ਹੈਰਾਨੀਜਨਕ ਖ਼ਬਰ : ਝੀਲ 'ਚ ਡੁੱਬਿਆ ਇਟਲੀ ਦਾ ਇਹ ਪਿੰਡ 26 ਸਾਲ ਬਾਅਦ ਆਇਆ ਨਜ਼ਰ (ਤਸਵੀਰਾਂ)
06/09/2020 2:40:39 PM
ਨਵੀਂ ਦਿੱਲੀ : ਦੁਨੀਆ ਕੁਦਰਤੀ ਖੂਬਸੂਰਤੀ ਨਾਲ ਭਰੀ ਪਈ ਹੈ, ਜਿਸ ਵਿਚ ਕਈ ਰਹੱਸਮਈ, ਚਮਤਕਾਰੀ ਅਤੇ ਅਜੀਬ ਜਗ੍ਹਾਵਾਂ ਵੀ ਦੇਖਣ ਨੂੰ ਮਿਲ ਜਾਂਦੀਆਂ ਹਨ। ਅੱਜ ਅਸੀਂ ਤੁਹਾਨੂੰ ਇਕ ਅਜਿਹੇ ਹੀ ਸ਼ਹਿਰ ਦੇ ਬਾਰੇ ਵਿਚ ਦੱਸਣ ਜਾ ਰਹੇ ਹਾਂ, ਜੋ 26 ਸਾਲ ਤੋਂ ਝੀਲ ਵਿਚ ਦਫਨ ਸੀ ਅਤੇ ਹੁਣ ਬਾਹਰ ਨਿਕਲ ਆਇਆ ਹੈ। ਦਰਅਸਲ 73 ਸਾਲਾਂ ਤੋਂ ਇਕ ਝੀਲ ਵਿਚ ਡੁੱਬਿਆ ਹੋਇਆ ਇਟਲੀ ਦਾ ਇਕ ਮੱਧਕਾਲੀਨ ਇਤਿਹਾਸਿਕ ਪਿੰਡ ਅਚਾਨਕ ਬਾਹਰ ਨਿਕਲ ਆਇਆ ਹੈ।
ਕਿਉਂ ਕੀਤਾ ਗਿਆ ਸੀ ਪਾਣੀ ਵਿਚ ਦਫਨ?
ਲੋਕਾਂ ਦਾ ਮੰਨਣਾ ਹੈ ਕਿ ਫੈਬਰਿਸ਼ ਡੀ ਕੈਰੀਨ (Fabbriche di Careggine) ਪਿੰਡ ਵਿਚ ਬੁਰੀਆਂ ਆਤਮਾ ਅਤੇ ਭੂਤਾਂ ਦਾ ਵਾਸ ਸੀ। ਇਸ ਲਈ ਇਸ ਨੂੰ ਝੀਲ ਬਣਾ ਕੇ ਉਸ ਵਿਚ ਡੋਬ ਦਿੱਤਾ ਗਿਆ। 1947 ਤੋਂ ਵਾਗਲੀ ਝੀਲ (Lake Vagli) ਵਿਚ ਦਫਨ ਇਹ ਪਿੰਡ 73 ਸਾਲ ਤੋਂ ਪਾਣੀ ਵਿਚ ਕੈਦ ਸੀ ਅਤੇ ਹੁਣ ਤੱਕ ਸਿਰਫ 4 ਵਾਰ (1958, 1974, 1983 ਅਤੇ 1994 ਵਿਚ) ਹੀ ਵਿਖਾਈ ਦਿੱਤਾ। ਉਦੋਂ ਲੋਕ ਇੱਥੇ ਘੁੱਮਣ ਗਏ ਸਨ।
ਝੀਲ ਦਾ ਪਾਣੀ ਹੋ ਰਿਹੈ ਘੱਟ
