ਵੁਹਾਨ ਖੋਜਕਰਤਾ ਦਾ ਦਾਅਵਾ: ਚੀਨ ਨੇ ਜਾਣਬੁੱਝ ਕੇ ਦੁਨੀਆ 'ਚ ਫੈਲਾਇਆ ਕੋਰੋਨਾ, 'ਜੈਵਿਕ ਹਥਿਆਰ' ਵਜੋਂ ਵਰਤਿਆ

ਬੀਜਿੰਗ: ਵੁਹਾਨ ਇੰਸਟੀਚਿਊਟ ਆਫ਼ ਵਾਇਰੋਲੋਜੀ ਦੇ ਖੋਜਕਰਤਾ ਚਾਓ ਸ਼ਾਓ ਨੇ ਇੱਕ ਵੱਡਾ ਖੁਲਾਸਾ ਕਰਦੇ ਹੋਏ ਦਾਅਵਾ ਕੀਤਾ ਹੈ ਕਿ ਚੀਨ ਨੇ ਪੂਰੀ ਦੁਨੀਆ ਵਿੱਚ ਜਾਣਬੁੱਝ ਕੇ ਕੋਰੋਨਾ ਵਾਇਰਸ ਫੈਲਾਇਆ ਸੀ। ਇਹ ਪੂਰੀ ਦੁਨੀਆ ਦੇ ਖਿਲਾਫ ਜੈਵਿਕ ਅੱਤਵਾਦ ਦਾ ਹਿੱਸਾ ਸੀ। ਚੀਨ ਨੇ ਕੋਵਿਡ-19 ਨੂੰ ਜੈਵਿਕ ਹਥਿਆਰ ਵਜੋਂ ਵਰਤਿਆ ਤਾਂ ਜੋ ਲੋਕ ਸੰਕਰਮਿਤ ਹੋ ਕੇ ਮੌਤ ਦੇ ਮੂੰਹ ਵਿੱਚ ਜਾ ਸਕਣ। ਇਹ ਚੀਨ ਵੱਲੋਂ ਚਲਾਏ ਜਾ ਰਹੇ ਦੁਨੀਆ ਦੇ ਖਿਲਾਫ ਜੈਵਿਕ ਅੱਤਵਾਦ ਦਾ ਹਿੱਸਾ ਸੀ।

ਇਹ ਵੀ ਪੜ੍ਹੋ: 'ਟਾਇਟੈਨਿਕ' ਵੇਖਣ ਗਈ ਪਣਡੁੱਬੀ ਦਾ ਮਿਲਿਆ ਮਲਬਾ, 'ਮਨੁੱਖੀ ਅਵਸ਼ੇਸ਼' ਵੀ ਬਰਾਮਦ (ਵੇਖੋ ਤਸਵੀਰਾਂ)

ਇੰਟਰਨੈਸ਼ਨਲ ਪ੍ਰੈੱਸ ਐਸੋਸੀਏਸ਼ਨ ਦੀ ਮੈਂਬਰ ਜੈਨੀਫਰ ਜ਼ੇਂਗ ਨੂੰ ਦਿੱਤੇ ਬਿਆਨ 'ਚ ਕਈ ਖੋਜਕਰਤਾਵਾਂ ਨੇ ਚੀਨ ਦੀ ਵਾਇਰਸ ਬਣਾਉਣ ਦੀ ਗਤੀਵਿਧੀ ਦੀ ਪੁਸ਼ਟੀ ਕੀਤੀ ਹੈ। ਚੀਨੀ ਖੋਜਕਰਤਾ ਦਾ ਕਹਿਣਾ ਹੈ ਕਿ ਚੀਨ ਨੇ ਕਥਿਤ ਤੌਰ 'ਤੇ ਕੋਰੋਨਾ ਵਾਇਰਸ ਨੂੰ ਤਿਆਰ ਕਰਕੇ ਇਸ ਨੂੰ ਜੈਵਿਕ ਹਥਿਆਰ ਵਜੋਂ ਵਰਤਣ ਦਾ ਕੰਮ ਕੀਤਾ। ਉਸੇ ਲੈਬ ਦੇ ਇੱਕ ਹੋਰ ਖੋਜਕਰਤਾ ਸ਼ਾਨ ਚਾਓ ਨੇ ਮੰਨਿਆ ਹੈ ਕਿ ਉਨ੍ਹਾਂ ਨੂੰ ਮਨੁੱਖਾਂ ਸਮੇਤ ਵੱਖ-ਵੱਖ ਪ੍ਰਜਾਤੀਆਂ ਵਿੱਚ ਵਾਇਰਸ ਦੀ ਸੰਕਰਮਣਤਾ ਦੀ ਜਾਂਚ ਕਰਦੇ ਹੋਏ ਇੱਕ ਜੈਵ ਹਥਿਆਰ ਦੀ ਤਰ੍ਹਾਂ ਤਿਆਰ ਕਰਨ ਲਈ ਕਿਹਾ ਗਿਆ ਸੀ।

