ਹੈਦਰਾਬਾਦ ਗੈਂਗਰੇਪ : ਐਨਕਾਊਂਟਰ ਵਾਲੀ ਜਗ੍ਹਾ ਲੋਕਾਂ ਦੀ ਭੀੜ, ਪੁਲਸ 'ਤੇ ਕੀਤੀ ਫੁੱਲਾਂ ਦੀ ਵਰਖਾ
12/06/2019 10:52:41 AM
ਹੈਦਰਾਬਾਦ— ਕੁਝ ਦਿਨ ਪਹਿਲਾਂ ਹੀ ਮਹਿਲਾ ਡਾਕਟਰ ਨਾਲ ਗੈਂਗਰੇਪ ਅਤੇ ਕਤਲ ਤੋਂ ਬਾਅਦ ਹੈਦਰਾਬਾਦ ਲਈ ਸ਼ੁੱਕਰਵਾਰ ਦੀ ਸਵੇਰ ਕੁਝ ਵੱਖ ਸੀ। ਸਵੇਰੇ ਲੋਕ ਉੱਠੇ ਤਾਂ ਉਨ੍ਹਾਂ ਨੂੰ ਪਹਿਲੀ ਖਬਰ ਉਨ੍ਹਾਂ ਦੋਸ਼ੀਆਂ ਦੇ ਐਨਕਾਊਂਟਰ 'ਚ ਢੇਰ ਹੋਣ ਦੀ ਹੀ ਮਿਲੀ, ਜਿਨ੍ਹਾਂ ਨੇ ਇਸ ਭਿਆਨਕ ਕਤਲਕਾਂਡ ਨੂੰ ਅੰਜਾਮ ਦਿੱਤਾ ਸੀ। ਇਨ੍ਹਾਂ ਦੋਸ਼ੀਆਂ ਦਾ ਐਨਕਾਊਂਟਰ ਉਸੇ ਜਗ੍ਹਾ ਹੋਇਆ, ਜਿੱਥੇ ਉਨ੍ਹਾਂ ਨੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ਸੀ। ਪੁਲਸ ਅਨੁਸਾਰ ਉਹ ਦੋਸ਼ੀਆਂ ਨੂੰ ਸੀਨ ਰੀਕ੍ਰਿਏਟ ਲਈ ਲੈ ਗਈ ਸੀ ਤਾਂ ਕਿ ਘਟਨਾ ਦੀਆਂ ਕੜੀਆਂ ਨੂੰ ਜੋੜਿਆ ਜਾ ਸਕੇ। ਇਹੀ ਨਹੀਂ ਹਾਦਸੇ ਵਾਲੀ ਜਗ੍ਹਾ ਪੁੱਜੇ ਲੋਕ ਪੁਲਸ 'ਤੇ ਫੁੱਲਾਂ ਦੀ ਵਰਖਾ ਕਰਦੇ ਵੀ ਦਿੱਸੇ। ਕੁਝ ਲੋਕਾਂ ਨੇ ਪੁਲਸ ਵਾਲਿਆਂ ਦੀ ਤਾਰੀਫ਼ ਕਰਦੇ ਹੋਏ ਮਠਿਆਈਆਂ ਵੀ ਵੰਡੀਆਂ, ਜਦਕਿ ਔਰਤਾਂ ਨੇ ਹਾਦਸੇ ਵਾਲੀ ਜਗ੍ਹਾ 'ਤੇ ਮੌਜੂਦ ਪੁਲਸ ਕਰਮਚਾਰੀਆਂ ਨੂੰ ਰੱਖੜੀ ਬੰਨ੍ਹੀ। ਐਨਕਾਊਂਟਰ ਦੀ ਖਬਰ ਮਿਲਦੇ ਹੀ ਹਾਦਸੇ ਵਾਲੀ ਜਗ੍ਹਾ 'ਤੇ ਲੋਕਾਂ ਦੀ ਭੀੜ ਇਕੱਠੀ ਹੋਈ। ਜਿਸ ਨੇ ਇਹ ਖਬਰ ਸੁਣੀ ਉਹ ਹਾਦਸੇ ਵਾਲੀ ਜਗ੍ਹਾ 'ਤੇ ਆ ਗਿਆ ਅਤੇ ਸਥਿਤੀ ਇਹ ਹੈ ਕਿ ਗਈ ਕਿ ਪੁਲਸ ਨੂੰ ਲੋਕਾਂ ਨੂੰ ਸੰਭਾਲਣ ਲਈ ਵੱਡੀ ਗਿਣਤੀ 'ਚ ਫੋਰਸ ਤਾਇਨਾਤ ਕਰਨੀ ਪਈ ਹੈ।
#WATCH Hyderabad: People celebrate and cheer for police at the encounter site where the four accused were killed in an encounter earlier today. #Telangana pic.twitter.com/WZjPi0Y3nw
— ANI (@ANI) December 6, 2019
