ਬਾਂਦੀਪੋਰਾ ਹਮਲੇ ''ਚ ਸ਼ਾਮਲ ਅੱਤਵਾਦੀਆਂ ਦੀ ਪਛਾਣ
04/04/2018 10:32:41 AM
ਸ਼੍ਰੀਨਗਰ—ਉੱਤਰੀ ਕਸ਼ਮੀਰ ਦੇ ਬਾਂਦੀਪੋਰਾ 'ਚ ਇਕ ਘਰ 'ਚ ਵੜ ਕੇ ਇਕ ਵਿਅਕਤੀ ਦੀ ਹੱਤਿਆ ਅਤੇ ਤਿੰਨ ਹੋਰ ਨੂੰ ਜ਼ਖਮੀ ਕਰਕੇ ਭੱਜੇ ਅੱਤਵਾਦੀਆਂ ਦੀ ਪਛਾਣ ਕਰ ਲਈ ਗਈ ਹੈ ਅਤੇ ਸੁਰੱਖਿਆ ਬਲਾਂ ਨੇ ਇਨ੍ਹਾਂ ਦੀ ਗ੍ਰਿਫਤਾਰੀ ਦੇ ਲਈ ਵਿਆਪਕ ਤਲਾਸ਼ੀ ਮੁਹਿੰਮ ਛੱਡਿਆ ਹੈ। ਪੁਲਸ ਬੁਲਾਰੇ ਨੇ ਦੱਸਿਆ ਕਿ ਹਮਲੇ ਨੂੰ ਪੰਜ ਵਿਦੇਸ਼ੀ ਅਤੇ ਇਕ ਸਥਾਨਕ ਅੱਤਵਾਦੀ ਨੇ ਅੰਜਾਮ ਦਿੱਤਾ ਸੀ। ਇਸ ਦੀ ਪਛਾਣ ਲਸ਼ਕਰੇ-ਤੋਯਬਾ ਨਾਲ ਜੁੜੇ ਅਬੂ ਮੁਸਲਿਮ, ਹੁਬੈਬ, ਖਾਲਿਦ, ਅਬੂ ਹਮਜਾ ਅਤੇ ਹੈਦਰ ਅਤੇ ਸਥਾਨਕ ਅੱਤਵਾਦੀ ਮੁਹੰਮਦ ਸਲੀਮ ਪਰੇ ਦੇ ਰੂਪ 'ਚ ਕੀਤੀ ਗਈ ਹੈ। ਸੋਮਵਾਰ ਦੀ ਰਾਤ ਕਰੀਬ 10 ਵਜੇ ਅੱਤਵਾਦੀ ਹਾਜਿਨ ਦੇ ਨੇੜੇ ਪਾਰ ਮੁਹੱਲਾ ਨਿਵਾਸੀ ਫਾਰੂਕ ਅਹਿਮਦ ਪਰੇ ਦੇ ਘਰ 'ਚ ਵੜ ਕੇ ਅੰਧਾਧੁੰਦ ਗੋਲੀਬਾਰੀ ਕੀਤੀ ਅਤੇ ਮੌਜੂਦ ਲੋਕਾਂ 'ਤੇ ਤੇਜ਼ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ। ਹਮਲੇ 'ਚ ਫਾਰੂਖ ਦੀ ਪਤਨੀ ਰਫੀਕਾ, ਪੁੱਤਰੀ ਨੀਲੋਫਰ ਅਤੇ ਪੁੱਤਰ ਹਿਲਾਲ ਅਹਿਮਦ ਜ਼ਖਮੀ ਹੋ ਗਏ। ਅੱਤਵਾਦੀਆਂ ਨੇ ਫਾਰੂਕ ਦੇ ਜਵਾਈ ਮੁੰਤਜਿਰ ਨੂੰ ਅਗਵਾ ਕਰ ਲਿਆ ਅਤੇ ਉੱਥੇ ਤੋਂ ਭੱਜ ਗਏ। ਦੂਜੇ ਦਿਨ ਮੰਗਲਵਾਰ ਦੀ ਦੁਪਹਿਰ ਨੂੰ ਮੁੰਤਜਿਰ ਦੀ ਲਾਸ਼ ਬਰਾਮਦ ਕੀਤੀ ਗਈ।
