ਫਰਾਂਸ ਤੋਂ 80 ਰਾਫੇਲ ਲੜਾਕੂ ਜਹਾਜ਼ ਖਰੀਦੇਗਾ ਯੂਏਈ
12/03/2021 6:11:43 PM
ਨਾਇਸ (ਭਾਸ਼ਾ): ਫਰਾਂਸ ਦਾ ਕਹਿਣਾ ਹੈ ਕਿ ਸੰਯੁਕਤ ਅਰਬ ਅਮੀਰਾਤ ਨੇ 16 ਅਰਬ ਯੂਰੋ ਦੀ ਲਾਗਤ ਨਾਲ ਫਰਾਂਸ ਦੇ ਬਣੇ 80 ਰਾਫੇਲ ਲੜਾਕੂ ਜਹਾਜ਼ ਖਰੀਦੇ ਹਨ। ਅਮੀਰਾਤ ਦੇ ਅਧਿਕਾਰੀਆਂ ਨੇ ਅਜੇ ਤੱਕ ਸੌਦੇ ਦੀ ਪੁਸ਼ਟੀ ਨਹੀਂ ਕੀਤੀ ਹੈ। ਫਰਾਂਸ ਦੇ ਰੱਖਿਆ ਮੰਤਰਾਲੇ ਨੇ ਇਸ ਨੂੰ ਨਿਰਯਾਤ ਲਈ ਹਥਿਆਰਾਂ ਦਾ ਸਭ ਤੋਂ ਵੱਡਾ ਸੌਦਾ ਦੱਸਿਆ ਹੈ।
ਪੜ੍ਹੋ ਇਹ ਅਹਿਮ ਖਬਰ -ਅਮਰੀਕਾ ਆਉਣ ਵਾਲੇ H-1B ਵੀਜ਼ਾ ਧਾਰਕਾਂ 'ਚ ਗਿਰਾਵਟ, 10 ਸਾਲਾਂ 'ਚ ਸਭ ਤੋਂ ਵੱਧ
ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਖਾੜੀ ਦੇਸ਼ਾਂ ਦੇ ਦੋ ਦਿਨਾਂ ਦੌਰੇ ਦੇ ਪਹਿਲੇ ਪੜਾਅ 'ਤੇ ਅਮੀਰਾਤ ਪਹੁੰਚ ਗਏ ਹਨ। ਯੂਰਪੀ ਸੰਘ ਦੀ ਪ੍ਰਧਾਨਗੀ ਸੰਭਾਲਣ ਤੋਂ ਇਕ ਮਹੀਨੇ ਪਹਿਲਾਂ ਮੈਕਰੋਨ ਸੰਯੁਕਤ ਅਰਬ ਅਮੀਰਾਤ, ਕਤਰ ਅਤੇ ਸਾਊਦੀ ਅਰਬ ਦੇ ਦੌਰੇ 'ਤੇ ਹਨ। ਫਰਾਂਸ ਵਿੱਚ 2022 ਵਿੱਚ ਰਾਸ਼ਟਰਪਤੀ ਚੋਣਾਂ ਵੀ ਹੋਣੀਆਂ ਹਨ, ਜਿਸ ਵਿੱਚ ਮੈਕਰੌਨ ਦੂਜਾ ਕਾਰਜਕਾਲ ਹਾਸਲ ਕਰਨ ਦੀ ਕੋਸ਼ਿਸ਼ ਕਰਨਗੇ। ਅਮੀਰਾਤ ਨੂੰ ਫ੍ਰੈਂਚ ਲੜਾਕੂ ਜਹਾਜ਼ ਵੇਚਣ ਦੇ ਸੌਦੇ 'ਤੇ ਪੈਰਿਸ ਅਤੇ ਅਬੂ ਧਾਬੀ ਲਗਭਗ ਇਕ ਦਹਾਕੇ ਤੋਂ ਗੱਲਬਾਤ ਕਰ ਰਹੇ ਹਨ ਅਤੇ ਆਸਟ੍ਰੇਲੀਆ ਦੁਆਰਾ 12 ਫ੍ਰੈਂਚ ਪਣਡੁੱਬੀਆਂ ਲਈ 66 ਅਰਬ ਡਾਲਰ ਦੇ ਸੌਦੇ ਨੂੰ ਰੱਦ ਕਰਨ ਤੋਂ ਬਾਅਦਇਸ ਸੌਦੇ ਨਾਲ ਫਰਾਂਸ ਦੇ ਰੱਖਿਆ ਉਦਯੋਗ ਨੂੰ ਹੁਲਾਰਾ ਮਿਲੇਗਾ।