FD ਨੂੰ ਭੁੱਲ ਜਾਓ! ਇਨ੍ਹਾਂ ਸਕੀਮਾਂ ''ਚ ਮਿਲ ਰਿਹੈ 10 ਫੀਸਦੀ ਤੋਂ ਵੱਧ ਦਾ ਲਾਭ

ਨਵੀਂ ਦਿੱਲੀ — ਕੋਰੋਨਾਵਾਇਰਸ ਸੰਕਟ ਵਿਚਕਾਰ ਨੈਸ਼ਨਲ ਪੈਨਸ਼ਨ ਸਿਸਟਮ (ਐਨ.ਪੀ.ਐਸ.) ਦੇ ਨਿਵੇਸ਼ਕਾਂ ਲਈ ਖੁਸ਼ਖਬਰੀ ਹੈ। ਦਰਅਸਲ ਸਰਕਾਰੀ ਬਾਂਡ ਫੰਡਾਂ ਨਾਲ ਸਬੰਧਤ ਸਾਰੀਆਂ ਐਨ.ਪੀ.ਐਸ. ਪ੍ਰਬੰਧਕਾਂ ਦੀਆਂ ਯੋਜਨਾਵਾਂ ਵਧੀਆ ਪ੍ਰਦਰਸ਼ਨ ਕਰ ਗਈਆਂ ਹਨ। ਇਥੋਂ ਤਕ ਕਿ ਇਨ੍ਹਾਂ ਯੋਜਨਾਵਾਂ ਨੇ ਲੰਬੇ ਸਮੇਂ ਲਈ ਨਿਵੇਸ਼ਕਾਂ ਨੂੰ ਦੋਹਰੇ ਅੰਕ 'ਚ ਮੁਨਾਫ਼ਾ ਦਿੱਤਾ ਹੈ। ਇਨ੍ਹਾਂ ਜੀ-ਐਸਈਸੀ ਫੰਡਾਂ ਨੇ ਕਲੀਅਰਿੰਗ ਕਾਰਪੋਰੇਸ਼ਨ ਆਫ ਇੰਡੀਆ ਲਿਮਟਿਡ (ਸੀ.ਸੀ.ਆਈ.ਐਲ.) ਦੇ ਬੈਂਚਮਾਰਕ ਰੇਟਾਂ ਦੇ ਆਲ ਸਾਰਵੇਨ ਬਾਂਡ-ਟੋਟਲ ਰਿਟਰਨ ਇੰਡੈਕਸ ਨੂੰ ਤਿੰਨ ਸਾਲਾਂ ਵਿਚ ਪਾਰ ਕਰ ਦਿੱਤਾ ਹੈ।

ਸਭ ਤੋਂ ਘੱਟ ਰਿਟਰਨ ਦੇਣ ਵਾਲੇ ਪੈਨਸ਼ਨ ਫੰਡਾਂ ਦਾ ਰਿਟਰਨ ਵੀ ਬੈਂਚਮਾਰਕ ਦਰ ਨਾਲੋਂ ਵੱਧ 

ਪਿਛਲੇ ਤਿੰਨ ਸਾਲਾਂ ਵਿਚ ਸੁਸਤ ਪ੍ਰਦਰਸ਼ਨ ਕਰਨ ਵਾਲੀ ਯੂ.ਟੀ.ਆਈ. ਰਿਟਾਇਰਮੈਂਟ ਸਲਿਊਸ਼ਨਜ਼ ਸਕੀਮ-ਜੀ (ਯ.ੂਟੀ.ਆਈ. ਰਿਟਾਇਰਮੈਂਟ ਸਲਿਊਸ਼ਨਜ਼ ਸਕੀਮ ਜੀ) ਨੇ ਵੀ 8.95 ਫੀਸਦੀ ਦਾ ਰਿਟਰਨ ਦਿੱਤਾ ਹੈ, ਜੋ ਕਿ ਬੈਂਚਮਾਰਕ ਰੇਟ ਤੋਂ 8.83 ਪ੍ਰਤੀਸ਼ਤ ਤੋਂ ਥੋੜ੍ਹਾ ਜ਼ਿਆਦਾ ਹੀ ਹੈ। ਮਾਰਕੀਟ ਵਿਚ ਮੌਜੂਦ ਸੱਤ ਪੈਨਸ਼ਨ ਫੰਡ ਮੈਨੇਜਰਸ ਨੇ ਤਿੰਨ ਸਾਲਾਂ ਦੀ ਮਿਆਦ ਵਿਚ 8.95 ਪ੍ਰਤੀਸ਼ਤ ਤੋਂ 10.32 ਪ੍ਰਤੀਸ਼ਤ ਦਾ ਸ਼ਾਨਦਾਰ ਮੁਨਾਫਾ ਦਿੱਤਾ ਹੈ। ਇਨ੍ਹਾਂ ਵਿੱਚੋਂ ਐਲ.ਆਈ.ਸੀ. ਪੈਨਸ਼ਨ ਫੰਡ ਨੇ ਨਿਵੇਸ਼ਕਾਂ ਨੂੰ 10.32 ਪ੍ਰਤੀਸ਼ਤ ਦਾ ਸਭ ਤੋਂ ਵੱਧ ਦੋਹਰਾ-ਰਿਟਰਨ ਦਿੱਤਾ ਹੈ। ਫੰਡ ਨੇ ਵੀ ਪੰਜ ਸਾਲਾਂ ਦੇ ਲੰਬੇ ਅਰਸੇ ਵਿਚ ਆਪਣੇ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਨੂੰ ਬਣਾਈ ਰੱਖਿਆ ਹੈ।

ਇਹ ਵੀ ਪੜ੍ਹੋ- ਈਸ਼ਾ ਅਤੇ ਆਕਾਸ਼ ਅੰਬਾਨੀ ਫਾਰਚਿਊਨ ‘40 ਅੰਡਰ 40’ ਦੀ ਸੂਚੀ ’ਚ ਸ਼ਾਮਲ

ਯੂ.ਟੀ.ਆਈ. ਨੂੰ ਛੱਡ ਕੇ ਸਾਰੇ ਫੰਡ ਨੇ ਦਿੱਤੇ ਦੋਹਰੇ ਅੰਕ ਦੇ ਰਿਟਰਨ

ਐਲਆਈਸੀ ਪੈਨਸ਼ਨ ਫੰਡ ਨੇ ਪੰਜ ਸਾਲਾਂ ਦੇ ਲੰਬੇ ਸਮੇਂ ਵਿਚ ਨਿਵੇਸ਼ਕਾਂ ਨੂੰ 11.21 ਪ੍ਰਤੀਸ਼ਤ ਦਾ ਸ਼ਾਨਦਾਰ ਰਿਟਰਨ ਦਿੱਤਾ ਹੈ, ਜੋ ਸਰਕਾਰੀ ਬਾਂਡ ਫੰਡਾਂ ਨਾਲ ਸਬੰਧਤ ਸਾਰੀਆਂ ਯੋਜਨਾਵਾਂ ਵਿਚ ਸਭ ਤੋਂ ਵੱਧ ਹੈ। ਵੈਲਯੂ ਰਿਸਰਚ ਦੇ ਅਨੁਸਾਰ ਯੂਟੀਆਈ ਰਿਟਾਇਰਮੈਂਟ ਸਲਿਊਸ਼ਨ ਸਕੀਮ-ਜੀ ਨੂੰ ਛੱਡ ਕੇ ਸਾਰੇ ਐਨ.ਪੀ.ਐਸ. ਸਰਕਾਰੀ ਸੁਰੱਖਿਆ ਫੰਡਾਂ (ਜੀ-ਸੈਕੰਡ ਫੰਡਜ਼) ਨੇ ਪੰਜ ਸਾਲਾਂ ਦੀ ਮਿਆਦ ਵਿਚ ਹਰ ਸਾਲ ਦੋਹਰੇ ਅੰਕ ਦਾ ਰਿਟਰਨ ਦਿੱਤਾ ਹੈ। ਬਾਕੀ ਚਾਰ ਪੈਨਸ਼ਨ ਫੰਡ ਪ੍ਰਬੰਧਕਾਂ ਨੇ ਪੰਜ ਸਾਲਾਂ ਵਾਂਚ ਨਿਵੇਸ਼ਕਾਂ ਨੂੰ 10.31 ਪ੍ਰਤੀਸ਼ਤ ਤੋਂ 10.31 ਪ੍ਰਤੀਸ਼ਤ ਦਾ ਸਾਲਾਨਾ ਮੁਨਾਫਾ ਦਿੱਤਾ ਹੈ। ਇਨ੍ਹਾਂ ਸਾਰੇ ਫੰਡਾਂ ਨੇ ਕਲੀਅਰਿੰਗ ਕਾਰਪੋਰੇਸ਼ਨ ਆਫ ਇੰਡੀਆ ਲਿਮਟਿਡ ਦੇ ਆਲ ਸਾਰਵੇਨ ਬਾਂਡ-ਕੁੱਲ ਰਿਟਰਨ ਇੰਡੈਕਸ ਨੂੰ ਪੰਜ ਸਾਲਾਂ ਦੇ ਅਰਸੇ ਵਿਚ ਪਛਾੜ ਦਿੱਤਾ ਹੈ।

ਇਹ ਵੀ ਪੜ੍ਹੋ- FSSAI ਦਾ ਵੱਡਾ ਫ਼ੈਸਲਾ! ਸਕੂਲ ਕੰਟੀਨ ਦੇ ਭੋਜਨ ਪਦਾਰਥਾਂ ਸਣੇ ਮਿਡ ਡੇ ਮੀਲ ਲਈ ਲਾਗੂ ਹੋਣਗੇ ਇਹ ਨਿਯਮ