ਘਰ ਦੀ ਸਜਾਵਟ ਕਰਦੇ ਸਮੇਂ ਰੱਖੋ ਇਨ੍ਹਾਂ ਗੱਲਾਂ ਦਾ ਖ਼ਾਸ ਧਿਆਨ, ਨਹੀਂ ਤਾਂ ਹੋ ਸਕਦੀ ਹੈ ਖ਼ੂਬਸੂਰਤੀ ਖ਼ਰਾਬ

ਜਲੰਧਰ (ਬਿਊਰੋ) - ਘਰ ਨੂੰ ਸਾਫ-ਸੁੱਥਰਾ ਰੱਖਣਾ ਸਭ ਨੂੰ ਪੰਸਦ ਹੈ, ਜਿਸ ਦੇ ਲਈ ਤੁਹਾਨੂੰ ਆਪਣੀ ਖੁਦ ਦੀ ਸਾਫ਼-ਸਫਾਈ ਦਾ ਵੀ ਖ਼ਿਆਲ ਰੱਖਣਾ ਚਾਹੀਦਾ ਹੈ। ਘਰ ਵਿੱਚ ਗੰਦਗੀ ਹੋਣ ’ਤੇ ਬੈਠਣ ਦਾ ਮਨ ਨਹੀਂ ਕਰਦਾ। ਸਫ਼ਾਈ ਹੋਣ ਦੇ ਨਾਲ-ਨਾਲ ਜੇਕਰ ਘਰ ਦੀ ਸਜਾਵਟ ਠੀਕ ਢੰਗ ਨਾਲ ਨਾ ਹੋਈ ਹੋਵੇ ਤਾਂ ਘਰ ਦੇਖਣ ਵਿੱਚ ਵੀ ਚੰਗਾ ਨਹੀਂ ਲਗਦਾ। ਬਹੁਤ ਸਾਰੀਆਂ ਜਨਾਨੀਆਂ ਅਜਿਹੀਆਂ ਹਨ, ਜੋ ਆਪਣੇ ਘਰ ਨੂੰ ਸੋਹਣਾ ਬਣਾਉਣ ਦੇ ਚੱਕਰ ’ਚ ਬਾਜ਼ਾਰ ’ਚੋਂ ਇਨ੍ਹਾਂ ਸਾਮਾਨ ਲੈ ਆਉਂਦੀਆਂ ਹਨ, ਜਿਸ ਨਾਲ ਘਰ ਭਰਿਆ ਹੋਇਆ ਦਿਖਾਈ ਦਿੰਦਾ ਹੈ। ਇਸੇ ਲਈ ਘਰ ਦੀ ਸਜਾਵਟ ਕਰਨ ਮੌਕੇ ਕੁਝ ਖ਼ਾਸ ਗਲਤੀਆਂ 'ਤੇ ਧਿਆਨ ਦੇਣਾ ਬਹੁਤ ਜ਼ਰੂਰੀ ਹੈ, ਜੋ ਅਕਸਰ ਜਨਾਨੀਆਂ ਕਰ ਜਾਂਦੀਆਂ ਹਨ।

1. ਫਰਨੀਚਰ
ਕੁਝ ਜਨਾਨੀਆਂ ਨੂੰ ਆਦਤ ਹੁੰਦੀ ਹੈ ਕਿ ਉਹ ਜਿਹੋ ਜਿਹਾ ਫਰਨੀਚਰ ਦੂਜਿਆਂ ਦੇ ਘਰ ਦੇਖਦੀਆਂ ਹਨ, ਉਸੇ ਤਰ੍ਹਾਂ ਦਾ ਆਪਣੇ ਘਰ ਲਈ ਵੀ ਖਰੀਦਣਾ ਚਾਹੁੰਦੀਆਂ ਹਨ। ਇਹ ਜ਼ਰੂਰੀ ਨਹੀਂ ਕਿ ਜੋ ਚੀਜ਼ ਦੂਜਿਆਂ ਦੇ ਘਰ ਵਿੱਚ ਚੰਗੀ ਲੱਗੇ, ਉਹ ਤੁਹਾਡੇ ਘਰ ਦੀ ਸ਼ੋਭਾ ਨੂੰ ਵੀ ਵਧਾਓ। ਆਪਣੀ ਘਰ ਵਿੱਚ ਥਾਂ ਦੇ ਹਿਸਾਬ ਨਾਲ ਫਰਨੀਚਰ ਦੀ ਚੋਣ ਕਰੋ ਤਾਂ ਕਿ ਘਰ ਭਰਿਆ-ਭਰਿਆ ਦਿਖਾਈ ਨਾ ਦੇਵੇ।

