ISRO ਦੇ ''ਸ਼ਤਕਵੀਰ'' ਸੈਟੇਲਾਈਟ ਨੇ ਭੇਜੀ ਪਹਿਲੀ ਤਸਵੀਰ, ਦੇਖਿਆ ਇੰਦੌਰ ਕ੍ਰਿਕਟ ਸਟੇਡੀਅਮ

ਨਵੀਂ ਦਿੱਲੀ— ਭਾਰਤੀ ਪੁਲਾੜ ਰਿਸਰਚ ਸੈਂਟਰ ਨੇ ਮੰਗਲਵਾਰ ਨੂੰ ਕਾਰਟੋਸੈਟ-2 ਸੰਖਿਆ ਦੇ ਆਪਣੇ ਉਸ ਸੈਟੇਲਾਈਟ ਦੋਆਰਾ ਲਈ ਗਈ ਪਹਿਲੀ ਤਸਵੀਰ ਜਾਰੀ ਕੀਤੀ, ਜਿਸ ਨੂੰ ਹਾਲ ਹੀ 'ਚ 110 ਕਿਲੋਮੀਟਰ ਦੂਰ ਪੁਲਾੜ ਏਜੰਸੀ ਦੇ ਸ਼ੀਹਰਿਕੋਟਾ ਸਪੇਸਪੋਰਟ ਤੋਂ ਲਾਂਚ ਕੀਤਾ ਗਿਆ ਹੈ। ਭਾਰਤ ਨੇ ਇਸ ਲਾਂਚ ਨਾਲ ਆਪਣੇ 100 ਉਪਗ੍ਰਹਿ ਸੈਟੇਲਾਈਟਾਂ 'ਚ ਭੇਜਣ ਦਾ ਰਿਕਾਰਡ ਕਾਇਮ ਕੀਤਾ ਹੈ। ਇਸ ਸੈਟੇਲਾਈਟ ਨੇ ਪਹਿਲੇ ਦਿਨ ਇੰਦੌਰ ਨੂੰ ਹੋਲਕਰ ਸਟੇਡੀਅਮ ਦੀ ਤਸਵੀਰ ਭੇਜੀ ਹੈ। ਇਸ ਤਸਵੀਰ ਨੂੰ ਬੈਂਗਲੁਰੂ ਹੈਡਕੁਆਟਰ ਵਾਲੇ ਇਸਰੋ ਦੀ ਵੈੱਬਸਾਈਟ 'ਤੇ ਜਾਰੀ ਕੀਤਾ ਗਿਆ ਹੈ।

ਇਸਰੋ ਨੇ ਸ਼ੁੱਕਰਵਾਰ ਸਵੇਰੇ 9.28 'ਤੇ ਪੀ. ਐੱਸ. ਐੱਲ. ਵੀ. ਦੇ ਨਾਲ ਇਕ ਸਾਥ 31 ਸੈਟੇਲਾਈਟਾਂ ਨੂੰ ਲਾਂਚ ਕੀਤਾ। ਭੇਜੇ ਗਏ ਕੁਲ 31 ਸੈਟੇਲਾਈਟਾਂ 'ਚੋਂ 3 ਭਾਰਤੀ ਹਨ ਤੇ 28 ਹੋਰ 6 ਦੇਸ਼ਾਂ ਦੇ ਹਨ। ਪ੍ਰਥਿਵੀ ਅਵਲੋਕਨ ਲਈ 710 ਕਿਲੋਗ੍ਰਾਮ ਦਾ ਕਾਰਟੋਸੇਟ-2 ਸੀਰੀਜ਼ ਮਿਸ਼ਨ ਦਾ ਪਹਿਲਾ ਸੈਟੇਲਾਈਟ ਹੈ। ਇਸ ਤੋਂ ਇਲਾਵਾ 100 ਕਿਲੋਗ੍ਰਾਮ ਦਾ ਮਾਈਕ੍ਰੋ ਤੇ 10 ਕਿਲੋਗ੍ਰਾਮ ਦਾ ਨੈਨੋ ਸੈਟੇਲਾਈਟ ਵੀ ਸ਼ਾਮਲ ਹੈ। ਕੁਲ 28 ਕੌਮਾਂਤਰੀ ਸਹਿ-ਯਾਤਰੀ  ਸੈਟੇਲਾਈਟਾਂ 'ਚੋਂ 19 ਅਮਰੀਕਾ, 5 ਦੱਖਣੀ ਕੋਰੀਆ ਤੇ 1-1 ਕੈਨੇਡਾ, ਫਰਾਂਸ ਤੇ ਫਿਨਲੈਂਡ ਦੇ ਹਨ।