ਕੰਬੋਡੀਆ ਦੀ ਮੇਕਾਂਗ ਨਦੀ 'ਚ ਮਿਲੀ ਦੁਨੀਆ ਦੀ ਸਭ ਤੋਂ ਵੱਡੀ ਤਾਜ਼ੇ ਪਾਣੀ ਦੀ ਮੱਛੀ (ਤਸਵੀਰਾਂ)

06/21/2022 2:31:41 PM

ਬੈਂਕਾਕ (ਏਜੰਸੀ)- ਕੰਬੋਡੀਆ ਦੀ ਮੇਕਾਂਗ ਨਦੀ ''ਚ ਦੁਨੀਆ ਦੀ ਸਭ ਤੋਂ ਵੱਡੀ ਤਾਜ਼ੇ ਪਾਣੀ (ਫਰੈਸ਼ ਵਾਟਰ) ਦੀ ਮੱਛੀ ''ਸਟਿੰਗਰੇ'' ਮਿਲੀ ਹੈ। ਕੰਬੋਡੀਆ ਅਤੇ ਅਮਰੀਕਾ ਦੇ ਵਿਗਿਆਨੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਕੰਬੋਡੀਆ ਅਤੇ ਅਮਰੀਕਾ ਦੇ ਇਕ ਸੰਯੁਕਤ ਖੋਜ ਪ੍ਰੋਜੈਕਟ ''ਵੰਡਰਸ ਆਫ਼ ਦਿ ਮੇਕਾਂਗ'' ਦੁਆਰਾ ਸੋਮਵਾਰ ਨੂੰ ਜਾਰੀ ਕੀਤੇ ਗਏ ਇੱਕ ਬਿਆਨ ਦੇ ਅਨੁਸਾਰ, ​​13 ਜੂਨ ਨੂੰ ਇੱਕ ''ਸਟਿੰਗਰੇ'' ਫੜੀ ਗਈ, ਜੋ ਲਗਭਗ ਚਾਰ ਮੀਟਰ ਲੰਬੀ ਹੈ ਅਤੇ ਉਸ ਦਾ ਭਾਰ 300 ਕਿਲੋਗ੍ਰਾਮ ਤੋਂ ਥੋੜ੍ਹਾ ਘੱਟ ਸੀ।

ਇਹ ਵੀ ਪੜ੍ਹੋ: ਮਾਣ ਵਾਲੀ ਗੱਲ, ਅਮਰੀਕੀ ਏਅਰ ਫੋਰਸ 'ਚ ਭਰਤੀ ਹੋਇਆ ਬੇਗੋਵਾਲ ਦਾ ਨੌਜਵਾਨ

PunjabKesari

ਗਰੁੱਪ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ 2005 ਵਿਚ ਥਾਈਲੈਂਡ ਵਿਚ ਤਾਜ਼ੇ ਪਾਣੀ ਦੀ 293 ਕਿਲੋਗ੍ਰਾਮ 'ਕੈਟਫਿਸ਼' ਫੜੀ ਗਈ ਸੀ। ਬਿਆਨ ਦੇ ਅਨੁਸਾਰ, ਉੱਤਰ-ਪੂਰਬੀ ਕੰਬੋਡੀਆ ਵਿੱਚ ਸਟੰਗ ਟ੍ਰੈਂਗ ਦੇ ਦੱਖਣ ਵਿੱਚ ਇੱਕ ਸਥਾਨਕ ਮਛੇਰੇ ਨੇ 'ਸਟਿੰਗਰੇ' ​​ਨੂੰ ਫੜਿਆ। ਇਸ ਤੋਂ ਬਾਅਦ ਉਸ ਨੇ 'ਵੰਡਰਜ਼ ਆਫ਼ ਦਿ ਮੇਕਾਂਗ' ਪ੍ਰੋਜੈਕਟ ਦੇ ਵਿਗਿਆਨੀਆਂ ਦੀ ਟੀਮ ਨੂੰ ਇਸ ਦੀ ਸੂਚਨਾ ਦਿੱਤੀ। 'ਵੰਡਰਜ਼ ਆਫ਼ ਦਿ ਮੇਕਾਂਗ' ਪ੍ਰੋਜੈਕਟ ਦੇ ਮੁਖੀ ਜੇਬ ਹੋਗਨ ਨੇ ਕਿਹਾ, "ਜਦੋਂ ਤੁਸੀਂ, ਖ਼ਾਸ ਕਰਕੇ ਤਾਜ਼ੇ ਪਾਣੀ ਵਿਚ ਇੰਨੇ ਵੱਡੇ ਆਕਾਰ ਦੀ ਮੱਛੀ ਨੂੰ ਦੇਖਦੇ ਹੋ, ਤਾਂ ਤੁਹਾਨੂੰ ਕੁਝ ਵੀ ਸਮਝ ਨਹੀਂ ਆਉਂਦਾ, ਇਸ ਲਈ ਮੈਂ ਅਤੇ ਮੇਰੀ ਟੀਮ ਕਾਫ਼ੀ ਹੈਰਾਨ ਰਹਿ ਗਏ।" ਤਾਜ਼ੇ ਪਾਣੀ ਦੀਆਂ ਮੱਛੀਆਂ, ਉਨ੍ਹਾਂ ਮੱਛੀਆਂ ਨੂੰ ਕਿਹਾ ਜਾਂਦਾ ਹੈ ਜੋ ਆਪਣਾ ਸਾਰਾ ਜੀਵਨ ਤਾਜ਼ੇ ਪਾਣੀ ਵਿੱਚ ਬਿਤਾਉਂਦੀਆਂ ਹਨ।

ਇਹ ਵੀ ਪੜ੍ਹੋ: ਲਾਪਰਵਾਹੀ ਦੀ ਹੱਦ ! ਪਾਕਿ 'ਚ ਧੜ ਨਾਲੋਂ ਵੱਖ ਕੀਤਾ ਹਿੰਦੂ ਔਰਤ ਦੇ ਨਵਜਨਮੇ ਬੱਚੇ ਦਾ ਸਿਰ, ਫਿਰ ਕੁੱਖ 'ਚ ਹੀ ਛੱਡਿਆ

PunjabKesari

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੂੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।

 


cherry

Content Editor

Related News