ਇਤਿਹਾਸ ਰਚ ਕੇ ਮੋਹਨਾ ਸਿੰਘ ਬਣੀ ਦਿਨ ਵੇਲੇ ਮਿਸ਼ਨ ਨੂੰ ਅੰਜਾਮ ਦੇਣ ਵਾਲੀ ਪਹਿਲੀ ਮਹਿਲਾ ਲੜਾਕੂ ਪਾਇਲਟ

ਨਵੀਂ ਦਿੱਲੀ : ਲੈਫਟੀਨੈਂਟ ਮੋਹਨਾ ਸਿੰਘ ਭਾਰਤੀ ਹਵਾਈ ਫ਼ੌਜ ਦੀ ਪਹਿਲੀ ਮਹਿਲਾ ਲੜਾਕੂ ਪਾਇਲਟ ਬਣ ਗਈ ਹੈ। ਉਹ ਅਜਿਹੀ ਲੜਾਕੂ ਪਾਇਲਟ ਬਣੀ ਹੈ ਜੋ ਦਿਨ ਵੇਲੇ ਹੌਕ ਐਡਵਾਂਸ ਜੈੱਟ ਵਿਚ ਮਿਸ਼ਨ ਨੂੰ ਅੰਜਾਮ ਦੇਣ ਦੇ ਕਾਬਿਲ ਹੈ। 2016 ਵਿਚ ਮੋਹਨਾ ਨੂੰ ਦੋ ਹੋਰ ਲੜਕੀਆਂ ਭਾਵਨਾ ਕਾਂਤ ਅਤੇ ਅਵਨੀ ਚਤੁਰਵੇਦੀ ਨਾਲ ਜੂਨ 2016 ਵਿਚ ਲੜਾਕੂ ਪਾਇਲਟ ਟਰੇਨਿੰਗ ਲਈ ਚੁਣਿਆ ਗਿਆ ਸੀ।

Flight Lieutenant Mohana Singh has become the first woman fighter pilot to be qualified to undertake missions by day on Hawk advanced jet aircraft. Singh, along with two other women Bhawana Kanth and Avani Chaturvedi, had joined the fighter stream in June 2016. pic.twitter.com/KxIN5pdvlj

— ANI (@ANI) May 31, 2019

ਇਸ ਤੋਂ ਪਹਿਲਾਂ ਫਲਾਈਟ ਲੈਫਟੀਨੈਂਟ ਭਾਵਨਾ ਕੰਠ ਇਤਿਹਾਸ ਰਚਦੇ ਹੋਏ ਜੰਗ ਵਿਚ ਸ਼ਾਮਲ ਹੋਣ ਦੀ ਯੋਗਤਾ ਹਾਸਲ ਕਰਨ ਵਾਲੀ ਪਹਿਲੀ ਮਹਿਲਾ ਫਾਈਟਰ ਪਾਇਲਟ ਬਣੀ ਸੀ। 22 ਮਈ ਨੂੰ ਹਵਾਈ ਫ਼ੌਜ ਨੇ ਕਿਹਾ ਸੀ ਕਿ ਭਾਵਨਾ ਕੰਠ ਨੇ ਲੜਾਕੂ ਜਹਾਜ਼ ਮਿਗ-21 ਉਡਾ ਕੇ ਇਸ ਮਿਸ਼ਨ ਨੂੰ ਪੂਰਾ ਕਰ ਲਿਆ। ਇਸ ਦੀ ਜਾਣਕਾਰੀ ਦਿੰਦੇ ਹੋਏ ਹਵਾਈ ਫ਼ੌਜ ਦੇ ਬੁਲਾਰੇ ਗਰੁੱਪ ਕੈਪਟਨ ਅਨੁਪਮ ਬੈਨਰਜੀ ਨੇ ਕਿਹਾ ਸੀ ਕਿ ਭਾਵਨਾ ਦਿਨ ਵੇਲੇ ਲੜਾਕੂ ਜਹਾਜ਼ ਵਿਚ ਉਡਾਨ ਭਰ ਕੇ ਮਿਸ਼ਨ ਵਿਚ ਕਾਮਯਾਬੀ ਹਾਸਲ ਕਰਨ ਵਾਲੀ ਪਹਿਲੀ ਮਹਿਲਾ ਫਾਈਟਰ ਪਾਇਲਟ ਬਣ ਗਈ ਹੈ।

ਕਾਬਿਲੇਗ਼ੌਰ ਹੈ ਕਿ ਭਾਵਨਾ ਭਾਰਤੀ ਹਵਾਈ ਫ਼ੌਜ ਦੇ ਪਹਿਲੇ ਬੈਚ ਦੀ ਮਹਿਲਾ ਫਾਈਟਰ ਪਾਇਲਟ ਹੈ। ਉਨ੍ਹਾਂ ਨਾਲ ਦੋ ਹੋਰ ਮਹਿਲਾ ਪਾਇਲਟ ਅਵਨੀ ਚਤੁਰਵੇਦੀ ਅਤੇ ਮੋਹਨਾ ਸਿੰਘ ਨੂੰ 2016 ਵਿਚ ਫਲਾਇੰਗ ਅਫ਼ਸਰ ਦੇ ਰੂਪ 'ਚ ਚੁਣਿਆ ਗਿਆ ਸੀ। ਇਸ ਤੋਂ ਬਾਅਦ ਸਰਕਾਰ ਨੇ ਮਹਿਜ਼ ਇਕ ਸਾਲ ਦੇ ਅੰਦਰ ਹੀ ਮਹਿਲਾ ਪਾਇਲਟਾਂ ਲਈ ਯੁੱਧ ਮਿਸ਼ਨ ਵਿਚ ਸ਼ਾਮਲ ਹੋਣ ਦਾ ਰਾਹ ਖੋਲ੍ਹਣ ਦਾ ਫ਼ੈਸਲਾ ਲਿਆ ਸੀ।