ਇਹ ਪਿੰਡ ਝੀਲ ਤੋਂ ਬਾਹਰ ਉਦੋਂ ਨਿਕਲਦਾ ਹੈ ਜਦੋਂ ਇਸ ਦਾ ਪਾਣੀ ਘੱਟ ਹੋ ਜਾਂਦਾ ਹੈ। ਹੁਣ 26 ਸਾਲ ਬਾਅਦ ਫਿਰ ਝੀਲ ਦਾ ਪਾਣੀ ਘੱਟ ਹੋਣ ਦੀ ਵਜ੍ਹਾ ਨਾਲ ਇਹ ਪਿੰਡ ਬਾਹਰ ਨਿਕਲ ਰਿਹਾ ਹੈ। ਇਹ ਪਿੰਡ 13ਵੀ ਸਦੀ ਵਿਚ ਵਸਾਇਆ ਗਿਆ ਸੀ। ਉਦੋਂ ਇਸ ਪਿੰਡ ਤੋਂ ਲੋਹੇ ਦਾ ਉਤਪਾਦਨ ਹੋਇਆ ਕਰਦਾ ਸੀ ਅਤੇ ਇੱਥੇ ਸਿਰਫ ਲੋਹੇ ਦਾ ਕੰਮ ਕਰਨ ਵਾਲੇ ਲੁਹਾਰ ਹੀ ਰਿਹਾ ਕਰਦੇ ਸਨ।
34 ਮਿਲੀਅਨ ਕਿਊਬਿਕ ਮੀਟਰ ਪਾਣੀ ਵਿਚ ਡੁੱਬਾ ਰਹਿੰਦਾ ਹੈ ਪਿੰਡ
ਦੱਸ ਦੇਈਏ ਕਿ ਇਹ ਪਿੰਡ ਹਮੇਸ਼ਾ 34 ਮਿਲੀਅਨ ਕਿਊਬਿਕ ਮੀਟਰ ਪਾਣੀ ਵਿਚ ਡੁੱਬਾ ਰਹਿੰਦਾ ਹੈ। ਇਟਲੀ ਦੇ ਲੂਕਾ ਸੂਬੇ ਦੇ ਟਸਕੈਨੀ ਸ਼ਹਿਰ ਵਿਚ ਸਥਿਤ ਇਸ ਪਿੰਡ ਨੂੰ ਦੇਖਣ ਦਾ ਮੌਕਾ 26 ਸਾਲ ਬਾਅਦ ਵਾਪਸ ਆ ਰਿਹਾ ਹੈ। ਇਟਲੀ ਦੀ ਸਰਕਾਰ ਇਸ ਸਾਲ ਦੇ ਆਖ਼ੀਰ ਤੱਕ ਇਸ ਨੂੰ ਸੈਲਾਨੀਆਂ ਲਈ ਖੋਲ ਵੀ ਸਕਦੀ ਹੈ।
ਪੱਥਰਾਂ ਨਾਲ ਬਣੀ ਹੈ ਪਿੰਡ ਦੀਆਂ ਇਮਾਰਤਾਂ
ਪਿੰਡ ਦੀ ਚਰਚ ਅਤੇ ਘਰ, ਸਿਮੇਟਰੀ ਅਤੇ ਪੱਥਰਾਂ ਨਾਲ ਬਣੇ ਹੋਏ ਹਨ। 1947 ਵਿਚ ਇਸ ਪਿੰਡ ਦੇ ਉੱਤੇ ਹਾਈਡ੍ਰੋਇਲੈਕਟਰਿਕ ਡੈਮ ਬਣਾਇਆ ਗਿਆ। ਉਦੋਂ ਇੱਥੇ ਰਹਿਣ ਵਾਲੇ ਲੋਕਾਂ ਨੂੰ ਨੇੜੇ ਹੀ ਸਥਿਤ ਵਾਗਲੀ ਡੀ ਸੋਟਾ ਕਸਬੇ ਵਿਚ ਮੁੜ ਸਥਾਪਤ ਕੀਤਾ ਗਿਆ ਸੀ ਤਾਂ ਕਿ ਫੈਬਰਿਸ਼ ਡੀ ਕੈਰੀਨ ਪਿੰਡ ਜਦੋਂ ਬਾਹਰ ਆਏ ਤਾਂ ਲੋਕ ਉਸ ਵਿਚ 13ਵੀ ਸਦੀ ਦੀਆਂ ਇਮਾਰਤਾਂ ਵੇਖ ਸਕਣ।