ਕਾਨੂੰਨ ਮੰਤਰੀ ਨੇ ਦੱਸਿਆ ਭਗਵਾਨ ਦਾ ਨਿਆਂ
ਐਨਕਾਊਂਟਰ ਵਾਲੀ ਜਗ੍ਹਾ ਕੋਲ ਹਜ਼ਾਰਾਂ ਲੋਕਾਂ ਦੀ ਭੀੜ ਮੌਜੂਦ ਹੈ ਅਤੇ ਇਸ ਨੂੰ ਸੰਭਾਲਣ 'ਚ ਪੁਲਸ ਦਾ ਦਸਤਾ ਜੁਟਿਆ ਹੋਇਆ ਹੈ। ਇਸ ਵਿਚਾਲੇ ਪੀੜਤਾ ਦੇ ਪਿਤਾ ਅਤੇ ਭੈਣ ਸਮੇਤ ਦੇਸ਼ ਭਰ ਦੀਆਂ ਕਈ ਵੱਡੀਆਂ ਹਸਤੀਆਂ ਨੇ ਇਸ ਐਨਕਾਊਂਟਰ ਦਾ ਸਮਰਥਨ ਕੀਤਾ ਹੈ। ਤੇਲੰਗਾਨਾ ਦੇ ਕਾਨੂੰਨ ਮੰਤਰੀ ਇੰਦਰਕਰਨ ਰੈੱਡੀ ਨੇ ਤਾਂ ਇਸ ਨੂੰ ਭਗਵਾਨ ਦਾ ਨਿਆਂ ਦੱਸਦੇ ਹੋਏ ਕਿਹਾ ਕਿ ਕਾਨੂੰਨੀ ਪ੍ਰਕਿਰਿਆ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਭਗਵਾਨ ਨੇ ਉਨ੍ਹਾਂ ਨਾਲ ਨਿਆਂ ਕੀਤਾ।
#WATCH Hyderabad: 'DCP Zindabad, ACP Zindabad' slogans raised near the spot where where accused in the rape and murder of the woman veterinarian were killed in an encounter by Police earlier today. #Telangana pic.twitter.com/2alNad6iOt
— ANI (@ANI) December 6, 2019
ਲੋਕਾਂ ਨੇ ਲਗਾਏ ਜ਼ਿੰਦਾਬਾਦ ਦੇ ਨਾਅਰੇ
ਇਹੀ ਨਹੀਂ ਮੌਕੇ 'ਤੇ ਪੁੱਜੇ ਲੋਕਾਂ ਨੇ ਏ.ਸੀ.ਪੀ. ਜ਼ਿੰਦਾਬਾਦ ਅਤੇ ਡੀ.ਸੀ.ਪੀ. ਜ਼ਿੰਦਾਬਾਦ ਦੇ ਨਾਅਰੇ ਵੀ ਲਗਾਏ। ਹੈਦਰਾਬਾਦ ਸਮੇਤ ਦੇਸ਼ ਭਰ 'ਚ ਇਕ ਵੱਡਾ ਵਰਗ ਪੁਲਸ ਦੀ ਇਸ ਕਾਰਵਾਈ ਦਾ ਸਮਰਥਨ ਕਰ ਰਿਹਾ ਹੈ। ਹਾਲਾਂਕਿ ਏ.ਆਈ.ਐੱਮ.ਆਈ.ਐੱਮ. ਦੇ ਮੁਖੀ ਅਸਦੁਦੀਨ ਓਵੈਸੀ ਸਮੇਤ ਕਈ ਲੋਕਾਂ ਨੇ ਐਨਕਾਊਂਟਰ 'ਤੇ ਸਵਾਲ ਵੀ ਚੁੱਕਿਆ ਹੈ।
#WATCH Hyderabad: Neigbours of the woman veterinarian, celebrate and offer sweets to Police personnel after the four accused were killed in an encounter earlier today pic.twitter.com/MPuEtAJ1Jn
— ANI (@ANI) December 6, 2019