ਈ-ਰਿਕਸ਼ਾ ਚਾਲਕਾਂ ਨੇ ਕੱਢਿਆ ਰੋਡ ਸ਼ੋਅ

 ਮੋਗਾ,   (ਗੋਪੀ ਰਾਊਕੇ)-  ਇੰਟਕ ਲਾਲ ਸਬੰਧਤ ਰਿਕਸ਼ਾ ਮਜ਼ਦੂਰ ਸੰਘ ਦੀ ਈ-ਰਿਕਸ਼ਾ ਵਿੰਗ ਦੇ ਈ-ਰਿਕਸ਼ਾ ਚਾਲਕਾਂ ਨੇ ਅੱਜ ਇਥੇ ਈ-ਰਿਕਸ਼ਾ ਸਮੇਤ ਪ੍ਰਧਾਨ ਜਸਵੰਤ ਸਿੰਘ ਜੱਸਾ ਦੀ ਪ੍ਰਧਾਨਗੀ ਹੇਠ ਇਕ ਵਿਸ਼ਾਲ ਈ-ਰਿਕਸ਼ਾ ਰੋਡ ਸ਼ੋਅ ਕੱਢਿਆ। ਇਸ ਰੋਡ ਸ਼ੋਅ ਨੂੰ ਡੀ. ਐੱਮ. ਕਾਲਜ ਦੀ ਬਾਹਰਲੀ ਗਰਾਂਉਡ ਨੇਡ਼ਿਉ  ਜ਼ਿਲਾ ਇੰਟਕ ਪ੍ਰਧਾਨ ਵਿਜੈ ਧੀਰ ਐਡਵੋਕੇਟ ਨੇ ਰਸਮੀ ਤੌਰ ’ਤੇ ਝੰਡੀ ਵਿਖਾਕੇ ਰਵਾਨਾ ਕੀਤਾ। ਇਹ ਰੋਡ ਸ਼ੋਅ ਗੀਤਾ ਭਵਨ ਅੱਗੋਂ ਹੁੰਦਾ ਹੋਇਆ, ਸਟੇਡੀਅਮ ਰੋਡ ਤੋਂ ਆਰੀਆ ਸਕੂਲ ਰੋਡ, ਪੁਰਾਣੀ ਸਿਟੀ ਪੁਲਸ ਰੋਡ ਤੋਂ ਮੇਨ ਬਾਜ਼ਾਰ  ’ਚੋਂ ਦੀ ਹੁੰਦਾ ਹੋਇਆ ਰਿਕਸ਼ਾ ਮਜ਼ਦੂਰ ਸੰਘ ਦੇ ਦਫਤਰ ਨੇਡ਼ੇ ਥਾਣਾ ਸਿਟੀ ਵਨ ’ਤੇ ਸਮਾਪਤ ਹੋ ਗਿਆ।
 ਰੋਡ ਸ਼ੋਅ ਨੂੰ ਰਵਾਨਾ ਕਰਨ ਮੌਕੇ  ਜ਼ਿਲਾ ਇੰਟਕ ਪ੍ਰਧਾਨ ਵਿਜੈ ਧੀਰ ਅੈਡਵੋਕੇਟ ਨੇ ਕਿਹਾ ਕਿ ਮੋਗਾ  ’ਚ ਈ-ਰਿਕਸ਼ਾ ਦਾ ਪ੍ਰਚਲਣ  ਜ਼ਿਲਾ ਪ੍ਰਸ਼ਾਸਨ ਦੀ ਪ੍ਰੇਰਣਾ ਨਾਲ ਹੋਇਆ ਹੈ। ਇਹ ਈ-ਰਿਕਸ਼ਾ ਧੂੰਆਂ, ਪ੍ਰਦੂਸ਼ਣ ਅਤੇ ਅਾਵਾਜ਼ (ਸ਼ੋਰ) ਰਹਿਤ ਹਨ ਅਤੇ ਸਵਾਰੀਆਂ ਲਈ ਅਰਾਮਦਾਇਕ ਹਨ। ਧੀਰ ਨੇ ਦੱਸਿਆ ਕਿ ਈ-ਰਿਕਸ਼ਾ ਦਾ ਇਹ ਰੋਡ ਸ਼ੋਅ ਸ਼ਹਿਰ ਵਾਸੀਆਂ ਲਈ ਆਕਰਸ਼ਨ ਦਾ ਕੇਂਦਰ ਬਣਿਆ ਰਿਹਾ। 
