ਜੰਮੂ-ਕਸ਼ਮੀਰ ਦੇ ਥਾਣਿਆਂ ''ਚ ਲੱਗਣਗੇ ਸੀ. ਸੀ. ਟੀ. ਵੀ. ਕੈਮਰੇ
09/30/2019 5:00:26 PM
ਜੰਮੂ (ਭਾਸ਼ਾ)— ਜੰਮੂ-ਕਸ਼ਮੀਰ ਦੇ ਥਾਣਿਆਂ ਅਤੇ ਪੁਲਸ ਚੌਕੀਆਂ ਵਿਚ ਸੁਰੱਖਿਆ ਉਪਾਅ ਤਹਿਤ ਸੀ. ਸੀ. ਟੀ. ਵੀ. ਕੈਮਰੇ ਲਾਏ ਜਾਣਗੇ, ਤਾਂ ਕਿ ਜਵਾਬਦੇਹੀ ਯਕੀਨੀ ਹੋ ਸਕੇ। ਜੰਮੂ-ਕਸ਼ਮੀਰ ਦੇ 3 ਖੇਤਰਾਂ 'ਚ 350 ਤੋਂ ਵੱਧ ਥਾਣੇ ਅਤੇ ਪੁਲਸ ਚੌਕੀਆਂ ਹਨ। ਸਹਾਇਕ ਇੰਸਪੈਕਟਰ ਜਨਰਲ ਆਫ ਪੁਲਸ (ਏ. ਆਈ. ਜੀ.) ਮੁਬਸੀਰ ਲਤੀਫੀ ਨੇ ਕਿਹਾ ਕਿ ਜੰਮੂ-ਕਸ਼ਮੀਰ ਦੇ ਥਾਣਿਆਂ ਅਤੇ ਪੁਲਸ ਚੌਕੀਆਂ 'ਚ ਸੀ. ਸੀ. ਟੀ. ਵੀ. ਨਿਗਰਾਨੀ ਪ੍ਰਣਾਲੀ ਲਗਾਉਣ ਅਤੇ ਉਨ੍ਹਾਂ ਦੇ ਰੱਖ-ਰਖਾਅ ਲਈ ਨਿਰਮਾਤਾ ਜਾਂ ਉਨ੍ਹਾਂ ਦੇ ਅਧਿਕਾਰਤ ਡੀਲਰਾਂ ਤੋਂ ਟੈਂਡਰ ਮੰਗੇ ਗਏ ਹਨ।
ਪੁਲਸ 'ਦੋ ਮੈਗਾ ਪਿਕਸਲ' ਦੇ ਕੈਮਰੇ ਖਰੀਦ ਰਹੀ ਹੈ, ਜਿਸ ਵਿਚ 8 ਚੈਨਲ ਹੋਣਗੇ। ਨਾਲ ਹੀ ਵੀਡੀਓ ਨਾਲ ਛੇੜਛਾੜ ਕਰਨ ਅਤੇ ਗੈਰ-ਕਾਨੂੰਨੀ ਲੌਗਇਨ ਕਰਨ 'ਤੇ ਅਲਾਰਮ ਦੀ ਪ੍ਰਣਾਲੀ ਹੋਵੇਗੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਸ ਦਾ ਮਕਸਦ ਥਾਣਿਆਂ ਦੀ ਵਿਵਸਥਾ ਵਿਚ ਹੋਰ ਪਾਰਦਰਸ਼ਿਤਾ ਲਿਆਉਣ ਦੀ ਹੈ ਅਤੇ ਸੁਰੱਖਿਆ ਵੀ ਯਕੀਨੀ ਕਰਨਾ ਹੈ।