ਹਸਪਤਾਲ ''ਚ ਪਾਰਕਿੰਗ ਦੀ ਪਰਚੀ ਨੂੰ ਲੈ ਕੇ ਗਾਰਡ ਦੀ ਬੇਰਹਿਮੀ ਨਾਲ ਕੁੱਟਮਾਰ (ਵੀਡੀਓ)

ਨਵੀਂ ਦਿੱਲੀ— ਦਿੱਲੀ ਦੇ ਇਕ ਹਸਪਤਾਲ ਕੰਪਲੈਕਸ 'ਚ ਪਾਰਕਿੰਗ ਦੀ ਪਰਚੀ ਮੰਗਣ ਤੋਂ ਬਾਅਦ ਚਾਰ ਮੁੰਡਿਆਂ ਨੇ ਇਕ ਗਾਰਡ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕਰ ਦਿੱਤੀ। ਇਹ ਮਾਮਲਾ ਜਾਮੀਆ ਨਗਰ ਦੇ ਹੋਲੀ ਫੈਮਿਲੀ ਹਸਪਤਾਲ ਦਾ ਹੈ। ਜ਼ਖਮੀ ਗਾਰਡ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਚਾਰੇ ਦੋਸ਼ੀਆਂ ਨੂੰ ਪੁਲਸ ਨੇ ਹਿਰਾਸਤ 'ਚ ਲੈ ਲਿਆ ਹੈ। 

#WATCH Delhi: A security guard was beaten up by four persons in a hospital premises after he allegedly asked for a parking slip from them. The guard has been admitted at hospital. Four accused have been detained by Police. (9.10) pic.twitter.com/KPzPXDezjw

— ANI (@ANI) October 10, 2019

ਇਹ ਘਟਨਾ ਬੁੱਧਵਾਰ ਰਾਤ 8 ਵਜੇ ਦੀ ਹੈ, ਜਦੋਂ 4 ਮੁਡਿੰਆਂ ਨੇ ਮਹੇਸ਼ ਨਾਂ ਦੇ ਗਾਰਡ ਦੀ ਐਗਜ਼ਿਟ ਗੇਟ 'ਤੇ ਇਸ ਗੱਲ ਨੂੰ ਲੈ ਕੇ ਕੁੱਟਮਾਰ ਕਰ ਦਿੱਤੀ, ਕਿਉਂਕਿ ਉਸ ਨੇ ਉਨ੍ਹਾਂ ਮੁੰਡਿਆਂ ਤੋਂ ਪਾਰਕਿੰਗ ਦੀ ਸਲਿੱਪ ਮੰਗ ਲਈ। ਇਨ੍ਹਾਂ ਚਾਰੇ ਮੁੰਡਿਆਂ ਨੇ ਗਾਰਡ ਨੂੰ ਇੰਨੀ ਬੁਰੀ ਤਰ੍ਹਾਂ ਕੁੱਟਿਆ ਕਿ ਉਸ ਨੂੰ ਆਈ.ਸੀ.ਯੂ. 'ਚ ਭਰਤੀ ਕਰਨਾ ਪਿਆ। ਹਾਲਾਂਕਿ ਇਹ ਪੂਰੀ ਘਟਨਾ ਸੀ.ਸੀ.ਟੀ.ਵੀ. 'ਚ ਕੈਦ ਹੋ ਗਈ ਹੈ।