ਭੈਣ ਨੂੰ ਕੈਂਸਰ ਤੋਂ ਬਚਾਉਣ ਲਈ 10 ਸਾਲਾ ਬੱਚਾ ਸੜਕਾਂ ’ਤੇ ਵੇਚ ਰਿਹਾ ਪੰਛੀਆਂ ਦਾ ਦਾਣਾ

ਤੇਲੰਗਾਨਾ– ਭੈਣ-ਭਰਾ ਦਾ ਰਿਸ਼ਤਾ ਬੇਹੱਦ ਖੂਬਸੂਰਤ ਹੁੰਦਾ ਹੈ। ਇਸ ਰਿਸ਼ਤੇ ਦੀ ਖੂਬਸੂਰਤੀ ਹੀ ਜ਼ਿੰਦਗੀ ਹੈ। ਕਦੇ ਭੈਣ ਭਰਾ ਦਾ ਖਿਆਲ ਰੱਖਦੀ ਹੈ ਤਾਂ ਕਦੇ ਭਰਾ ਭੈਣ ਦਾ। ਅਜੇ ਹਾਲ ਹੀ ’ਚ ਤੇਲੰਗਾਨਾ ਤੋਂ ਇਕ ਬੇਹੱਦ ਹੈਰਾਨ ਕਰਨ ਵਾਲੀ ਖਬਰ ਸਾਹਮਣੇ ਆਈ ਹੈ। ਇਕ ਨਿਊਜ਼ ਏਜੰਸੀ ਮੁਤਾਬਕ, ਤੇਲੰਗਾਨਾ ’ਚ ਕੈਂਸਰ ਪੀੜਤ ਭੈਣ ਦੀ ਜਾਨ ਬਚਾਉਣ ਲਈ ਇਕ 10 ਸਾਲਾ ਭਰਾ ਸੜਕਾਂ ’ਤੇ ਪੰਛੀਆਂ ਦਾ ਦਾਣਾ ਵੇਚ ਰਿਹਾ ਹੈ। ਪੰਛੀਆਂ ਦਾ ਦਾਣਾ ਵੇਚ ਕੇ ਉਹ ਆਪਣੀ ਭੈਣ ਦੇ ਇਲਾਜ ਲਈ ਪੈਸੇ ਇਕੱਠੇ ਕਰ ਰਿਹਾ ਹੈ। ਇਸ ਬੱਚੇ ਦਾ ਨਾਂ ਸੈਯਦ ਅਜੀਜ਼ ਹੈ। ਸੈਯਦ ਆਪਣੀ ਮਾਂ ਨਾਲ ਮਿਲ ਕੇ ਸੜਕ ਕੰਢੇ ਪੰਛੀਆਂ ਦਾ ਦਾਣਾ ਵੇਚ ਕੇ ਪੈਸੇ ਇਕੱਠੇ ਕਰ ਰਿਹਾ ਹੈ। ਸੋਸ਼ਲ ਮੀਡੀਆ ’ਤੇ ਸਾਰੇ ਲੋਕ ਇਸ ਭਰਾ ਦੀ ਤਾਰੀਫ਼ ਕਰ ਰਹੇ ਹਨ। 

Telangana | A 10-yr-old boy sells bird food in Hyderabad to pay for his sister Sakeena Begum's brain cancer treatment.

"We haven't received any help. We received govt funds only till radiation therapy. The medication is too expensive," says Bilkes Begum, Sakeena's mother pic.twitter.com/S5G5l9cKWq

— ANI (@ANI) August 6, 2021

ਨਿਊਜ਼ ਏਜੰਸੀ ਨਾਲ ਗੱਲ ਕਰਦੇ ਹੋਏ ਅਜੀਜ਼ ਦੀ ਮਾਂ ਨੇ ਦੱਸਿਆ ਕਿ ਉਨ੍ਹਾਂ ਦੀ ਬੇਟੀ ਸਕੀਨਾ ਦੇ ਇਲਾਜ ਲਈ ਅਜੇ ਤਕ ਕਿਸੇ ਤੋਂ ਮਦਦ ਨਹੀਂ ਮਿਲੀ। ਉਨ੍ਹਾਂ ਕਿਹਾ ਕਿ ਸਿਰਫ ਰੇਡੀਏਸ਼ਨ ਥੈਰੇਪੀ ਤਕ ਦਾ ਹੀ ਸਰਕਾਰੀ ਫੰਡ ਮਿਲਿਆ ਸੀ। ਜਦਕਿ, ਉਨ੍ਹਾਂ ਦੀ ਬੇਟੀ ਦੀਆਂ ਦਵਾਈਆਂ ਬਹੁਤ ਮਹਿੰਗੀਆਂ ਹਨ। ਅਜਿਹੇ ’ਚ ਉਨ੍ਹਾਂ ਦਾ 10 ਸਾਲਾ ਬੇਟਾ ਸੜਕ ’ਤੇ ਹੈ ਅਤੇ ਮਿਹਨਤ ਕਰ ਰਿਹਾ ਹੈ। 

Hi,

We would love to help crowdfund for their treatment expenses. Could you please share their contact details and we will get in touch with them and provide them with the required assistance.

Thanks

— Ketto (@ketto) August 6, 2021

ਏ.ਐੱਨ.ਆਈ. ਦੇ ਟਵੀਟ ਨੂੰ ਰੀਟਵੀਟ ਕਰਦੇ ਹੋਏ ਕ੍ਰਾਊਡਫੰਡਿੰਗ ਵੈੱਬਸਾਈਟ Ketto ਨੇ ਮਦਦ ਕਰਨ ਦੀ ਅਪੀਲ ਕੀਤੀ ਹੈ। ਆਪਣੇ ਟਵੀਟ ’ਚ ਉਨ੍ਹਾਂ ਕਿਹਾ ਹੈ ਕਿ ਅਸੀਂ ਕ੍ਰਾਊਡਫੰਡਿੰਗ ਰਾਹੀਂ ਮਦਦ ਕਰਾਂਗੇ।