PPF ਜਮ੍ਹਾ ''ਤੇ ਬਦਲ ਗਏ ਹਨ ਇਹ ਨਿਯਮ, ਤੁਹਾਡਾ ਜਾਣਨਾ ਹੈ ਜ਼ਰੂਰੀ
02/25/2020 11:41:41 AM
ਨਵੀਂ ਦਿੱਲੀ—ਪਿਛਲੇ ਸਾਲ ਦਸੰਬਰ 'ਚ ਸਰਕਾਰ ਨੇ ਛੋਟੀ ਬਚਤ ਜਮ੍ਹਾ ਦੇ ਤਰੀਕੇ 'ਚ ਕੁਝ ਬਦਲਾਅ ਕੀਤੇ ਹਨ। ਇਸ ਬਦਲਾਅ ਦੇ ਪੜ੍ਹਾਅ 'ਚ ਪੀ.ਪੀ.ਐੱਫ. ਯੋਜਨਾ ਦੇ ਨਿਯਮਾਂ 'ਚ ਕੁਝ ਪ੍ਰਕਿਰਿਆਤਮਕ ਬਦਲਾਅ ਕੀਤੇ ਗਏ ਸਨ। ਅਸੀਂ ਇਸ ਖਬਰ 'ਚ ਅਜਿਹੇ ਪੰਜ ਬਦਲਾਅ ਦੇ ਬਾਰੇ 'ਚ ਜਾਣਕਾਰੀ ਦੇ ਰਹੇ ਹਾਂ ਜੋ ਤੁਹਾਡੇ ਲਈ ਵੀ ਜਾਣਨੇ ਜ਼ਰੂਰੀ।
ਪੀ.ਪੀ.ਐੱਫ.ਯੋਗਦਾਨ
ਪੀ.ਪੀ.ਐੱਫ. ਖਾਤੇ 'ਚ ਕੀਤੇ ਜਾ ਸਕਣ ਵਾਲਾ ਘੱਟੋ-ਘੱਟ ਅਤੇ ਜ਼ਿਆਦਾਤਰ ਯੋਗਦਾਨ ਬਿਨ੍ਹਾਂ ਕਿਸੇ ਬਦਲਾਅ ਦੇ ਹੈ, ਪਰ ਪੀ.ਪੀ.ਐੱਫ. ਖਾਤਾ ਖੋਲ੍ਹਣ ਲਈ ਜ਼ਰੂਰੀ ਨਿਊਨਤਮ ਰਾਸ਼ੀ ਨੂੰ ਇਕ ਵਿੱਤੀ ਸਾਲ 'ਚ ਕੀਤੇ ਜਾਣ ਵਾਲੇ ਯੋਗਦਾਨ ਦੀ ਗਿਣਤੀ ਦੇ ਨਾਲ ਬਦਲ ਦਿੱਤਾ ਗਿਆ ਹੈ। ਯੋਗਦਾਨ ਰਾਸ਼ੀ 50 ਰੁਪਏ ਦੇ ਗੁਣਕਾਂ 'ਚ ਹੋਣੀ ਚਾਹੀਦੀ ਅਤੇ 500 ਰੁਪਏ ਜਾਂ ਇਸ ਤੋਂ ਜ਼ਿਆਦਾ ਦੇ ਬਰਾਬਰ ਹੋਣੀ ਚਾਹੀਦੀ, ਪਰ 1.5 ਲੱਖ ਰੁਪਏ ਤੋਂ ਜ਼ਿਆਦਾ ਨਹੀਂ ਹੋਣੀ ਚਾਹੀਦੀ। ਇਸ ਦੇ ਇਲਾਵਾ ਇਕ ਮਹੀਨੇ 'ਚ ਪੀ.ਪੀ.ਐੱਫ. ਖਾਤੇ 'ਚ ਇਕ ਤੋਂ ਜ਼ਿਆਦਾ ਯੋਗਦਾਨ ਕੀਤਾ ਜਾ ਸਕਦਾ ਹੈ।
ਨਵਾਂ ਫਾਰਮ
