ਲੁੱਟਾਂ-ਖੋਹਾਂ ਕਰਨ ਵਾਲੇ ਗਿਰੋਹ ਦੇ 5 ਮੈਂਬਰ ਹਥਿਆਰਾਂ ਸਮੇਤ ਗ੍ਰਿਫਤਾਰ

ਬਰਨਾਲਾ (ਵਿਵੇਕ ਸਿੰਧਵਾਨੀ, ਰਵੀ): ਬਰਨਾਲਾ ਪੁਲਸ ਨੇ ਲੁੱਟਾਂ-ਖੋਹਾਂ ਕਰਨ ਵਾਲੇ ਗਿਰੋਹ ਦੇ ਪੰਜ ਮੈਂਬਰਾਂ ਨੂੰ ਗ੍ਰਿਫਤਾਰ ਕਰ ਕੇ ਉਨ੍ਹਾਂ ਕੋਲੋਂ ਹਥਿਆਰ ਤੇ ਹੋਰ ਸਾਮਾਨ ਬਰਾਮਦ ਕੀਤਾ ਹੈ। ਪ੍ਰ੍ਰੈੱਸ ਕਾਨਫਰੰਸ ਦੌਰਾਨ ਐੱਸ. ਐੱਸ. ਪੀ. ਸੰਦੀਪ ਗੋਇਲ ਨੇ ਦੱਸਿਆ ਕਿ ਮਿਤੀ 12/02/2020 ਨੂੰ ਸੁਰਿੰਦਰਪਾਲ 495/ਬਰ ਥਾਣਾ ਸਿਟੀ ਬਰਨਾਲਾ ਸਮੇਤ ਪੁਲਸ ਪਾਰਟੀ ਗਸ਼ਤ 'ਤੇ ਠੀਕਰੀਵਾਲ ਚੌਕ 'ਤੇ ਮੌਜੂਦ ਸਨ ਕਿ ਉੁਨ੍ਹਾਂ ਨੂੰ ਇਤਲਾਹ ਮਿਲੀ ਕਿ ਅਰਸ਼ਪ੍ਰੀਤ ਸਿੰਘ ਉਰਫ ਹਨੀ (ਗੈਂਗ ਲੀਡਰ) ਪੁੱਤਰ ਬਲਦੇਵ ਸਿੰਘ ਵਾਸੀ ਪੱਕਾ ਦਰਵਾਜਾ ਸੂਜਾ, ਪੱਤੀ ਸੰਘੇੜਾ, ਕ੍ਰਿਸ਼ਨਦੀਪ ਸਿੰਘ ਉਰਫ ਘੋਲੂ ਪੁੱਤਰ ਮੱਖਣ ਸਿੰਘ ਵਾਸੀ ਨੇੜੇ ਬਾਬਾ ਜੀਵਨ ਸਿੰਘ ਗੁਰੂਦੁਆਰਾ, ਸੂਜਾ ਪੱਤੀ ਸੰਘੇੜਾ, ਸ਼ੁਭਮ ਕੁਮਾਰ ਉਰਫ ਸਿੱਬੂ ਪੁੱਤਰ ਬੁੱਧ ਰਾਮ ਵਾਸੀ ਨੇੜੇ ਟਿਊਬਵੈੱਲ ਨੰਬਰ 6 ਰਾਹੀਂ ਬਸਤੀ ਬਰਨਾਲਾ, ਜਸਵੰਤ ਸਿੰਘ ਉਰਫ ਜਗੀਨਾ ਪੁੱਤਰ ਜਰਨੈਲ ਸਿੰਘ ਵਾਸੀ ਨੇੜੇ ਹਰਪਾਲ ਰਾਹੀ ਦਾ ਸਕੂਲ ਰਾਹੀ ਬਸਤੀ ਬਰਨਾਲਾ, ਸੇਖਰ ਕੁਮਾਰ ਉਰਫ ਰਵੀ ਕੁਮਾਰ ਪੁੱਤਰ ਰੂੜਾ ਰਾਮ ਵਾਸੀ ਨੇੜੇ ਬਾਲਮੀਕ ਮੰਦਰ ਕੇ. ਸੀ. ਰੋਡ ਬਰਨਾਲਾ (ਜਿਨ੍ਹਾਂ ਕੋਲ ਨਾਜਾਇਜ਼ ਅਸਲਾ ਅਤੇ ਮਾਰੂ ਹਥਿਆਰ ਹਨ) ਠੀਕਰੀਵਾਲ ਰੋਡ ਡਰੇਨ 'ਤੇ ਬੇਆਬਾਦ ਜਗ੍ਹਾ 'ਤੇ ਬੈਠੇ ਰਾਹਗੀਰਾਂ ਕੋਲੋਂ ਲੁੱਟ-ਖੋਹ ਦੀ ਯੋਜਨਾ ਬਣਾ ਰਹੇ ਹਨ।