2. ਪਰਦਿਆਂ ਦੇ ਰੰਗ
ਘਰ ਵਿੱਚ ਨਵੇਂ ਪਰਦੇ ਲਗਾਉਣ ਲਈ ਦੀਵਾਰਾਂ ਦੇ ਰੰਗ ਦਾ ਧਿਆਨ ਜ਼ਰੂਰ ਰੱਖੋ, ਕਿਉਂਕਿ ਜੇ ਪਰਦਿਆਂ ਅਤੇ ਪੇਂਟ ਦਾ ਰੰਗ ਇਕ ਦੂਜੇ ਤੋਂ ਵੱਖਰਾ ਹੋਵੇ ਤਾਂ ਘਰ ਦੀ ਸਾਰੀ ਖ਼ੂਬਸੂਰਤੀ ਖ਼ਰਾਬ ਹੋ ਜਾਂਦੀ ਹੈ। ਇਸ ਲਈ ਹਮੇਸ਼ਾ ਪਰਦੇ ਖਰੀਦਦੇ ਸਮੇਂ ਦੀਵਾਰਾਂ ਨਾਲ ਮਿਲਦੇ-ਜੁਲਦੇ ਪਰਦੇ ਹੀ ਖਰੀਦੋ।

3. ਫਾਲਤੂ ਚੀਜ਼ਾਂ
ਜ਼ਿਆਦਾਤਰ ਜਨਾਨੀਆਂ ਬਾਜ਼ਾਰ ਵਿੱਚ ਉਨ੍ਹਾਂ ਚੀਜ਼ਾਂ ਨੂੰ ਵੀ ਖਰੀਦ ਲੈਂਦੀਆਂ ਹਨ, ਜਿਨ੍ਹਾਂ ਦੀ ਘਰ ਵਿੱਚ ਕੋਈ ਵਰਤੋਂ ਨਹੀਂ ਹੁੰਦੀ। ਉਹ ਸਿਰਫ ਸਜਾਵਟ ਲਈ ਹੀ ਉਨ੍ਹਾਂ ਨੂੰ ਘਰ ਲੈ ਆਉਂਦੀਆਂ ਹਨ ਪਰ ਇਨ੍ਹਾਂ ਚੀਜ਼ਾਂ ਨਾਲ ਇਕ ਤਾਂ ਫਾਲਤੂ ਪੈਸੇ ਖ਼ਰਚ ਹੁੰਦੇ ਹਨ ਅਤੇ ਘਰ ਵੀ ਛੋਟਾ ਦਿਖਾਈ ਦਿੰਦਾ ਹੈ।

4. ਸੋਫਾ ਅਤੇ ਕੁਸ਼ਨ
ਟੀ.ਵੀ. ਸੀਰੀਅਲਸ ਵਿੱਚ ਜਿਸ ਤਰ੍ਹਾਂ ਦੇ ਸੋਫੇ ਅਤੇ ਬੈੱਡ 'ਤੇ ਦੀਵਾਰਾਂ ਦੇ ਕੁਸ਼ਨ ਪਏ ਹੁੰਦੇ ਹਨ, ਉਸੇ ਤਰ੍ਹਾਂ ਜਨਾਨੀਆਂ ਵੀ ਆਪਣੇ ਘਰ ਵਿੱਚ ਕੁਸ਼ਨ ਲੈ ਆਉਂਦੀਆਂ ਹਨ ਪਰ ਸੋਫੇ ਅਤੇ ਦੀਵਾਨ 'ਤੇ ਜ਼ਿਆਦਾ ਕੁਸ਼ਨ ਹੋਣ ਨਾਲ ਸਜਾਵਟ ਖਰਾਬ ਹੋ ਜਾਂਦੀ ਹੈ।

5. ਪੁਰਾਣਾ ਸਾਮਾਨ
ਘਰ ਵਿਚ ਕਈ ਪੁਰਾਣੀਆਂ ਚੀਜ਼ਾਂ ਪਈਆਂ ਹੁੰਦੀਆਂ ਹਨ ਜਿਨ੍ਹਾਂ ਨੂੰ ਸੁੱਟਣ ਦਾ ਮਨ ਨਹੀਂ ਕਰਦਾ ਅਤੇ ਔਰਤਾਂ ਉਨ੍ਹਾਂ ਛੱਤ 'ਤੇ ਇਹ ਸੋਚ ਕੇ ਸੰਭਾਲ ਕੇ ਰੱਖ ਦਿੰਦੀਆਂ ਹਨ ਕਿ ਕਦੀ ਤਾਂ ਇਸ ਦੀ ਵਰਤੋਂ ਹੋਵੇਗੀ, ਜਦੋਂ ਵੀ ਪੁਰਾਣੀਆਂ ਚੀਜ਼ਾਂ ਦਾ ਇਸਤੇਮਾਲ ਕੀਤਾ ਨੂੰ ਸਾਲ ਹੋ ਜਾਵੇ ਤਾਂ ਉਨ੍ਹਾਂ ਨੂੰ ਘਰ ਤੋਂ ਬਾਹਰ ਕੱਢ ਦੇਣਾ ਚਾਹੀਦਾ ਹੈ