ਇਸ ਮੌਕੇ ਪ੍ਰਦੇਸ਼ ਇੰਟਕ ਜਨਰਲ ਸਕੱਤਰ ਦਵਿੰਦਰ ਸਿੰਘ ਜੋਡ਼ਾ, ਪ੍ਰਦੇਸ਼ ਕਾਂਗਰਸ ਸਕੱਤਰ ਅਸ਼ੋਕ ਕਾਲੀਆ ਪ੍ਰਾਈਵੇਟ ਸਕੂਲਜ ਕਾਲਜ ਇੰਪਲਾਇਜ਼ ਯੂਨੀਅਨ ਪ੍ਰਧਾਨ ਪ੍ਰਵੀਨ ਸ਼ਰਮਾ, ਨੈਸਲੇ ਠੇਕੇਦਾਰ ਲੇਬਰ ਯੂਨੀਅਨ ਪ੍ਰਧਾਨ ਨਰਿੰਦਰ ਸਿੰਘ ਬਲਖੰਡੀ, ਗੁਰਮੀਤ ਸਿੰਘ ਘੱਲਕਲਾਂ, ਅਰੁਣ ਬੋਹਤ ਰਿੰਕੂ, ਰੁਪਿੰਦਰ ਸਿੰਘ ਕਾਲਾ, ਕੁਲਵੀਰ ਸਿੰਘ, ਸੋਨੂੰ, ਰਾਜਵਿੰਦਰ ਸਿੰਘ ਲਵਲੀ, ਮਾਲਵਾ ਰੇਹਡ਼ੀ ਵਰਕਰਜ਼ ਯੂਨੀਅਨ ਪ੍ਰਧਾਨ ਰਾਜੀਵ ਭੋਲਾ, ਟਰੱਕ ਡਰਾਇਵਰ ਕੰਡਕਟਰ ਯੂਨੀਅਨ ਪ੍ਰਧਾਨ ਪ੍ਰੀਤਮ ਸਿੰਘ ਬਿੱਲੂ, ਜਨਤਾ ਆਟੋ ਯੂਨੀਅਨ ਪ੍ਰਧਾਨ ਨਗਿੰਦਰ ਸਿੰਘ ਰਾਜਪੂਤ, ਖੱਤਰੀ ਸਭਾ ਸੀਨੀਅਰ ਮੀਤ ਪ੍ਰਧਾਨ ਰਮੇਸ਼ ਵੋਹਰਾ, ਮੁੱਖ ਬੁਲਾਰਾ ਐੱਮ. ਐੱਲ. ਮੇਲਡ਼ੀ, ਵਿੱਤ ਸਕੱਤਰ ਭਜਨ ਪ੍ਰਕਾਸ਼ ਵਰਮਾ, ਸਲਾਹਕਾਰ ਰਾਜਿੰਦਰ ਗਾਂਧੀ, ਰਿਕਸ਼ਾ ਮਜ਼ਦੂਰ ਸੰਘ ਮੀਤ ਪ੍ਰਧਾਨ ਚਮਕੌਰ ਸਿੰਘ, ਜਲਰਲ ਸਕੱਤਰ ਰਮੇਸ਼ ਸਿੰਘ, ਸਕੱਤਰ ਮੇਜਰ ਸਿੰਘ ਲੰਡੇਕੇ, ਜਸਵਿੰਦਰ ਸਿੰਘ ਡੱਡ ਅਤੇ ਗੁਰਚਰਨ ਸਿੰਘ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ ।
 19 ਮੋਗਾ