ਇਕ ਤੋਂ ਜ਼ਿਆਦਾ ਘਰਾਂ ਦੇ ਮਾਲਕ ਹੋਣ 'ਤੇ ਕਿਵੇਂ ਪਾਈਐ ਟੈਕਸ ਤੋਂ ਛੋਟ

06/05/2019 1:13:41 PM

ਨਵੀਂ ਦਿੱਲੀ — ਹਰ ਵਿਅਕਤੀ ਦੇ ਮਨ 'ਚ ਇਹ ਸਵਾਲ ਹੁੰਦਾ ਹੈ ਕਿ ਉਹ ਸਰਕਾਰੀ ਤੌਰ 'ਤੇ ਕਿੰਨੇ ਘਰ ਖਰੀਦ ਸਕਦਾ ਹੈ। ਟੈਕਸ ਨਿਯਮਾਂ ਦੇ ਲਿਹਾਜ਼ ਨਾਲ ਦੇਖਿਆ ਜਾਵੇ ਤਾਂ ਇਸ ਵਿਚ ਕੋਈ ਰੁਕਾਵਟ ਨਹੀਂ ਹੈ ਅਤੇ ਤੁਸੀਂ ਜਿੰਨੇ ਮਰਜ਼ੀ ਘਰ ਖਰੀਦ ਸਕਦੇ ਹੋ। ਜੇਕਰ ਤੁਹਾਡੇ ਕੋਲ ਇਕ ਤੋਂ ਜ਼ਿਆਦਾ ਘਰ ਹਨ ਤਾਂ ਪੜ੍ਹੋ ਇਹ ਖਬਰ।

ਪੂੰਜੀ ਲਾਭ ਵਿਚ ਛੋਟ

ਭਾਰਤ ਵਿਚ ਟੈਕਸ ਕਾਨੂੰਨ ਦੇ ਹਿਸਾਬ ਨਾਲ ਜੇਕਰ ਤੁਸੀਂ ਕੋਈ ਘਰ ਬਣਵਾ ਰਹੇ ਹੋ ਤਾਂ ਤੁਸੀਂ ਉਸ 'ਤੇ ਲਾਂਗ ਟਰਮ ਕੈਪੀਟਲ ਗੇਨਜ਼(LTCG) ਦੇ ਤਹਿਤ ਛੋਟ ਦਾ ਦਾਅਵਾ ਕਰ ਸਕਦੇ ਹੋ। ਰਿਹਾਇਸ਼ੀ ਮਕਾਨਾਂ 'ਚ ਨਿਵੇਸ਼ ਦੀ ਛੋਟ ਦਾ ਦਾਅਵਾ ਦੋ ਕੈਟੇਗਰੀ ਵਿਚ ਕੀਤਾ ਜਾ ਸਕਦਾ ਹੈ। ਪਹਿਲੀ ਛੋਟ ਰਿਹਾਇਸ਼ੀ ਘਰ ਦੀ ਵਿਕਰੀ 'ਤੇ LTCG ਲਈ ਧਾਰਾ 54 ਦੇ ਤਹਿਤ ਉਪਲੱਬਧ ਹੈ ਅਤੇ ਦੂਜੀ ਛੋਟ ਰਿਹਾਇਸ਼ੀ ਘਰ ਦੇ ਇਲਾਵਾ ਕਿਸੇ ਵੀ ਜਾਇਦਾਦ ਦੀ ਵਿਕਰੀ 'ਤੇ LTCG ਦੇ ਸੰਬੰਧ 'ਚ ਧਾਰਾ 54ਐੱਫ ਦੇ ਤਹਿਤ ਉਪਲੱਬਧ ਹੈ। ਧਾਰਾ 54ਐੱਫ ਦੇ ਤਹਿਤ ਪੂੰਜੀਗਤ ਲਾਭ 'ਚ ਛੋਟ ਕਿਸੇ ਵੀ ਭੂਮੀ, ਵਣਜ ਜਾਇਦਾਦ ਜਾਂ ਕੰਪਨੀਆਂ ਦੇ ਸ਼ੇਅਰ ਦੇ ਸੰਬੰਧ ਵਿਚ ਹੋ ਸਕਦੀ ਹੈ, ਜਿਹੜੀ ਕਿ ਸੂਚੀਬੱਧ ਅਤੇ ਸੂਚੀਬੱਧ ਰਹਿਤ ਹੋ ਸਕਦੀ ਹੈ।