ਪੀ.ਪੀ.ਐੱਫ.ਖਾਤਾ ਖੋਲ੍ਹਣ ਲਈ, ਹੁਣ ਤੁਹਾਨੂੰ ਫਾਰਮ ਏ ਦੀ ਬਜਾਏ ਫਾਰਮ1 ਜਮ੍ਹਾ ਕਰਨਾ ਹੋਵੇਗਾ, ਜੋ ਪਹਿਲਾਂ ਵਰਤੋਂ ਕੀਤਾ ਗਿਆ ਸੀ। ਪੀ.ਪੀ.ਐੱਫ. ਖਾਤੇ (ਜਮ੍ਹਾ ਦੇ ਨਾਲ) ਦੇ ਵਿਸਤਾਰ ਲਈ 15 ਸਾਲ ਦੇ ਬਾਅਦ ਫਾਰਮ ਐੱਚ ਦੀ ਬਜਾਏ ਫਾਰਮਾ4 'ਚ ਮੈਚਿਓਰਿਟੀ ਨਾਲ ਇਕ ਸਾਲ ਪਹਿਲਾਂ ਇਕ ਅਰਜ਼ੀ ਡਮ੍ਹਾ ਕਰਨੀ ਹੁੰਦੀ ਹੈ, ਜੋ ਪਹਿਲਾਂ ਵਰਤੋਂ ਕੀਤੀ ਗਈ ਸੀ।
ਬਿਨ੍ਹਾਂ ਜਮ੍ਹਾ ਰਾਸ਼ੀ ਦੇ ਪੀ.ਪੀ.ਐੱਫ. ਖਾਤਾ ਵਿਸਤਾਰ
ਜੇਕਰ ਤੁਸੀਂ ਬਿਨ੍ਹਾਂ ਕਿਸੇ ਹੋਰ ਯੋਗਦਾਨ ਦੇ 15 ਸਾਲ ਦੀ ਮੈਚਿਓਰਿਟੀ ਮਿਆਦ ਦੇ ਬਾਅਦ ਆਪਣੇ ਪੀ.ਪੀ.ਐੱਫ. ਖਾਤੇ ਦਾ ਵਿਸਤਾਰ ਕਰਨ ਦਾ ਵਿਕਲਪ ਚੁਣ ਰਹੇ ਹੋ ਤਾਂ ਤੁਸੀਂ ਹਰੇਕ ਵਿੱਤੀ ਸਾਲ 'ਚ ਇਕ ਵਾਰ ਨਿਕਾਸੀ ਕਰ ਸਕਦੇ ਹੋ।
ਪੀ.ਪੀ.ਐੱਫ. ਕਰਜ਼ 'ਤੇ ਵਿਆਜ਼ ਦਰ
ਪੀ.ਪੀ.ਐੱਫ. ਬੈਲੇਂਸ ਦੇ ਬਦਲੇ ਕੀਤੇ ਗਏ ਕਰਜ਼ 'ਤੇ ਵਿਆਜ਼ ਦਰ 2 ਫੀਸਦੀ ਘਟਾ ਕੇ 1 ਫੀਸਦੀ ਕਰ ਦਿੱਤੀ ਗਈ ਹੈ। ਇਸ ਵਾਰ ਜਦੋਂ ਤੁਸੀਂ ਕਰਜ਼ ਦੀ ਮੂਲ ਰਾਸ਼ੀ ਦਾ ਭੁਗਤਾਨ ਕਰ ਦਿੰਦੇ ਹੋ ਤਾਂ ਤੁਹਾਨੂੰ ਦੋ ਤੋਂ ਜ਼ਿਆਦਾ ਕਿਸ਼ਤਾਂ 'ਚ ਕਰਜ਼ ਦਾ ਵਿਆਜ਼ ਚੁਕਾਉਣਾ ਹੋਵੇਗਾ। ਵਿਆਜ਼ ਦੀ ਗਣਨਾ ਮਹੀਨੇ ਦੇ ਪਹਿਲੇ ਦਿਨ ਤੋਂ ਹੀ ਕੀਤੀ ਜਾਵੇਗੀ ਜਿਸ 'ਚ ਤੁਸੀਂ ਉਸ ਮਹੀਨੇ ਦੇ ਅੰਤਿਮ ਦਿਨ ਤੱਕ ਲੋਨ ਲੈਂਦੇ ਹੋ, ਜਿਸ 'ਚ ਲੋਨ ਮੂਲਧਨ ਦੀ ਆਖਿਰੀ ਕਿਸ਼ਤ ਚੁਕਾਈ ਜਾਂਦੀ ਹੈ।
ਲੋਨ ਅਮਾਊਂਟ
ਜਿਸ ਸਾਲ ਕਰਜ਼ ਲਾਗੂ ਕੀਤਾ ਜਾ ਰਿਹਾ ਹੈ ਉਸ ਤੋਂ ਦੋ ਸਾਲ ਪਹਿਲਾਂ ਤੁਸੀਂ ਖਾਤੇ 'ਚ ਉਪਲੱਬਧ ਪੀ.ਪੀ.ਐੱਫ. ਬੈਲੇਂਸ ਦੇ 25 ਫੀਸਦੀ ਤੱਕ ਦਾ ਕਰਜ਼ ਲੈ ਸਕਦੇ ਹੋ।