ਰੈਜ਼ੀਡੈਂਟ ਡਾਕਟਰਾਂ ਦੇ ਵਜ਼ੀਫੇ ’ਚ 35 ਫੀਸਦ ਦਾ ਵਾਧਾ, ਫਿਰ ਵੀ ਹਰਿਆਣਾ ਅੱਗੇ

ਫਰੀਦਕੋਟ : ਪੰਜਾਬ ਸਰਕਾਰ ਨੇ ਸਰਕਾਰੀ ਮੈਡੀਕਲ ਕਾਲਜਾਂ ਵਿਚ ਕੰਮ ਕਰਦੇ ਰੈਜ਼ੀਡੈਂਟ ਡਾਕਟਰਾਂ ਦੇ ਵਜ਼ੀਫੇ ਵਿਚ ਕਰੀਬ ਇੱਕ ਦਹਾਕੇ ਬਾਅਦ 35 ਫ਼ੀਸਦੀ ਵਾਧਾ ਕੀਤਾ ਹੈ ਪਰ ਹੁਣ ਵੀ ਸੋਧੀ ਹੋਈ ਰਕਮ ਦਿੱਲੀ ਅਤੇ ਹਰਿਆਣਾ ਨਾਲੋਂ ਘੱਟ ਹੈ। ਦੱਸ ਦੇਈਏ ਕਿ ਮੈਡੀਕਲ ਸਿੱਖਿਆ ਅਤੇ ਖੋਜ ਵਿਭਾਗ ਵੱਲੋਂ 5 ਅਗਸਤ ਨੂੰ ਹਦਾਇਤਾਂ ਜਾਰੀ ਕੀਤਾ ਗਈਆਂ ਸਨ ਕਿ ਜੂਨੀਅਰ ਰੈਜ਼ੀਡੈਂਟ ਡਾਕਟਰਾਂ (ਨਾਨ-ਪੀ.ਸੀ.ਐੱਮ.ਐੱਸ.) ਨੂੰ 67,968 ਰੁਪਏ ਦਾ ਪ੍ਰਤੀ ਮਹੀਨਾ ਵਜ਼ੀਫ਼ਾ ਦਿੱਤਾ ਜਾਵੇਗਾ, ਜਦੋਂ ਕਿ ਸੀਨੀਅਰ ਰੈਜ਼ੀਡੈਂਟ (ਨਾਨ-ਪੀ.ਸੀ.ਐੱਮ.ਐੱਸ.) ਅਤੇ ਟਿਊਟਰ ( ਗੈਰ-ਪੀ.ਸੀ.ਐੱਮ.ਐੱਸ.) ਨੂੰ  81,562 ਰੁਪਏ ਦਾ ਨਿਸ਼ਚਿਤ ਮਾਣ ਭੱਤਾ ਦਿੱਤਾ ਜਾਵੇਗਾ। ਇਸ ਲੜੀ ਵਿਚ ਕ੍ਰਮਵਾਰ ਕਰੀਬ 17,000 ਰੁਪਏ ਅਤੇ  19,000 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ। ਪਹਿਲਾਂ ਜੂਨੀਅਰ  ਡਾਕਟਰ 50,000 ਅਤੇ ਸੀਨੀਅਰ ਡਾਕਟਰ 62,000 ਪ੍ਰਤੀ ਮਹੀਨਾਂ ਵਜੀਫ਼ਾ ਪ੍ਰਾਪਤ ਕਰ ਰਹੇ ਸਨ।

ਇਹ ਵੀ ਪੜ੍ਹੋ- ਮੰਤਰੀ ਹਰਜੋਤ ਬੈਂਸ ਦੀ ਵੱਡੀ ਕਾਰਵਾਈ, ਰੂਪਨਗਰ ਦਾ ਖਣਨ ਐਕਸੀਅਨ ਕੀਤਾ ਮੁਅੱਤਲ, ਜਾਣੋ ਪੂਰਾ ਮਾਮਲਾ

