ਕੋਰੋਨਾ ਵਾਇਰਸ ਦਾ ਅਸਰ : ਦੁਤੀ ਚੰਦੀ ਦੇ ਓਲੰਪਿਕ ਕੁਆਲੀਫੀਕੇਸ਼ਨ ''ਤੇ ਮੰਡਰਾਇਆ ਖਤਰਾ

ਨਵੀਂ ਦਿੱਲੀ : ਭਾਰਤ ਦੇ ਫਰਾਟਾ ਕੁਈਨ ਦੁਤੀ ਚੰਦ ਲਈ ਓਲੰਪਿਕ ਦੀ ਟਿਕਟ ਕਟਾਉਣਾ ਮੁਸ਼ਕਿਲ ਹੋ ਗਿਆ ਹੈ ਕਿਉਂਕਿ ਕੋਵਿਡ-19 ਮਹਾਮਾਰੀ ਕਾਰਨ ਉਹ ਜਰਮਨੀ ਵਿਚ ਅਭਿਆਸ ਪ੍ਰਤੀਯੋਤਾਵਾਂ ਵਿਚ ਹਿੱਸਾ ਨਹੀਂ ਲੈ ਸਕੇਗੀ। ਦੁਤੀ ਨੂੰ ਜਰਮਨੀ ਵਿਚ 2 ਮਾਰਚ ਤੋਂ ਓਲੰਪਿਕ ਕੁਆਲੀਫਾਇਰਸ ਵਿਚ ਹਿੱਸਾ ਲੈਣਾ ਸੀ ਪਰ ਵੀਜ਼ਾ ਅਤੇ ਸਪਾਂਸਰਸ਼ਿਪ ਨਾ ਮਿਲਣ ਦੇ ਬਾਵਜੂਦ ਉਹ ਕੋਰੋਨਾ ਵਾਇਰਸ ਕਾਰਨ ਨਹੀਂ ਜਾ ਸਕੀ।

ਦੁਤੀ ਨੇ ਪਟਿਆਲਾ ਤੋਂ ਕਿਹਾ, ''ਮੈਨੂੰ ਜਰਮਨੀ ਵਿਚ 2 ਮਾਰਚ ਤੋਂ ਅਭਿਆਸ ਤੇ ਮੁਕਾਬਲੇਬਾਜ਼ੀ ਵਿਚ ਹਿੱਸਾ ਲੈਣਾ ਸੀ। ਮੈਨੂੰ ਯੁਰਪ ਵਿਚ ਕੁਝ ਚੰਗੀ ਪ੍ਰਤੀਯੋਗਿਤਾਵਾਂ ਵਿਚ ਹਿੱਸਾ ਲੈਣਾ ਸੀ ਤਾਂ ਜੋ ਓਲੰਪਿਕ ਲਈ ਕੁਆਲੀਫਾਈ ਕਰ ਸਕਾਂ ਪਰ ਕੋਰੋਨਾ ਵਾਇਰਸ ਕਾਰਨ ਮੇਰੀ ਯੋਜਨਾਵਾਂ 'ਤੇ ਪਾਣੀ ਫਿਰ ਗਿਆ। ਮੈਂ ਵੀਜ਼ਾ ਅਤੇ ਬਾਕੀ ਯਾਤਰਾ ਦਸਤਾਵੇਜ਼ ਬਣਾ ਲਏ ਸੀ ਅਤੇ ਮੈਂ ਜਰਮਨੀ ਜਾਣ ਨੂੰ ਤਿਆਰ ਸੀ ਕਿ ਮੈਨੂੰ ਉੱਥੋਂ ਸੰਦੇਸ਼ ਮਿਲਿਆ ਕਿ ਕੋਰੋਨਾ ਵਾਇਰਸ ਕਾਰਨ ਮੈਂ ਉੱਥੇ ਨਾ ਜਾਵਾਂ। ਮੈਂ ਨਿਰਾਸ਼ ਹਾਂ। ਇਹ ਪੁੱਛਣ 'ਤੇ ਕਿ ਜੁਲਾਈ ਅਗਸਤ ਵਿਚ ਟੋਕੀਓ ਵਿਚ ਹੋਣ ਵਾਲੇ ਓਲੰਪਿਕ ਲਈ ਕੁਆਲੀਫਾਈ ਕਰਨ ਦਾ ਉਸ ਨੂੰ ਕਿੰਨਾ ਯਕੀਨ ਹੈ। ਉਸ ਨੇ ਕਿਹਾ ਕਿ ਮੈਨੂੰ ਨਹੀਂ ਪਤਾ। ਮੈਨੂੰ ਲਗਦਾ ਹੈ ਕਿ ਮੈਂ ਕੁਆਲੀਫਾਈ ਨਹੀਂ ਕਰ ਸਕਾਂਗੀ। ਓਲੰਪਿਕ ਲਈ ਕੁਆਲੀਫਾਈ ਕਰਨਾ ਮੁਸ਼ਕਿਲ ਹੈ ਕਿਉਂਕਿ ਕੁਆਲੀਫੀਕੇਸ਼ਨ ਮਾਰਕ 11.15 ਸੈਕੰਡ ਹੈ। ਯੁਰਪ ਵਿਚ ਮੁਕਾਬਲੇਬਾਜ਼ੀ ਸਖਤ ਹੁੰਦੀ ਹੈ ਜੋ ਉੱਥੇ ਸੰਭਵ ਨਹੀਂ ਹੈ।''