ਸੈਕਸ਼ਨ 54ਐੱਫ ਦੇ ਤਹਿਤ ਛੋਟ ਦਾ ਦਾਅਵਾ ਕਰਨ ਲਈ ਤੁਹਾਡੇ ਸੰਤੁਸ਼ਟ ਹੋਣ ਦੀ ਸ਼ਰਤ ਵਿਚੋਂ ਇਕ ਇਹ ਹੈ ਕਿ ਤੁਸੀਂ ਉਸ ਨਿਵੇਸ਼ ਦੇ ਇਲਾਵਾ ਇਕ ਘਰ ਤੋਂ ਜ਼ਿਆਦਾ ਦੇ ਮਾਲਕ ਨਾ ਹੋਵੋ। ਇਸ ਲਈ ਜੇਕਰ ਤੁਹਾਡੇ ਕੋਲ ਪਹਿਲਾਂ ਤੋਂ ਹੀ ਜਾਇਦਾਦ ਦੀ ਵਿਕਰੀ ਦੀ ਤਾਰੀਖ 'ਤੇ ਦੋ ਘਰ ਹਨ ਤਾਂ ਤੁਸੀਂ ਇਸ ਛੋਟ ਦਾ ਦਾਅਵਾ ਕਰਨ ਲਈ ਅਯੋਗ ਹੋ। ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਕਿਸੇ ਰਿਹਾਇਸ਼ੀ ਮਕਾਨ ਦੀ ਵਿਕਰੀ ਤੋਂ ਪੂੰਜੀਗਤ ਲਾਭ ਪੈਦਾ ਹੋਣ ਦੀ ਸਥਿਤੀ 'ਚ ਧਾਰਾ 54 ਦੇ ਤਹਿਤ ਘਰਾਂ ਦੀ ਆਪਣੀ ਕੋਈ ਪਹਿਲਾਂ ਸ਼ਰਤ ਨਿਰਧਾਰਤ ਨਹੀਂ ਹੈ ਅਤੇ ਤੁਸੀਂ ਦੂਜੇ ਘਰ ਵਿਚ ਨਿਵੇਸ਼ ਕਰਕੇ ਛੋਟ ਦਾ ਦਾਅਵਾ ਕਰਨਾ ਚਾਹੁੰਦੇ ਹੋ।

ਪ੍ਰਿੰਸੀਪਲ ਰੀਪੇਮੈਂਟ 'ਤੇ ਛੋਟ

ਤੁਸੀਂ ਧਾਰਾ 80ਸੀ ਦੇ ਤਹਿਤ 1.50 ਲੱਖ ਰੁਪਏ ਤੱਕ ਦੀ ਰਾਸ਼ੀ, ਬੈਂਕ, ਹਾਊੁਸਿੰਗ, ਫਾਇਨਾਂਸ ਕੰਪਨੀਆਂ, ਕੇਂਦਰ ਸਰਕਾਰ, ਸੂਬਾ ਸਰਕਾਰ ਆਦਿ ਸੰਸਥਾਵਾਂ ਤੋਂ ਰਿਹਾਇਸ਼ ਲਈ ਹਾਸਲ ਕੀਤੇ ਗਏ  ਲੋਨ ਦੇ ਪ੍ਰਿੰਸੀਪਲ ਰੀਪੇਮੈਂਟ ਲਈ ਕਟੌਤੀ ਦਾ ਦਾਅਵਾ ਕਰ ਸਕਦੇ ਹੋ। ਇਹ ਹੋਰ ਯੋਗ ਵਸਤਾਂ ਜਿਵੇਂ ਇੰਪਲਾਈਜ਼ ਪ੍ਰੋਵੀਡੈਂਟ ਫੰਡ, ਪਬਲਿਕ ਪ੍ਰੋਵੀਡੈਂਟ ਫੰਡ, ਇਕੁਇਟੀ ਲਿੰਕਡ ਸੇਵਿੰਗਜ਼ ਸਕੀਮ, ਕੌਮੀ ਬੱਚਤ ਸਰਟੀਫਿਕੇਟ, ਟਿਊਸ਼ਨ ਫੀਸ ਆਦਿ ਵਰਗੀਆਂ ਸੰਗਠਿਤ ਸੀਮਾਵਾਂ ਹਨ।


Related News