ਲਾਕਡਾਊਨ ਖਤਮ ਕਰਨ ਨੂੰ ਦੇਸ਼ ਕਿੰਨਾ ਤਿਆਰ

ਨਵੀਂ ਦਿੱਲੀ (ਵਿਸ਼ੇਸ਼) : ਆਖਿਰ ਲਾਕਡਾਊਨ ਨੂੰ ਕਿੰਨਾ ਲੰਮਾ ਖਿੱਚਿਆ ਜਾ ਸਕਦਾ ਹੈ ? ਦੂਜਾ ਲਾਕਡਾਊਨ 3 ਮਈ ਤੱਕ ਹੈ। ਜੇਕਰ ਸਭ ਕੁੱਝ ਠੀਕ ਰਹਿੰਦਾ ਹੈ ਤਾਂ ਅਗਲੇ ਸੋਮਵਾਰ ਤੋਂ ਲੋਕਾਂ ਨੂੰ ਕੰਮ 'ਤੇ ਪਰਤਣ ਦਾ ਮੌਕਾ ਮਿਲ ਸਕਦਾ ਹੈ। ਉਦਯੋਗ-ਧੰਧੇ ਦੇਸ਼ ਦੀ ਰੀੜ੍ਹ ਹਨ। ਇਨ੍ਹਾਂ ਨੂੰ ਲੰਬੇ ਸਮੇਂ ਤੱਕ ਬੰਦ ਨਹੀਂ ਰੱਖਿਆ ਜਾ ਸਕਦਾ। ਮਾਹਰ ਵੀ ਇਹ ਸੁਝਾਅ ਦੇ ਰਹੇ ਹਨ ਕਿ ਇਹ ਲਾਕਡਾਊਨ ਖੋਲ੍ਹਣ ਦਾ ਸਮਾਂ ਹੈ ਪਰ ਲਾਕਡਾਊਨ ਖੋਲ੍ਹਣ ਤੋਂ ਪਹਿਲਾਂ ਸਾਨੂੰ ਆਪਣੀ ਤਿਆਰੀ ਵੀ ਦੇਖਣੀ ਹੋਵੇਗੀ, ਕਿਉਂਕਿ ਲਾਕਡਾਊਨ ਖੁੱਲਦੇ ਹੀ ਪੀੜਤਾਂ ਦੀ ਗਿਣਤੀ ਤੇਜ ਰਫ਼ਤਾਰ ਨਾਲ ਵਧੇਗੀ। ਵੇਖਣਾ ਹੋਵੇਗਾ ਕਿ ਕੀ ਭਾਰਤ ਹਾਲਾਤ ਨੂੰ ਕਾਬੂ ਰੱਖਣ 'ਚ ਸਮਰੱਥ ਹੈ। ਇਹ ਜਰੂਰੀ ਕਦਮ ਚੁੱਕਣੇ ਹੋਣਗੇ।

ਕੋਰੋਨਾ ਪੀੜਤ ਦੇ ਸੰਪਰਕ ਨੂੰ ਲੱਭਣਾ
ਚੀਨ ਨੇ ਵੁਹਾਨ ਦੀ 1.1 ਕਰੋੜ ਆਬਾਦੀ 'ਚ ਸੰਪਰਕ 'ਚ ਆਏ ਲੋਕਾਂ ਦੀ ਤਲਾਸ਼ ਲਈ 1800 ਨਿਗਰਾਨੀ ਟੀਮਾਂ ਤਾਇਨਾਤ ਕੀਤੀਆਂ ਸਨ। ਹਰ ਟੀਮ 'ਚ 5 ਮੈਂਬਰ ਸਨ ਭਾਵ ਹਰ 6 ਹਜ਼ਾਰ ਲੋਕਾਂ 'ਤੇ ਪੰਜ ਮੈਬਰਾਂ ਦੀ ਇੱਕ ਟੀਮ ਸੀ। ਅਜਿਹੇ 'ਚ ਸਾਨੂੰ ਦੇਸ਼ਭਰ ਨਿਗਰਾਨੀ ਲਈ ਅਜਿਹੀ ਦੋ ਲੱਖ ਤੋਂ ਜ਼ਿਆਦਾ ਟੀਮਾਂ ਬਣਾਉਣੀਆਂ ਹੋਣਗੀਆਂ। ਪਰ ਕੀ ਇਹ ਭਾਰਤ 'ਚ ਸੰਭਵ ਹੈ।

