ਮਾਨਸਿਕ ਪ੍ਰੇਸ਼ਾਨੀ ਕਾਰਨ ਨੌਜਵਾਨ ਨੇ ਲਿਆ ਫਾਹ

ਪਟਿਆਲਾ, (ਬਲਜਿੰਦਰ)- ਪ੍ਰਤਾਪ ਨਗਰ ਵਿਖੇ ਕਸ਼ਮੀਰ ਸਿੰਘ (27) ਵਾਸੀ ਪਿੰਡ ਸੈਂਸਰਵਾਲ ਵੱਲੋਂ ਖੁਦਕੁਸ਼ੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਸ ਨੇ ਲਾਸ਼ ਕਬਜ਼ੇ 'ਚ ਲੈ ਕੇ ਰਾਜਿੰਦਰਾ ਹਸਪਤਾਲ ਦੇ ਮੁਰਦਾ-ਘਰ 'ਚ ਰੱਖ ਦਿੱਤੀ ਹੈ। ਚੌਕੀ ਮਾਡਲ ਟਾਊਨ ਦੇ ਮੁਲਾਜ਼ਮਾਂ ਦੱਸਿਆ ਕਿ ਮ੍ਰਿਤਕ ਨੌਜਵਾਨ ਬਹੁਤ ਪਰੇਸ਼ਾਨ ਸੀ। ਪਿਛਲੇ 7 ਸਾਲਾਂ ਤੋਂ ਪ੍ਰਤਾਪ ਨਗਰ ਵਿਖੇ ਰਹਿ ਰਿਹਾ ਸੀ। ਪੁਲਸ ਨੇ ਮ੍ਰਿਤਕ ਦੀ ਪਤਨੀ ਦੇ ਬਿਆਨਾਂ 'ਤੇ ਧਾਰਾ 174 ਅਧੀਨ ਕਾਰਵਾਈ ਕੀਤੀ ਹੈ।