ਗੋਰਖਪੁਰ ਦੀ ਆਇਸ਼ਾ ਖਾਨ ਇਕ ਦਿਨ ਦੀ ਹਾਈ ਕਮਿਸ਼ਨਰ ਮੁਕੱਰਰ
10/10/2019 10:48:36 PM
ਨਵੀਂ ਦਿੱਲੀ — ਉੱਤਰ ਪ੍ਰਦੇਸ਼ ਦੇ ਗੋਰਖਪੁਰ ਦੀ ਆਇਸ਼ਾ ਖਾਨ ਨੂੰ ਬਰਤਾਨੀਆ ਦੀ 'ਇਕ ਦਿਨ ਦੀ ਹਾਈ ਕਮਿਸ਼ਨਰ' ਮੁਕਾਬਲੇ ਦਾ ਜੇਤੂ ਕਰਾਰ ਦਿੱਤਾ ਗਿਆ ਹੈ। ਉਹ ਦਿੱਲੀ ਯੂਨੀਵਰਸਿਟੀ ਦੀ ਐੱਸ. ਜੀ. ਟੀ. ਬੀ. ਖਾਲਸਾ ਕਾਲਜ ਦੀ ਪੱਤਰਕਾਰਤਾ ਵਿਚ ਗ੍ਰੈਜੂਏਟ ਦੀ ਪੜ੍ਹਾਈ ਕਰ ਰਹੀ ਹੈ। ਖਾਨ ਨੂੰ ਲੜਕੀਆਂ ਦੇ ਕੌਮਾਂਤਰੀ ਦਿਹਾੜੇ ਦੇ ਮੌਕੇ 'ਤੇ ਆਯੋਜਿਤ ਇਕ ਮੁਕਾਬਲੇ ਵਿਚ ਜੇਤੂ ਕਰਾਰ ਦਿੱਤਾ ਗਿਆ। ਇਸ ਨਾਲ ਉਹ ਸੰਕੇਤਕ ਤੌਰ 'ਤੇ ਇਕ ਦਿਨ ਲਈ ਹਿੰਦੋਸਤਾਨ ਵਿਚ ਬਰਤਾਨੀਆ ਦੀ ਹਾਈ ਕਮਿਸ਼ਨਰ ਬਣੀ। ਇਸ ਮੁਕਾਬਲੇ ਵਿਚ 18 ਤੋਂ 23 ਸਾਲ ਦੀਆਂ ਲੜਕੀਆਂ ਨੇ ਭਾਗ ਲਿਆ। ਖਾਨ ਨੇ ਇਹ ਮੁਕਾਬਲਾ ਜਿੱਤਣ ਤੋਂ ਬਾਅਦ ਰਾਜਧਾਨੀ ਦੇ ਪ੍ਰੀਤਮਪੁਰਾ ਏ. ਪੀ. ਜੇ. ਸਕੂਲ ਦਾ ਦੌਰਾ ਕੀਤਾ।