ਇਹ ਵੀ ਪੜ੍ਹੋ: ਭਿਆਨਕ ਟੱਕਰ ਮਗਰੋਂ ਲੀਹੋਂ ਲੱਥੀ ਟਰੇਨ, ਚਕਨਾਚੂਰ ਹੋਇਆ ਟਰੱਕ, ਡੇਢ ਦਰਜਨ ਦੇ ਕਰੀਬ ਯਾਤਰੀ ਜ਼ਖ਼ਮੀ

ਉਨ੍ਹਾਂ ਦਾ ਕਹਿਣਾ ਹੈ ਕਿ ਚੀਨ ਨੇ ਵਾਇਰਸ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਫੈਲਾਉਣ ਲਈ ਚਾਰ ਤਰ੍ਹਾਂ ਦੇ ਵਾਇਰਸ 'ਤੇ ਖੋਜ ਕਰਨ ਲਈ ਕਿਹਾ ਸੀ ਅਤੇ ਇਹ ਫੈਸਲਾ ਕੀਤਾ ਗਿਆ ਸੀ ਕਿ ਜੋ ਸਭ ਤੋਂ ਵੱਧ ਪ੍ਰਭਾਵਸ਼ਾਲੀ ਹੋਵੇਗਾ ਉਸਨੂੰ ਵਾਇਰਸ ਵਜੋਂ ਵਰਤਿਆ ਜਾਵੇਗਾ। ਇਸ ਗੱਲ 'ਤੇ ਵਿਸ਼ੇਸ਼ ਜ਼ੋਰ ਦਿੱਤਾ ਗਿਆ ਕਿ ਇਹ ਵਾਇਰਸ ਮਨੁੱਖਾਂ ਨੂੰ ਕਿੰਨਾ ਬਿਮਾਰ ਕਰ ਸਕਦਾ ਹੈ, ਤਾਂ ਜੋ ਦੁਨੀਆ ਵਿਚ ਕੋਰੋਨਾ ਵਾਇਰਸ ਦਾ ਪ੍ਰਭਾਵ ਲੰਬੇ ਸਮੇਂ ਤੱਕ ਬਣਿਆ ਰਹੇ। ਖੋਜਕਰਤਾ ਚਾਓ ਸ਼ਾਓ ਦੇ ਅਨੁਸਾਰ, ਇਹ ਸ਼ੱਕ ਹੈ ਕਿ ਚੀਨ ਦਾ ਅਸਲ ਉਦੇਸ਼ ਵਾਇਰਸ ਨੂੰ ਦੁਨੀਆ ਵਿੱਚ ਫੈਲਾਉਣਾ ਸੀ, ਕਿਉਂਕਿ ਵਾਇਰੋਲੋਜਿਸਟ ਨੂੰ ਸਿਹਤ ਸਥਿਤੀ ਦੀ ਜਾਂਚ ਕਰਨ ਦੀ ਜ਼ਰੂਰਤ ਨਹੀਂ ਹੁੰਦੀ ਹੈ। ਹਾਲਾਂਕਿ ਇਸ ਮਹਾਂਮਾਰੀ ਨੇ ਪੂਰੀ ਦੁਨੀਆ ਵਿੱਚ 70 ਲੱਖ ਤੋਂ ਵੱਧ ਲੋਕਾਂ ਦੀ ਜਾਨ ਲੈ ਲਈ ਅਤੇ ਅਜੇ ਵੀ ਇਸ ਦੇ ਮੁਕੰਮਲ ਇਲਾਜ ਲਈ ਵਿਗਿਆਨਕ ਦਵਾਈਆਂ ਅਤੇ ਟੀਕਿਆਂ ਦੀ ਖੋਜ ਕੀਤੀ ਜਾ ਰਹੀ ਹੈ।

ਇਹ ਵੀ ਪੜ੍ਹੋ: ਪਾਕਿਸਤਾਨ ਦੀ ਸੂਬਾਈ ਸਰਕਾਰ ਨੇ ਮ੍ਰਿਤਕ ਸਿੱਖ ਕਾਰੋਬਾਰੀ ਦੇ ਪਰਿਵਾਰ ਨੂੰ ਮੁਆਵਜ਼ੇ ਵਜੋਂ ਦਿੱਤੇ 5 ਲੱਖ ਰੁਪਏ