ਮੈਡੀਕਲ ਸਿੱਖਿਆ ਵਿਭਾਗ ਵੱਲੋਂ ਜਾਰੀ ਕੀਤੇ ਹੁਕਮਾਂ ਵਿਚ ਕਿਹਾ ਗਿਆ ਹੈ ਕਿ ਜੂਨੀਅਰ ਅਤੇ ਸੀਨੀਅਰ ਰੈਜ਼ੀਡੈਂਟ ਡਾਕਟਰਾਂ ਨੂੰ ਨਿਯਮਾਂ ਮੁਤਾਬਕ ਨਿਸ਼ਚਿਤ ਕੀਤੀ ਤਨਖ਼ਾਹ ਮਿਲੇਗੀ ਜਿਸ ਵਿੱਚ ਕੋਈ ਸਾਲਾਨਾ ਤਰੱਕੀ ਜਾ ਵਾਧੇ ਨੂੰ ਸ਼ਾਮਿਲ ਨਹੀਂ ਕੀਤਾ ਜਾਵੇਗਾ। ਜੇਕਰ ਭਵਿੱਖ ਵਿੱਚ ਸੂਬਾ ਸਰਕਾਰ ਵੱਲੋਂ ਡੀ.ਏ ਜਾਂ ਐੱਨ.ਪੀ.ਏ. ਵਿੱਚ ਵਾਧਾ ਕੀਤਾ ਜਾਂਦਾ ਹੈ ਤਾਂ ਇਸ ਨੂੰ ਉਨ੍ਹਾਂ 'ਤੇ ਲਾਗੂ ਨਹੀਂ ਕੀਤਾ ਜਾਵੇਗਾ। ਇਸ ਤੋਂ ਇਲਾਨਾ ਇਹ ਵੀ ਕਿਹਾ ਗਿਆ ਹੈ ਕਿ ਜਿਨ੍ਹਾਂ ਟਿਊਟਰਾਂ ਕੋਲ ਐੱਮ. ਡੀ. ਜਾਂ ਐੱਮ. ਬੀ. ਬੀ. ਐੱਸ. ਦੀ ਯੋਗਤਾ ਹੈ, ਉਨ੍ਹਾਂ ਨੂੰ ਸੀਨੀਅਰ ਨਿਵਾਸੀਆਂ (ਐਨ.ਪੀ.ਏ. ਸਮੇਤ) ਦੇ ਬਰਾਬਰ ਮਾਣ ਭੱਤਾ ਮਿਲੇਗਾ ਅਤੇ ਬਾਕੀ ਟਿਊਟਰਾਂ ਨੂੰ ਜੂਨੀਅਰ ਨਿਵਾਸੀਆਂ ਵਾਂਗ ਹੀ ਵਜ਼ੀਫ਼ਾ ਮਿਲਦਾ ਰਹੇਗਾ। ਇਸ ਤੋਂ ਪਹਿਲਾਂ ਸੂਬਾ ਸਰਕਾਰ ਵੱਲੋਂ 2009 ਵਿਚ ਵਜ਼ੀਫਿਆਂ 'ਚ 20 ਹਜ਼ਾਰ ਰੁਪਏ ਅਤੇ 2011 ਵਿਚ ਕਰੀਬ 6 ਹਜ਼ਾਰ ਰੁਪਏ ਵਾਧਾ ਕੀਤਾ ਗਿਆ ਸੀ।

ਇਹ ਵੀ ਪੜ੍ਹੋ- ਪੰਜਾਬ 'ਚ ਅੱਜ ਸੜਕਾਂ 'ਤੇ ਨਹੀਂ ਚੱਲੀਆਂ ਨਿੱਜੀ ਬੱਸਾਂ, ਮੁਸਾਫ਼ਰਾਂ ਨੂੰ ਝੱਲਣੀ ਪਈ ਭਾਰੀ ਪਰੇਸ਼ਾਨੀ

ਦੱਸ ਦੇਈਏ ਕਿ ਪੰਜਾਬ ਸਰਕਾਰ ਵੱਲੋਂ ਵਧਾਇਆ ਗਿਆ ਵਜ਼ੀਫ਼ਾ ਹਰਿਆਣਾ ਅਤੇ ਦਿੱਲੀ ਵਿੱਚ ਰੈਜ਼ੀਡੈਂਟ ਡਾਕਟਰਾਂ ਨੂੰ ਮਿਲਣ ਵਾਲੇ ਡਾਕਟਰਾਂ ਨਾਲੋਂ ਘੱਟ ਹੈ। ਪੰਜਾਬ ਸਰਕਾਰ ਜੂਨੀਅਰ ਨਿਵਾਸੀਆਂ ਨੂੰ ਕ੍ਰਮਵਾਰ 85,000 ਅਤੇ 95,000 ਰੁਪਏ ਦੇ ਰਹੀ ਹੈ ਜਦ ਕਿ ਹਰਿਆਣਾ ਸੀਨੀਅਰ ਨਿਵਾਸੀਆਂ ਨੂੰ 1.15 ਲੱਖ ਰੁਪਏ ਦੇ ਰਿਹਾ ਹੈ ਅਤੇ  ਦਿੱਲੀ ਸਰਕਾਰ 1.20 ਲੱਖ ਰੁਪਏ ਦੇ ਰਹੀ ਹੈ।

ਨੋਟ- ਇਸ ਖ਼ਬਰ ਸੰਬੰਧੀ ਆਪਣੇ ਵਿਚਾਰ ਕੁਮੈਂਟ ਬਾਕਸ 'ਚ ਸਾਂਝੇ ਕਰੋ।