ਬ੍ਰਿਟਿਸ਼ ਕੋਲੰਬੀਆ ਦੇ ਇਕ ਰੈਸਟੋਰੈਂਟ ''ਚ ਲੱਗੀ ਅੱਗ, ਸਮੇਂ ''ਤੇ ਹੋਇਆ ਬਚਾਅ

ਵਿਕਟੋਰੀਆ— ਸ਼ੁੱਕਰਵਾਰ ਸਵੇਰੇ 11.45 ਵਜੇ ਕੈਨੇਡਾ ਦੇ ਸੂਬੇ ਬ੍ਰਿਟਿਸ਼ ਕੋਲੰਬੀਆ ਦੇ ਇਕ ਰੈਸਟੋਰੈਂਟ 'ਚ ਅੱਗ ਲੱਗ ਗਈ। ਉੱਥੇ ਲੱਗੇ ਫਾਇਰ ਅਲਾਰਮ ਦੇ ਵੱਜਣ ਨਾਲ ਲੋਕ ਸੁਚੇਤ ਹੋ ਗਏ। ਫਾਇਰ ਫਾਈਟਰਜ਼ ਨੇ ਸਮੇਂ ਸਿਰ ਪੁੱਜ ਕੇ ਅੱਗ 'ਤੇ ਕਾਬੂ ਪਾ ਲਿਆ । ਇਸ ਦੌਰਾਨ ਕਿਸੇ ਦੇ ਵੀ ਜ਼ਖਮੀ ਹੋਣ ਦੀ ਕੋਈ ਖਬਰ ਨਹੀਂ ਮਿਲੀ। ਅਧਿਕਾਰੀਆਂ ਨੇ ਕਿਹਾ ਕਿ ਜਦ ਉਹ ਇਸ ਰੈਸਟੋਰੈਂਟ 'ਚ ਪੁੱਜੇ ਤਾਂ ਇੱਥੇ ਕਿਸੇ ਤਰ੍ਹਾਂ ਦਾ ਕੋਈ ਵੱਡਾ ਨੁਕਸਾਨ ਨਹੀਂ ਹੋਇਆ ਸੀ। ਗੈਸ ਸਟੋਵ ਦੀ ਅੱਗ ਕੰਧ ਤਕ ਫੈਲ ਗਈ ਸੀ ਪਰ ਇਸ ਤੋਂ ਪਹਿਲਾਂ ਕਿ ਵਧੇਰੇ ਨੁਕਸਾਨ ਹੁੰਦਾ ਬਚਾਅ ਹੋ ਗਿਆ। ਉਂਝ ਰੈਸਟੋਰੈਂਟ ਨੂੰ ਕਿੰਨਾ ਕੁ ਨੁਕਸਾਨ ਹੋਇਆ ਹੈ, ਇਸ ਬਾਰੇ ਜਾਣਕਾਰੀ ਨਹੀਂ ਦਿੱਤੀ ਗਈ। ਰੈਸਟੋਰੈਂਟ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਰੈਸਟੋਰੈਂਟ ਦੇ ਉੱਪਰ ਡੇਅ ਕੇਅਰ ਹੈ ਤੇ ਉਨ੍ਹਾਂ ਨੂੰ ਡਰ ਸੀ ਕਿ ਅੱਗ ਫੈਲ ਕੇ ਉੱਪਰ ਤਕ ਨਾ ਪੁੱਜ ਜਾਵੇ ਪਰ ਸ਼ੁਕਰ ਹੈ ਕਿ ਸਮੇਂ 'ਤੇ ਬਚਾਅ ਹੋ ਗਿਆ।