ਟੈਸਟਿੰਗ ਸਹੂਲਤ ਵਧਾਉਣੀ ਹੋਵੇਗੀ
ਲਾਕਡਾਊਨ 'ਚ ਢਿੱਲ ਦੇਣ ਤੋਂ ਪਹਿਲਾਂ ਵਾਇਰਸ ਟੈਸਟ ਸਹੂਲਤ 'ਚ ਵੀ ਕਾਫ਼ੀ ਵਿਸਥਾਰ ਕਰਣਾ ਹੋਵੇਗਾ। ਅਮਰੀਕਾ 'ਚ ਲਾਕਡਾਊਨ 'ਚ ਢਿੱਲ ਲਈ ਸੁਝਾਅ ਦਿੱਤਾ ਗਿਆ ਕਿ ਰੋਜ ਘੱਟ ਤੋਂ ਘੱਟ 2.2 ਕਰੋੜ ਲੋਕਾਂ ਦੇ ਟੈਸਟ ਹੋਣੇ ਚਾਹੀਦੇ ਹਨ ਤਾਂਕਿ 14 ਦਿਨ ਦੇ ਅੰਦਰ ਅਮਰੀਕਾ ਦੀ ਪੂਰੀ ਆਬਾਦੀ ਦੀ ਜਾਂਚ ਹੋ ਜਾਵੇ। ਇਸ ਹਿਸਾਬ ਨਾਲ ਤਾਂ ਭਾਰਤ ਨੂੰ ਰੋਜ 10 ਕਰੋੜ ਟੈਸਟ ਕਰਨਾ ਚਾਹੀਦਾ ਹੈ, ਪਰ ਕੀ ਭਾਰਤ ਇਨ੍ਹੇ ਟੈਸਟ ਰੋਜ ਕਰਣ ਦੀ ਹਾਲਤ 'ਚ ਹੈ?

ਮੈਡੀਕਲ ਸਟਾਫ ਨੂੰ ਬਚਾਉਣਾ
ਮੈਡੀਕਲ ਸਟਾਫ ਕੋਰੋਨਾ ਖਿਲਾਫ ਪਹਿਲੀ ਕਤਾਰ ਦੇ ਯੋਧੇ ਹਨ। ਉਨ੍ਹਾਂ ਨੂੰ ਸੁਰੱਖਿਆ ਦੇਣਾ ਸਰਕਾਰ ਦੀ ਪਹਿਲੀ ਜ਼ਿੰਮੇਦਾਰੀ ਹੈ। ਇਹ ਯਕੀਨੀ ਹੋਣਾ ਚਾਹੀਦਾ ਹੈ ਕਿ ਉਨ੍ਹਾਂ ਕੋਲ ਸਮਰੱਥ ਸੁਰੱਖਿਆ ਸਮੱਗਰੀ ਹੋਣ, ਦਵਾਈਆਂ ਅਤੇ ਜ਼ਰੂਰੀ ਸਾਮਾਨ ਉਪਲੱਬਧ ਕਰਾਓ। ਜੇਕਰ ਅਜਿਹਾ ਨਹੀਂ ਹੋਇਆ ਤਾਂ ਉਹ ਇਸ ਲੜਾਈ 'ਚ ਉਤਸ਼ਾਹ ਨਹੀਂ ਦਿਖਾ ਸਕਣਗੇ।

ਨਵੇਂ ਤਰੀਕੇ ਦੀ ਜ਼ਿੰਦਗੀ ਹੋਵੇਗੀ
ਵਾਇਰਸ ਖਿਲਾਫ ਸਟੀਕ ਵੈਕਸੀਨ ਮਿਲਣ ਤੱਕ ਭੀੜ ਭਰੇ ਸਟੇਡਿਅਮ, ਮੇਲਿਆਂ ਅਤੇ ਸਾਮੂਹਕ ਵੱਡੇ ਆਯੋਜਨਾਂ ਨੂੰ ਤਾਂ ਭੁੱਲਣਾ ਹੋਵੇਗਾ। ਬਾਜ਼ਾਰਾਂ, ਬੱਸਾਂ ਅਤੇ ਟਰੇਨਾਂ 'ਚ ਵਾਇਰਸ ਫੈਲਣ ਦਾ ਖ਼ਤਰਾ ਜ਼ਿਆਦਾ ਹੋਵੇਗਾ। ਹਰ ਥਾਂ ਸੋਸ਼ਲ ਡਿਸਟੈਂਸਿੰਗ ਦਾ ਪਾਲਣ ਕਰਣਾ ਹੋਵੇਗਾ। ਵਾਰ-ਵਾਰ ਹੱਥ ਧੋਣੇ, ਮਾਸਕ ਪਹਿਨਣ ਅਤੇ ਤਾਪਮਾਨ ਪਰਖਣ ਦੀ ਆਦਤ ਪਾਉਣੀ ਹੋਵੇਗੀ।