ਦਾਜ ਦੀ ਮੰਗ ਨੂੰ ਲੈ ਕੇ ਲਾਲਚੀ ਸਹੁਰੇ ਨੇ ਨੂੰਹ ਦੀ ਕੀਤੀ ਹੱਤਿਆ ਤੇ ਮਗਰੋਂ...

ਗੋਂਡਾ- ਉੱਤਰ ਪ੍ਰਦੇਸ਼ ਦੇ ਗੋਂਡਾ ਦੇ ਪਰਸਪੁਰ ਖੇਤਰ ਵਿਚ ਦਾਜ ਦੀ ਮੰਗ ਨੂੰ ਲੈ ਕੇ ਇਕ ਵਿਆਹੁਤਾ ਦੀ ਹੱਤਿਆ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਸ ਨੇ ਦੱਸਿਆ ਕਿ ਪਿਛਲੇ ਸ਼ੁੱਕਰਵਾਰ ਨੂੰ ਬਲਮੱਥਰ ਪਿੰਡ ਦੇ ਹੀਡਾ ਮਜਰਾ ''ਚ ਇਕ ਆਰਤੀ ਨਾਂ ਦੀ ਵਿਆਹੁਤਾ ਦੀ ਦਾਜ ਦੀ ਮੰਗ ਨੂੰ ਲੈ ਕੇ ਹੱਤਿਆ ਕਰ ਦਿੱਤੀ ਗਈ।
ਸਬੂਤ ਮਿਟਾਉਣ ਲਈ ਪਿੰਡ ਦੇ ਤਾਲਾਬ ਕੋਲ ਉਸ ਦਾ ਸੰਸਕਾਰ ਕਰ ਦਿੱਤਾ ਗਿਆ। ਮੌਕੇ ''ਤੇ ਪੁੱਜੀ ਪੁਲਸ ਨੇ ਚਿਤਾ ਵਿਚ ਸੜੇ ਅਵਸ਼ੇਸ਼ ਨੂੰ ਫਾਰੇਂਸਿਕ ਜਾਂਚ ਲਈ ਭੇਜਿਆ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਮ੍ਰਿਤਕਾ ਦੀ ਮਾਂ ਦੀ ਸ਼ਿਕਾਇਤ ''ਤੇ ਪਰਸਪੁਰ ਥਾਣੇ ਵਿਚ ਪਤੀ ਸੁਰੇਸ਼ ਸਮੇਤ 3 ਲੋਕਾਂ ਵਿਰੁੱਧ ਦਾਜ ਲਈ ਹੱਤਿਆ ਕਰਨ ਦਾ ਮੁਕੱਦਮਾ ਦਰਜ ਕਰਾਇਆ ਹੈ। ਪੁਲਸ ਮਾਮਲੇ ਦੀ ਛਾਣਬੀਨ ਕਰ ਰਹੀ ਹੈ।