ਇਤਲਾਹ ਮਿਲਣ 'ਤੇ ਮੁਕੱਦਮਾ ਨੰਬਰ 119 ਮਿਤੀ 12/03/2020 ਅ/ਧ 399,402 , 25/54/59 ਅਸਲਾ ਐਕਟ ਥਾਣਾ ਸਿਟੀ ਬਰਨਾਲਾ 'ਚ ਦਰਜ ਕੀਤਾ ਗਿਆ। ਸੁਰਿੰਦਰਪਾਲ 495 ਨੇ ਸਮੇਤ ਪੁਲਸ ਪਾਰਟੀ ਦੇ ਮੌਕੇ 'ਤੇ ਪੁੱਜ ਕੇ ਮੁਲਜ਼ਮਾਂ ਨੂੰ ਕਾਬੂ ਕਰ ਲਿਆ। ਇਸ ਦੌਰਾਨ ਅਰਸ਼ਪ੍ਰੀਤ ਸਿੰਘ ਉਰਫ ਹਨੀ (ਗੈਗ ਲੀਡਰ) ਕੋਲੋਂ ਇਕ ਪਿਸਟਲ ਖਿਡੌਣਾ, ਇਕ ਮੋਬਾਇਲ ਫੋਨ ਲਾਵਾ ਰੰਗ ਗੋਲਡਨ, ਇਕ ਜੈਂਟਸ ਪਰਸ ਜਿਸ 'ਚ 3600 ਰੁਪਏ ਦੇ ਕਰੰਸੀ ਨੋਟ ਅਤੇ ਇਕ ਆਧਾਰ ਕਾਰਡ ਅਤੇ ਚਾਰ ਫੋਟੋਆਂ ਬਰਾਮਦ ਹੋਈਆਂ। ਕ੍ਰਿਸ਼ਨਦੀਪ ਸਿੰਘ ਉਰਫ ਘੋਲੂ ਕੋਲੋਂ ਇਕ ਛੁਰੀ ਅਤੇ ਇਕ ਮੋਬਾਇਲ ਬਰਾਮਦ ਹੋਇਆ। ਸ਼ੁਭਮ ਕੁਮਾਰ ਉਰਫ ਸਿੱਬੂ ਪਾਸੋ ਇੱਕ ਕਿਰਚ ਅਤੇ ਇੱਕ ਮੋਬਾਇਲ ਜੀਓ ਕੰਪਨੀ ਦਾ ਕੀਪੈਡ ਵਾਲਾ ਰੰਗ ਕਾਲਾ ਬਰਾਮਦ ਹੋਇਆ।

ਜਸਵੰਤ ਸਿੰਘ ਉਰਫ ਜਗੀਨਾ ਉਕਤ ਕੋਲੋਂ ਇਕ ਕਿਰਚ ਅਤੇ ਇਕ ਮੋਬਾਇਲ ਆਈਫੋਨ ਐਪਲ ਰੰਗ ਗੋਲਡਨ ਬਰਾਮਦ ਹੋਇਆ। ਸ਼ੇਖਰ ਕੁਮਾਰ ਉਰਫ ਰਵੀ ਕੁਮਾਰ ਉਕਤ ਕੋਲੋਂ ਇੱਕ ਬੇਸਬਾਲ ਅਤੇ ਇੱਕ ਮੋਬਾਇਲ ਸੈਮਸੰਗ ਕੰਪਨੀ ਦਾ ਕੀਪੈਡ ਵਾਲਾ ਰੰਗ ਚਿੱਟਾ ਬਰਾਮਦ ਹੋਇਆ। ਮੌਕੇ ਤੋਂ ਚੋਰੀ ਦਾ ਮੋਟਰਸਾਈਕਲ ਨੰਬਰ ਪੀਬੀ29ਈ (ਟੀ) 4276 ਮਾਰਕਾ ਪਲੈਟੀਨਾ ਬਰਾਮਦ ਹੋਇਆ। ਐਸਐਸਪੀ ਨੇ ਦੱਸਿਆ ਕਿ ਮੁਲਜ਼ਮਾਂ ਨੂੰ ਅੱਜ ਮਾਣਯੋਗ ਅਦਾਲਤ ਵਿੱਚ ਪੇਸ਼ ਕਰ ਕੇ ਰਿਮਾਂਡ ਹਾਸਲ ਕੀਤਾ ਜਾਵੇਗਾ, ਜਿਨ੍ਹਾਂ ਨੇ ਪੁੱਛ- ਗਿੱਛ ਦੌਰਾਨ ਇਕ ਹੋਰ ਮੋਟਰਸਾਈਕਲ ਖੋਹ ਕੀਤਾ ਮੰਨਿਆ ਹੈ, ਜਿਸ ਦੀ ਬਰਾਮਦਗੀ ਬਾਕੀ ਹੈ। ਇਸ ਤੋਂ ਇਲਾਵਾ ਹੋਰ ਵੀ ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ। ਇਸ ਤੋ ਇਲਾਵਾ ਅਰਸ਼ਪ੍ਰੀਤ ਸਿੰਘ ਅਤੇ ਕ੍ਰਿਸ਼ਨਦੀਪ ਸਿੰਘ ਉਰਫ ਘੋਲੂ ਉਕਤਾਨ ਵੱਲੋ 11/03/2020 ਨੂੰ ਬਲਜਿੰਦਰ ਸਿੰਘ ਪੁੱਤਰ ਜ਼ਸਵਿੰਦਰ ਸਿੰਘ ਵਾਸੀ ਪੈਰੋ ਪੱਤੀ ਸੰਘੇੜਾ ਦੀ ਦੁਕਾਨ ਤੇ ਜਾਕੇ ਪਰਸ ਖੋਹ ਲਿਆ ਸੀ, ਜਿਸ ਵਿੱਚ ਕਰੀਬ 3600 ਰੁਪਏ ਸਨ, ਜਿਸ ਦੇ ਸਬੰਧ ਵਿੱਚ ਮੁਕੱਦਮਾ ਨੰਬਰ 123 ਮਿਤੀ 12/03/2020 ਅ/ਧ 382 ਹਿੰ:ਦੰ:, 25/54/59 ਅਸਲਾ ਐਕਟ ਥਾਣਾ ਸਿਟੀ ਬਰਨਾਲਾ ਦਰਜ ਕੀਤਾ ਗਿਆ। ਇਸ ਦੀ ਬ੍ਰਾਮਦਗੀ ਵੀ ਮੁਕੱਦਮਾ ਨੰਬਰ 119 ਮਿਤੀ 12/03/2020 ਅ/ਧ 399,402 ਹਿੰ:ਦੰ:, 25/54/59 ਅਸਲਾ ਐਕਟ ਥਾਣਾ ਸਿਟੀ ਬਰਨਾਲਾ ਵਿੱਚ ਹੋ ਚੁੱਕੀ ਹੈ ਅਤੇ ਮਿਤੀ 11/03/2020 ਨੂੰ ਮੁਕੱਦਮਾ ਨੰਬਰ 117 ਮਿਤੀ 11/03/2020 ਅ/ਧ 454,380 ਹਿੰ:ਦੰ: ਥਾਣਾ ਸਿਟੀ ਬਰਨਾਲਾ 4000 ਰੁਪਏ ਚੋਰੀ ਹੋਣ ਸਬੰਧੀ ਦਰਜ ਰਜਿਸਟਰ ਹੋਇਆ ਸੀ, ਜਿਸ ਸਬੰਧੀ ਮੁਲਜ਼ਮ ਸੁਭਮ ਕੁਮਾਰ ਉਰਫ ਸਿੱਬੂ ਉਕਤ ਪਾਸੋ ਦੋ ਪਿੱਤਲ ਦੀਆਂ ਟੂਟੀਆਂ ਬਰਾਮਦ ਕਰਵਾਈਆਂ ਹਨ ਅਤੇ ਨਗਦੀ ਬਰਾਮਦ ਕਰਵਾਉਣੀ ਬਾਕੀ ਹੈ। ਐਸਐਸਪੀ ਨੇ ਦੱਸਿਆ ਕਿ ਇਸ ਗੈਂਗ ਦੇ ਕੁਝ ਮੈਂਬਰਾਂ ਖਿਲਾਫ ਪਹਿਲਾਂ ਵੀ ਕੇਸ ਦਰਜ ਹਨ। ਇਸ ਮੌਕੇ ਐਸਪੀ ਡੀ ਸੁਖਦੇਵ ਸਿੰਘ ਵਿਰਕ ਅਤੇ ਡੀਐਸਪੀ ਰਾਜੇਸ਼ ਛਿੱਬਰ ਵੀ ਮੌਜੂਦ ਸਨ।

ਕਿੰਨੀ ਹੋਈ ਕੁੱਲ ਬਰਾਮਦਗੀ
ਪੁਲਸ ਨੇ ਮੁਲਜ਼ਮਾਂ ਕੋਲੋਂ ਇਕ ਪਿਸਟਲ ਖਿਡੌਣਾ, ਤਿੰਨ ਟੱਚ ਸਕਰੀਨ ਮੋਬਾਇਲ, ਪੰਜ ਕੀਪੈਡ ਵਾਲੇ ਮੋਬਾਇਲ (ਕੁੱਲ 08 ਮੋਬਾਇਲ), ਇੱਕ ਪਰਸ ਜਿਸ ਵਿੱਚ 3600 ਰੁਪਏ ਦੇ ਕਰੰਸੀ ਨੋਟ, ਆਧਾਰ ਕਾਰਡ ਅਤੇ 04 ਫੋਟੋਆਂ , ਇਕ ਛੁਰੀ, ਦੋ ਕਿਰਚਾਂ, ਇਕ ਬੇਸਬਾਲ ਅਤੇ ਇਕ ਮੋਟਰਸਾਈਕਲ ਅਤੇ ਦੋ ਪਿੱਤਲ ਦੀਆਂ ਟੂਟੀਆਂ ਬਰਾਮਦ ਕੀਤੀਆਂ ਹਨ।