ਮੁਟਿਆਰਾਂ ਨੂੰ ਏਂਜਲ ਲੁੱਕ ਦੇ ਰਹੀਆਂ ਹਨ ਨੈੱਟ ਡਿਜ਼ਾਈਨ ਦੀਆਂ ਡਰੈੱਸਾਂ

ਵੈੱਬ ਡੈਸਕ- ਅੱਜ ਹਰੇਕ ਮੁਟਿਆਰ ਅਤੇ ਔਰਤ ਖਾਸ ਮੌਕਿਆਂ ’ਤੇ ਖੁਦ ਨੂੰ ਸਭ ਤੋਂ ਸੁੰਦਰ ਅਤੇ ਵੱਖਰੀ ਦਿਖਾਉਣਾ ਚਾਹੁੰਦੀਆਂ ਹਨ। ਇਸਦੇ ਲਈ ਉਹ ਡਿਜ਼ਾਈਨਰ ਫੈਬਰਿਕ ਅਤੇ ਖੂਬਸੂਰਤ ਵਰਕ ਵਾਲੀਆਂ ਡਰੈੱਸਾਂ ਨੂੰ ਚੁਣਦੀਆਂ ਹਨ। ਇਸ ਵਿਚ ਵੈਲਵੇਟ, ਬ੍ਰੋਕੇਡ, ਸਿਲਕ, ਸੈਟਿਨ ਦੇ ਨਾਲ-ਨਾਲ ਨੈੱਟ ਡਿਜ਼ਾਈਨ ਦੀਆਂ ਡਰੈੱਸਾਂ ਸਭ ਤੋਂ ਜ਼ਿਆਦਾ ਪਸੰਦ ਕੀਤੀਆਂ ਜਾ ਰਹੀਆਂ ਹਨ। ਨੈੱਟ ਦੀ ਡਰੈੱਸ ਸਦਾਬਹਾਰ ਹੁੰਦੀ ਹੈ। ਭਾਵੇਂ ਵਿਆਹ ਹੋਵੇ, ਪਾਰਟੀ ਹੋਵੇ, ਮੰਗਣੀ ਹੋਵੇ ਜਾਂ ਮਹਿੰਦੀ ਫੰਕਸ਼ਨ, ਨੈੱਟ ਡਿਜ਼ਾਈਨ ਹਰ ਮੌਕੇ ’ਤੇ ਮੁਟਿਆਰਾਂ ਨੂੰ ਏਂਜਲ ਵਰਗੀ ਲੁੱਕ ਦਿੰਦਾ ਹੈ।
ਨੈੱਟ ਡਿਜ਼ਾਈਨ ਵਿਚ ਭਾਰਤੀ ਪਹਿਰਾਵੇ ਸਭ ਤੋਂ ਜ਼ਿਆਦਾ ਲੋਕਪ੍ਰਿਯ ਹਨ। ਨੈੱਟ ਦੀਆਂ ਸਾੜ੍ਹੀਆਂ, ਲਹਿੰਗਾ-ਚੋਲੀ, ਅਨਾਰਕਲੀ ਸੂਟ, ਗਾਊਨ, ਫਰਾਕ ਸੂਟ ਅਤੇ ਸ਼ਰਾਰਾ ਸੂਟ ਹਰ ਉਮਰ ਦੀਆਂ ਮੁਟਿਆਰਾਂ ਅਤੇ ਔਰਤਾਂ ਦੀ ਪਹਿਲੀ ਪਸੰਦ ਬਣੇ ਹੋਏ ਹਨ। ਇਨ੍ਹਾਂ ਡਰੈੱਸਾਂ ’ਤੇ ਕੀਤਾ ਗਿਆ ਬਰੀਕ ਵਰਕ ਜਿਵੇਂ ਸਟੋਨ ਵਰਕ, ਸੀਕਵੈਂਸ ਵਰਕ, ਜਰੀ ਵਰਕ, ਮਿਰਰ ਵਰਕ, ਬੀਡਸ ਵਰਕ ਅਤੇ ਥਰੈੱਡ ਐਂਬ੍ਰਾਇਡਰੀ ਇਨ੍ਹਾਂ ਦੀ ਖੂਬਸੂਰਤੀ ਨੂੰ ਕਈ ਗੁਣਾ ਵਧਾ ਦਿੰਦਾ ਹੈ। ਅੱਜਕੱਲ 3ਡੀ ਨੈੱਟ ਡਿਜ਼ਾਈਨ ਦਾ ਕ੍ਰੇਜ਼ ਸਭ ਤੋਂ ਜ਼ਿਆਦਾ ਹੈ। 3ਡੀ ਫਲੋਰਲ ਵਰਕ ਵਾਲੀਆਂ ਨੈੱਟ ਦੀਆਂ ਸਾੜ੍ਹੀਆਂ, ਗਾਊਨ ਅਤੇ ਲਹਿੰਗਾ-ਚੋਲੀ ਲਾੜੀ ਤੋਂ ਲੈ ਕੇ ਪਾਰਟੀ ਗਰਲ ਤੱਕ ਹਰ ਕਿਸੇ ਦੀ ਪਸੰਦ ਬਣ ਗਏ ਹਨ।

ਇਨ੍ਹਾਂ ’ਤੇ ਉਭਰੇ ਹੋਏ 3ਡੀ ਫੁੱਲ ਇੰਨੇ ਸੋਹਣੇ ਲੱਗਦੇ ਹਨ ਕਿ ਪਹਿਨਣ ਵਾਲੀ ਨੂੰ ਦੇਖਦਿਆਂ ਹੀ ਨਜ਼ਰਾਂ ਰੁੱਕ ਜਾਂਦੀਆਂ ਹਨ। ਵੈਡਿੰਗ ਸੀਜ਼ਨ ਵਿਚ ਰੈੱਡ, ਮੈਰੂਨ, ਰਾਇਲ ਬਲਿਊ ਅਤੇ ਐਮਰਾਲਡ ਗ੍ਰੀਨ ਕਲਰ ਦੇ 3ਡੀ ਨੈੱਟ ਲਹਿੰਗੇ ਸਭ ਤੋਂ ਜ਼ਿਆਦਾ ਵਿਕ ਰਹੇ ਹਨ। ਦੂਜੇ ਪਾਸੇ ਰਿਸੈਪਸ਼ਨ ਅਤੇ ਮੰਗਣੀ ਲਈ ਲਾਈਟ ਪਿੰਕ, ਬੇਬੀ ਬਲਿਊ, ਪੀਚ ਅਤੇ ਲੈਵੇਂਡਰ ਕਲਰ ਦੇ ਨੈੱਟ ਗਾਊਨ ਟਰੈਂਡ ਵਿਚ ਹਨ। ਨੈੱਟ ਡਿਜ਼ਾਈਨ ਦੀ ਇਕ ਹੋਰ ਵੱਡੀ ਖਾਸੀਅਤ ਹੈ ਕਿ ਇਹ ਬਹੁਤ ਹਲਕਾ ਅਤੇ ਆਰਾਮਦਾਇਕ ਹੁੰਦਾ ਹੈ। ਭਾਰੇ ਲਹਿੰਗੇ ਦੇ ਮੁਕਾਬਲੇ ਨੈੱਟ ਦਾ ਲਹਿੰਗਾ ਜਾਂ ਗਾਊਨ ਵਾਲਿਯੂਮ ਤਾਂ ਭਰਪੂਰ ਦਿੰਦਾ ਹੈ ਪਰ ਭਾਰ ਬਹੁਤ ਘੱਟ ਰੱਖਦਾ ਹੈ। ਇਸਨੂੰ ਕਈ ਘੰਟਿਆਂ ਪਾਰਟੀ ਜਾਂ ਫੰਕਸ਼ਨ ਵਿਚ ਆਸਾਨੀ ਨਾਲ ਪਹਿਨਿਆ ਜਾ ਸਕਦਾ ਹੈ। ਫਿਸ਼ ਕੱਟ, ਮਰਮੇਡ ਕੱਟ, ਏ-ਲਾਈਨ, ਵਨ ਸ਼ੋਲਡਰ, ਕੋਲਡ ਸ਼ੋਲਡਰ, ਆਫ ਸ਼ੋਲਡਰ ਤੇ ਫੁੱਲ ਸਲੀਵਸ ਵਰਗੇ ਨੈੱਟ ਗਾਊਨ ਹਰ ਮੁਟਿਆਰ ਨੂੰ ਪਸੰਦ ਆ ਰਹੇ ਹਨ।

ਰੰਗਾਂ ਦੀ ਗੱਲ ਕਰੀਏ ਤਾਂ ਨੈੱਟ ਡਿਜ਼ਾਈਨ ਵਿਚ ਹਰ ਸ਼ੇਡ ਮਿਲ ਜਾਂਦਾ ਹੈ। ਡਾਰਕ ਸ਼ੇਡਸ ਵਿਚ ਬਲੈਕ, ਨੇਵੀ ਬਲਿਊ, ਵਾਈਨ, ਐਮਰਾਲਡ ਗ੍ਰੀਨ ਅਤੇ ਚਾਕਲੇਟ ਬ੍ਰਾਊਨ ਬੇਹੱਦ ਰਾਇਲ ਲੁਕ ਦਿੰਦੇ ਹਨ ਜਦਕਿ ਲਾਈਟ ਸ਼ੇਡਸ ਜਿਵੇਂ ਕ੍ਰੀਮ, ਲਾਈਟ ਬਲਿਊ ਅਤੇ ਬਲੱਸ਼ ਪਿੰਕ ਏਂਜਲਿਕ ਲੁੱਕ ਦਿੰਦੇ ਹਨ। ਸਾੜ੍ਹੀਆਂ ਵਿਚ ਰੈੱਡ, ਰਾਇਲ ਬਲਿਊ, ਬਲੈਕ ਅਤੇ ਗੋਲਡਨ ਬਾਰਡਰ ਵਾਲੀਆਂ ਨੈੱਟ ਸਾੜ੍ਹੀਆਂ ਸਭ ਤੋਂ ਜ਼ਿਆਦਾ ਪਸੰਦ ਕੀਤੀਆਂ ਜਾ ਰਹੀਆਂ ਹਨ। ਇਨ੍ਹਾਂ ਡਰੈੱਸਾਂ ਨਾਲ ਮੁਟਿਆਰਾਂ ਗੋਲਡਨ ਡਾਇਮੰਡ ਅਤੇ ਕੁੰਦਨ ਜਿਊਲਰੀ ਕੈਰੀ ਕਰਦੀਆਂ ਹਨ। ਫੁੱਟਵੀਅਰ ਵਿਚ ਹਾਈ ਹੀਲਸ, ਸਟਿਲੇਟੋਜ ਜਾਂ ਐਂਬੇਲਿਸ਼ਡ ਸੈਂਡਲ ਪਰਫੈਕਟ ਲੱਗਦੇ ਹਨ। ਹੇਅਰ ਸਟਾਈਲ ਵਿਚ ਓਪਨ ਵੇਵਸ, ਸਾਫਟ ਕਲਰਸ, ਲੋਅ ਬਨ, ਹਾਈ ਬਨ ਜਾਂ ਲੰਬੀ ਗੁੱਤ ਆਦਿ ਹਰ ਸਟਾਈਲ ਇਨ੍ਹਾਂ ਡਰੈੱਸਾਂ ਨਾਲ ਖੂਬ ਜਚਦੇ ਹਨ।