ਸੀ.ਐੈੱਮ. ਨੇ ਏਅਰ-ਰੇਲਵੇ ਦੇ ਸੰਪਰਕ ਨੂੰ ਲੈ ਕੇ ਕੇਂਦਰ ਅੱਗੇ ਰੱਖੀ ਮੰਗ

ਸ਼ਿਮਲਾ (ਰਾਜੀਵ)— ਦਿੱਲੀ ਤੋਂ ਵਾਪਸ ਆਉਣ ਤੋਂ ਬਾਅਦ ਸ਼ਿਮਲਾ 'ਚ ਮੀਡੀਆ ਨਾਲ ਗੱਲਬਾਤ ਦੌਰਾਨ ਮੁੱਖ ਮੰਤਰੀ ਜੈਰਾਮ ਠਾਕੁਰ ਨੇ ਦੱਸਿਆ ਕਿ ਜੀ.ਐੱਸ.ਟੀ. ਤੋਂ ਇਲਾਵਾ ਏਅਰ ਅਤੇ ਰੇਲਵੇ ਦੇ ਸੰਪਰਕ 'ਚ ਸੁਧਾਰ ਲਿਆਉਣ ਦੀ ਗੱਲ ਕੀਤੀ ਹੈ। ਉਨ੍ਹਾਂ ਨੇ ਦੱਸਿਆ ਹੈ ਕਿ ਰਾਜਨੀਤਕ ਦ੍ਰਿਸ਼ਟੀ ਨਾਲ ਮਹੱਤਵਪੂਰਨ ਭਾਨੂਪੱਲੀ-ਬਿਲਾਸਪੁਰ, ਮੰਡੀ-ਲੇਹ ਰੇਲਮਾਰਗ ਕਾਰਜ ਸ਼ੁਰੂ ਕਰਕੇ ਅੱਗੇ ਵਧਾਉਣ ਅਤੇ ਪਠਾਨਕੋਟ-ਜੋਗਿੰਦਰਨਗਰ ਰੇਲ ਲਾਈਨ ਨੂੰ ਮੰਡੀ ਨਾਲ ਜੋੜਨ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਚੀਨ-ਤਿੱਬਤ 'ਚ ਆ ਕੇ ਬੈਠ ਗਿਆ ਹੈ ਅਤੇ ਇਸ ਨੂੰ ਦੇਖਦੇ ਹੋਏ ਜ਼ਰੂਰੀ ਹੈ ਕਿ ਇਥੇ ਰੇਲ ਨੈਟਵਰਕ ਨੂੰ ਵਧਾਇਆ ਜਾਵੇ। ਉਨ੍ਹਾਂ ਨੇ ਕਿਹਾ ਹੈ ਕਿ ਦੁੱਖ ਵਾਲੀ ਗੱਲ ਹੈ ਕਿ ਰੇਲ ਨੈਟਵਰਕ ਦਾ ਜਿੰਨਾਂ ਵਿਸਥਾਰ ਹੋਣਾ ਚਾਹੀਦਾ ਸੀ, ਉਹ ਨਹੀਂ ਹੋਇਆ ਹੈ।
ਜੀ.ਐੈੱਸ.ਟੀ. 'ਚ ਛੂਟ ਦੀ ਹੱਦ ਜਲਦੀ ਹੋ ਸਕਦੀ 20 ਲੱਖ
ਉਨ੍ਹਾਂ ਨੇ ਕਿਹਾ ਹੈ ਕਿ ਏਅਰ ਸੰਪਰਕ ਦਾ ਮਾਮਲਾ ਚੁੱਕਦੇ ਹੋਏ ਸੂਬੇ 'ਚ ਹਵਾਈ ਸੇਵਾਵਾਂ ਦੀ ਵੀ ਮੰਗ ਕੀਤੀ ਹੈ, ਨਾਲ ਹੀ ਕਾਰੋਬਾਰੀਆਂ ਨੂੰ ਜੀ.ਐੈੱਸ.ਟੀ. 'ਚ ਉੱਤਰ-ਪੂਰਬ ਅਤੇ ਉਤਰਖੰਡ ਦੀ ਤਰਜ 'ਤੇ ਰਾਹਤ ਮਿਲੇਗੀ। ਭਾਜਪਾ ਦੇ ਵਿਜ਼ਨ ਮੁਤਾਬਕ ਕਾਰੋਬਾਰੀਆਂ ਨੂੰ 20 ਲੱਖ ਤੱਕ ਦੇ ਕਾਰੋਬਾਰ 'ਚ ਛੂਟ ਪ੍ਰਦਾਨ ਕਰਨ ਦਾ ਮੁੱਦਾ ਦਿੱਲੀ 'ਚ ਵਿੱਤ ਮੰਤਰੀ ਅਰੁਣ ਜੇਤਲੀ ਦੀ ਪ੍ਰਧਾਨਗੀ 'ਚ ਹੋਈ ਜੀ.ਐੈੱਸ.ਟੀ. ਪਰਿਸ਼ਦ ਦੀ ਬੈਠਕ 'ਚ ਚੁੱਕਿਆ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਦਿੱਲੀ 'ਚ ਹੋਈ ਇਹ ਪ੍ਰੀ-ਬਜਟ ਬੈਠਕ ਸੀ ਅਤੇ ਇਸ 'ਚ ਕਈ ਮਾਮਲੇ ਚੁੱਕੇ ਗਏ ਹਨ। ਉਨ੍ਹਾਂ ਨੇ ਵੱਖ-ਵੱਖ ਯੋਜਨਾਵਾਂ 'ਚ ਕੇਂਦਰ ਕੋਲ ਲਟਕੇ ਪੈਸੇ ਨੂੰ ਵੀ ਜਲਦੀ ਜਾਰੀ ਕਰਨ ਦੀ ਮੰਗ ਕੀਤੀ ਹੈ।