Huawei ਸਮੇਤ 4 ਚੀਨੀ ਕੰਪਨੀਆਂ ਕਰ ਰਹੀਆਂ ਭਾਰਤ ਦੀ ਜਾਸੂਸੀ! ਕੁੰਡਲੀ ਖੰਗਾਲਣ 'ਚ ਜੁਟੀ ਸਰਕਾਰ

07/19/2020 3:39:56 PM

ਨਵੀਂ ਦਿੱਲੀ : ਭਾਰਤ ਸਰਕਾਰ ਨੇ ਭਾਰਤ ਵਿਚ ਕੰਮ ਕਰ ਰਹੀਆਂ 4 ਅਜਿਹੀ ਚੀਨੀ ਕੰਪਨੀਆਂ ਦੀ ਪਛਾਣ ਕੀਤੀ ਹੈ ਜੋ ਚੀਨ ਦੀ ਪੀਪਲਸ ਲਿਬਰੇਸ਼ਨ ਆਰਮੀ (PLA) ਨਾਲ ਸੰਬੰਧ ਰੱਖਦੀਆਂ ਹਨ। ਸਰਕਾਰ ਇਨ੍ਹਾਂ ਤਮਾਮ ਚੀਨੀ ਕੰਪਨੀਆਂ 'ਤੇ ਪੈਨੀ ਨਜ਼ਰ ਰੱਖਣ ਦੇ ਨਾਲ ਇਨ੍ਹਾਂ ਦੀ ਕੁੰਡਲੀ ਖੰਗਾਲਣ ਵਿਚ ਜੁਟੀ ਹੈ। ਜ਼ਰੂਰਤ ਪੈਣ 'ਤੇ ਇਨ੍ਹਾਂ ਕੰਪਨੀਆਂ ਦੀ ਜਾਂਚ ਵੀ ਕੀਤੀ ਜਾ ਸਕਦੀ ਹੈ। ਇਸ ਤਰ੍ਹਾਂ ਦੀ ਖ਼ਬਰ ਹੈ ਕਿ ਇਹ ਚਾਇਨੀਜ਼ ਕੰਪਨੀਆਂ ਚੀਨ ਦੀ ਸਰਕਾਰ ਨੂੰ ਦੂਜੇ ਦੇਸ਼ਾਂ ਦੇ ਬਾਰੇ ਵਿਚ ਸੰਵੇਦਨਸ਼ੀਲ ਸੂਚਨਾਵਾਂ ਦਿੰਦੀਆਂ ਹਨ।

ਸੂਤਰਾਂ ਦੇ ਹਵਾਲੇ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਚੀਨ ਦੀਆਂ ਜਿਨ੍ਹਾਂ ਕੰਪਨੀਆਂ 'ਤੇ ਭਾਰਤ ਸਰਕਾਰ ਦੀ ਖਾਸ ਨਜ਼ਰ ਹੈ ਉਨ੍ਹਾਂ ਵਿਚ ਕਰਨਾਟਕ ਵਿਚ ਕੰਮ ਕਰ ਰਹੀ ਸ਼ਿੰਡਿਆ ਸਟੀਲ ਲਿਮਿਟਡ (Xindia Steels Limited), ਛੱਤੀਸਗੜ੍ਹ ਵਿਚ ਸਥਿਤ ਸ਼ਿਨਜਿੰਗ ਕੈਥੇ ਇੰਟਰਨੈਸ਼ਨ ਗਰੁੱਪ (Xinxing Cathay International Group), ਚਾਈਨਾ ਇਲੈਕਟ੍ਰਾਨਿਕਸ ਤਕਨਾਲੋਜੀ ਗਰੁੱਪ ਕਾਰਪੋਰੇਸ਼ਨ (China Electronics Technology Group Corporation) ਅਤੇ ਹੁਆਵੇਈ (Huawei) ਸ਼ਾਮਲ ਹਨ।

ਇਹ ਵੀ ਪੜ੍ਹੋ : ਆਨਲਾਈਨ ਸ਼ਾਪਿੰਗ ਕਰਨ ਵਾਲੇ ਹੋ ਜਾਣ ਸਾਵਧਾਨ, ਸਰਕਾਰੀ ਏਜੰਸੀ ਨੇ ਦਿੱਤੀ ਚਿਤਵਾਨੀ

