ਵੱਡੀ ਖ਼ਬਰ: ਹੁਣ UAE 'ਚ ਇਨ੍ਹਾਂ ਲੋਕਾਂ ਨੂੰ ਨਹੀਂ ਮਿਲੇਗੀ ਐਂਟਰੀ, ਨਵਾਂ ਨਿਯਮ ਜਾਰੀ
11/24/2022 11:14:54 AM
ਇੰਟਰਨੈਸ਼ਨਲ ਡੈਸਕ (ਬਿਊਰੋ) ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਦੇ ਪ੍ਰਸ਼ਾਸਨ ਨੇ ਆਪਣੇ ਯਾਤਰਾ ਦਿਸ਼ਾ-ਨਿਰਦੇਸ਼ਾਂ ਵਿੱਚ ਇੱਕ ਨਵੇਂ ਬਦਲਾਅ ਦਾ ਐਲਾਨ ਕੀਤਾ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਜਿਨ੍ਹਾਂ ਯਾਤਰੀਆਂ ਦੇ ਪਾਸਪੋਰਟ 'ਤੇ ਸਿੰਗਲ ਨਾਮ ਲਿਖਿਆ ਹੋਇਆ ਹੈ ਅਤੇ ਉਹ ਟੂਰਿਸਟ ਜਾਂ ਕਿਸੇ ਹੋਰ ਕਿਸਮ ਦਾ ਵੀਜ਼ਾ ਪ੍ਰਾਪਤ ਕਰਨ ਦੀ ਯੋਜਨਾ ਬਣਾ ਰਹੇ ਹਨ, ਤਾਂ ਉਨ੍ਹਾਂ ਨੂੰ ਯੂਏਈ ਵਿਚ ਯਾਤਰਾ ਕਰਨ ਜਾਂ ਇੱਥੋਂ ਕਿਤੇ ਹੋਰ ਯਾਤਰਾ ਕਰਨ ਦੀ ਇਜਾਜ਼ਤ ਨਹੀਂ ਹੈ। ਯਾਤਰੀਆਂ ਦੇ ਪਹਿਲੇ ਅਤੇ ਆਖਰੀ ਨਾਂ (ਸਰਨੇਮ) ਦੋਵਾਂ ਨੂੰ ਸਪੱਸ਼ਟ ਤੌਰ 'ਤੇ ਘੋਸ਼ਿਤ ਕਰਨ ਦੀ ਲੋੜ ਹੈ। ਇਹ ਬਦਲਾਅ ਸੋਮਵਾਰ 28 ਨਵੰਬਰ ਤੋਂ ਲਾਗੂ ਹੋਵੇਗਾ।
ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਯੂਏਈ ਅਧਿਕਾਰੀਆਂ ਦੇ ਨਿਰਦੇਸ਼ਾਂ ਦੇ ਅਨੁਸਾਰ 21 ਨਵੰਬਰ 2022 ਤੋ ਯਾਤਰੀ, ਵਿਜ਼ਿਟ ਜਾਂ ਕਿਸੇ ਹੋਰ ਕਿਸਮ ਦੇ ਵੀਜ਼ੇ 'ਤੇ ਯਾਤਰਾ ਕਰਨ ਵਾਲੇ ਉਨ੍ਹਾਂ ਦੇ ਪਾਸਪੋਰਟਾਂ 'ਤੇ ਸਿੰਗਲ ਨਾਮ ਵਾਲੇ ਯਾਤਰੀਆਂ ਨੂੰ ਯੂਏਈ ਵਿੱਚ ਦਾਖਲ ਹੋਣ/ਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਇਹ ਨਵੀਂ ਨਾਮਕਰਨ ਨੀਤੀ ਉਹਨਾਂ ਲੋਕਾਂ 'ਤੇ ਲਾਗੂ ਨਹੀਂ ਹੁੰਦੀ ਜਿਨ੍ਹਾਂ ਕੋਲ ਵੈਧ ਰਿਹਾਇਸ਼ੀ ਪਰਮਿਟ ਜਾਂ ਵਰਕ ਵੀਜ਼ਾ ਹੈ ਅਤੇ ਇੱਕੋ ਨਾਮ ਪਹਿਲੇ ਅਤੇ ਉਪਨਾਮ ਕਾਲਮਾਂ ਵਿੱਚ ਅਪਡੇਟ ਕੀਤਾ ਗਿਆ ਹੈ। ਏਅਰ ਇੰਡੀਆ ਐਕਸਪ੍ਰੈਸ, ਸਪਾਈਸਜੈੱਟ ਅਤੇ ਇੰਡੀਗੋ ਸਮੇਤ ਭਾਰਤੀ ਏਅਰਲਾਈਨਜ਼ ਨੇ ਇਸ ਬਾਰੇ ਟਰੈਵਲ ਏਜੰਟਾਂ ਨੂੰ ਸੂਚਿਤ ਕੀਤਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਦੀਵਾਲੀ ਮਗਰੋਂ ਕੈਨੇਡਾ ਦੇ ਬਰੈਂਪਟਨ 'ਚ 'ਆਤਿਸ਼ਬਾਜ਼ੀ' 'ਤੇ ਪਾਬੰਦੀ, ਲੱਗੇਗਾ ਭਾਰੀ ਜੁਰਮਾਨਾ
ਇੰਡੀਗੋ ਦੇ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ "ਹਾਲਾਂਕਿ, ਪਾਸਪੋਰਟ 'ਤੇ ਇੱਕੋ ਨਾਮ ਵਾਲੇ ਯਾਤਰੀਆਂ ਅਤੇ ਰਿਹਾਇਸ਼ੀ ਪਰਮਿਟ ਜਾਂ ਰੁਜ਼ਗਾਰ ਵੀਜ਼ਾ ਰੱਖਣ ਵਾਲੇ ਯਾਤਰੀਆਂ ਨੂੰ ਯਾਤਰਾ ਕਰਨ ਦੀ ਇਜਾਜ਼ਤ ਦਿੱਤੀ ਜਾਵੇਗੀ ਬਸ਼ਰਤੇ "ਫਸਟ ਨੇਮ" ਅਤੇ "ਸਰਨੇਮ" ਕਾਲਮਾਂ ਵਿੱਚ ਉਹੀ ਨਾਮ ਅਪਡੇਟ ਕੀਤਾ ਗਿਆ ਹੋਵੇ। ਏਅਰਲਾਈਨ ਨੇ ਲੋਕਾਂ ਨੂੰ ਹੋਰ ਵੇਰਵਿਆਂ ਲਈ ਆਪਣੇ ਅਕਾਊਂਟ ਮੈਨੇਜਰ ਨਾਲ ਸੰਪਰਕ ਕਰਨ ਜਾਂ ਉਨ੍ਹਾਂ ਦੀ ਵੈੱਬਸਾਈਟ goindigo.com 'ਤੇ ਜਾਣ ਲਈ ਵੀ ਕਿਹਾ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।