ ਹੈ ਨਾ ਕਿ ਭਵਿੱਖ 'ਚ ਮਾਮਲਿਆਂ ਦੀ ਭਵਿੱਖਬਾਣੀ ਕਰਦਾ ਹੈ।
ਖੋਜਕਾਰਾਂ ਨੇ ਕਿਹਾ ਕਿ ਸਖਤੀ ਨਲ ਜਾਂਚ ਅਤੇ ਪੀੜਤਾਂ ਨਾਲ ਸੰਪਰਕ ਨੂੰ ਘੱਟ ਕਰਣ ਨਾਲ ਭਵਿੱਖ 'ਚ ਮਾਮਲੇ ਵਧਣ ਦਾ ਖ਼ਤਰਾ ਘੱਟ ਹੋ ਸਕਦਾ ਹੈ। ਖੋਜਕਾਰਾਂ ਨੇ ਕਿਹਾ ਕਿ 2021 ਦੀ ਭਵਿੱਖਬਾਣੀ ਟੀਕਾ ਨਹੀਂ ਵਿਕਸਿਤ ਹੋਣ ਦੀ ਹਾਲਤ ਨੂੰ ਲੈ ਕੇ ਆਧਾਰਿਤ ਹੈ। ਇਸ ਮਾਡਲ 'ਚ 84 ਦੇਸ਼ਾਂ ਦੇ ਅੰਕੜਿਆਂ ਦੇ ਆਧਾਰ 'ਤੇ ਕਈ ਅਹਿਮ ਖੁਲਾਸੇ ਵੀ ਹੋਏ ਹਨ। ਖੋਜਕਾਰਾਂ ਮੁਤਾਬਕ 18 ਜੂਨ ਤੋਂ ਹੁਣ ਤੱਕ ਮਾਮਲਿਆਂ ਅਤੇ ਮੌਤ ਦਰ ਆਧਿਕਾਰਕ ਅੰਕੜਿਆਂ ਦੇ ਮੁਕਾਬਲੇ ਕ੍ਰਮਵਾਰ: 11.8 ਅਤੇ 1.48 ਗੁਣਾ ਜ਼ਿਆਦਾ ਹੈ।