ਵਣਜ ਅਤੇ ਉਦਯੋਗ ਮੰਤਰਾਲਾ ਦੇ ਸੂਤਰਾਂ ਮੁਤਾਬਕ ਚੀਨ ਨੇ ਜੂਨ 2017 ਵਿਚ ਇਕ ਕਨੂੰਨ ਬਣਾਇਆ ਸੀ ਜਿਸ ਦੇ ਤਹਿਤ ਚੀਨੀ ਫੌਜ ਕਿਸੇ ਵੀ ਸ਼ੱਕੀ ਦੀ ਨਿਗਰਾਨੀ ਕਰ ਸਕਦੀ ਹੈ, ਉਨ੍ਹਾਂ ਦੇ ਟਿਕਾਣੀਆਂ 'ਤੇ ਛਾਪੇਮਾਰੀ ਕਰ ਸਕਦੀ ਅਤੇ ਉਨ੍ਹਾਂ ਦੇ ਉਪਕਰਨਾਂ ਅਤੇ ਗੱਡੀਆਂ ਨੂੰ ਜਬਤ ਕਰ ਸਕਦੀ ਹੈ। ਅਮਰੀਕੀ ਰੱਖਿਆ ਮੰਤਰਾਲਾ ਦੀ ਸਾਲਾਨਾ ਰਿਪੋਰਟ ਮੁਤਾਬਕ ਇਸ ਕਨੂੰਨ ਤਹਿਤ ਹੁਆਵੇਈ, ਜੈਡ.ਟੀ.ਈ., ਟਿਕ ਟਾਕ ਵਰਗੀਆਂ ਚੀਨੀ ਕੰਪਨੀਆਂ ਦਾ ਸਹਿਯੋਗ ਲੋੜੀਂਦਾ ਹੋ ਜਾਂਦਾ ਹੈ। ਦੁਨੀਆ ਦੇ ਕਿਸੇ ਵੀ ਕੋਨੇ ਵਿਚ ਕੰਮ ਕਰਣ ਵਾਲੀਆਂ ਇਹ ਚੀਨੀ ਕੰਪਨੀਆਂ ਚੀਨ ਦੇ ਰਾਸ਼ਟਰੀ ਇੰਟੈਲੀਜੈਂਸ ਵਿਚ ਆਪਣਾ ਸਹਿਯੋਗ ਦਿੰਦੀਆਂ ਹਨ। ਬਦਲੇ ਵਿਚ ਚੀਨ ਦੀ ਸਰਕਾਰ ਉਨ੍ਹਾਂ ਨੂੰ ਆਪਣੀ ਸੁਰੱਖਿਆ ਅਤੇ ਸਮਰਥਨ ਦਿੰਦੀ ਹੈ। ਚੀਨ ਦੀ ਕੰਪਨੀ ਅਲੀਬਾਬਾ ਅਤੇ ਟੇਂਸੈਂਟ ਨੇ ਭਾਰਤ ਦੀਆਂ ਕਈ ਸਟਾਰਟਅਪਸ ਕੰਪਨੀਆਂ ਵਿਚ ਆਪਣਾ ਨਿਵੇਸ਼ ਕੀਤਾ ਹੈ ਪਰ ਦੋਵੇਂ ਹੀ ਕੰਪਨੀਆਂ ਚੀਨੀ ਫੌਜ ਦੇ ਏ.ਆਈ. ਪ੍ਰੋਗਰਾਮ ਨਾਲ ਜੁੜੀਆਂ ਹਨ ਅਤੇ ਚੀਨ ਦੀ ਰਾਸ਼ਟਰੀ ਏ.ਆਈ. ਟੀਮ ਦਾ ਹਿੱਸਾ ਹਨ।

ਇਹ ਵੀ ਪੜ੍ਹੋ : ਜਾਣੋ ਕੌਣ ਹਨ ਦੇਸ਼ ਦੀਆਂ ਸਭ ਤੋਂ ਅਮੀਰ 7 ਬੀਬੀਆਂ, ਕਰੋੜਾਂ 'ਚ ਹੈ ਜਾਇਦਾਦ

ਪੇ.ਟੀ.ਐਮ., ਪੇ.ਟੀ.ਐਮ. ਮਾਲ, ਜੋਮੈਟੋ, ਬਿਗਬਾਸਕੇਟ, ਸਨੈਪਡੀਲ ਅਤੇ ਐਕਸਪ੍ਰੇਸਬੀਜ ਵਰਗੀਆਂ ਸਟਾਰਟਅਪਸ ਕੰਪਨੀਆਂ ਵਿਚ ਅਲੀਬਾਬਾ ਦਾ ਨਿਵੇਸ਼ ਹੈ। ਚੀਨੀ ਫੌਜ ਦੀ ਪਹਿਲ ਦੇ ਤਹਿਤ ਏ.ਆਈ. ਵਿਕਸਿਤ ਕਰਣ ਦਾ ਕੰਮ ਕਰਣ ਵਾਲੀ ਚੀਨੀ ਕੰਪਨੀ ਟੇਂਸੇਂਟ ਦਾ ਸਭ ਤੋਂ ਪਹਿਲਾ 40 ਕਰੋੜ ਡਾਲਰ ਦਾ ਵੱਡਾ ਨਿਵੇਸ਼ ਓਲਾ ਕੈਬਸ ਵਿਚ ਰਿਹਾ। ਇਸ ਦੇ ਬਾਅਦ ਕੰਪਨੀ ਫਲਿੱਪਕਾਰਟ ਵਿਚ 70 ਕਰੋੜ ਡਾਲਰ,  ਹਾਈਕ ਮੈਸੇਂਜਰ ਵਿਚ 17.5 ਅਰਬ ਡਾਲਰ, ਪ੍ਰੈਕਟੋ ਵਿਚ 9 ਕਰੋੜ ਡਾਲਰ, ਸਵਿਗੀ ਵਿਚ 1 ਅਰਬ ਡਾਲਰ, ਬਾਇਜੂ ਵਿਚ 1.14 ਕਰੋੜ ਡਾਲਰ ਦਾ ਨਿਵੇਸ਼ ਕਰਦੀ ਚੱਲੀ ਗਈ।

ਇਹ ਵੀ ਪੜ੍ਹੋ : ਚੀਨ ਨੂੰ ਲੱਗਣ ਵਾਲਾ ਹੈ ਇਕ ਹੋਰ ਵੱਡਾ ਝਟਕਾ, ਐਮਾਜ਼ੋਨ ਚੁੱਕਣ ਜਾ ਰਹੀ ਹੈ ਇਹ ਸਖ਼ਤ ਕਦਮ


cherry

Content Editor

Related News