ਅਣਹੋਣੀ ਹੋਣ ਤੋਂ ਟਲੀ, ਟਰੇਨ ਆਉਣ ਤੋਂ ਕੁਝ ਸੈਕੰਡ ਪਹਿਲਾਂ ਟਰੈਕ 'ਤੇ ਡਿੱਗ ਗਿਆ ਸੀ ਬੱਚਾ, ਮਾਂ ਨੇ ਇੰਝ ਬਚਾਈ ਜਾਨ (ਵੀ

ਸਿਡਨੀ— ਆਸਟਰੇਲੀਆ ਦੇ ਸਿਡਨੀ ਵਿਚ ਵੈਸਟ ਰਾਇਡ ਸਟੇਸ਼ਨ ਉੱਤੇ ਇਕ ਅਜਿਹੀ ਘਟਨਾ ਹੋਈ ਕਿ ਲੋਕਾਂ ਦੇ ਹੱਥ-ਪੈਰ ਫੁੱਲ ਗਏ । ਇਕ ਬੱਚਾ ਪਲੇਟਫਾਰਮ ਉੱਤੇ ਪ੍ਰੈਮ (ਬੱਚਿਆਂ ਦੀ ਟਰੋਲੀ) ਵਿਚ ਬੈਠਾ ਹੋਇਆ ਸੀ ਅਤੇ ਅਚਾਨਕ ਉਸ ਦਾ ਪ੍ਰੈਮ ਅੱਗੇ ਰਿੜ ਕੇ ਰੇਲਵੇ ਟ੍ਰੈਕ ਉੱਤੇ ਆ ਗਿਆ । ਸਟੇਸ਼ਨ ਉੱਤੇ ਟ੍ਰੇਨ ਦੇ ਆਉਣ ਤੋਂ ਕੁਝ ਸੈਕੰਡ ਪਹਿਲਾਂ ਹੀ ਉਸ ਦੀ ਮਾਂ ਤੁਰੰਤ ਹਰਕਤ ਵਿਚ ਆਈ ਅਤੇ ਆਪਣੇ ਬੱਚੇ ਨੂੰ ਬਚਾ ਲਿਆ । ਸੀ. ਸੀ. ਟੀ. ਵੀ. ਫੁਟੇਜ ਵਿਚ ਇਹ ਘਟਨਾ ਕੈਦ ਹੋ ਗਈ ਹੈ ।

ਦੱਸਣਯੋਗ ਹੈ ਕਿ ਇਕ ਔਰਤ ਆਪਣੇ ਤਿੰਨ ਬੱਚਿਆਂ ਨਾਲ ਪਲੇਟਫਾਰਮ 'ਤੇ ਬੈਠੀ ਹੋਈ ਸੀ ਅਤੇ ਉਸ ਨਾਲ ਇਕ ਬੱਚਾ ਪ੍ਰੈਮ ਵਿਚ ਬੈਠਾ ਸੀ । ਮਾਂ ਨੇ ਇਕ ਮਿੰਟ ਲਈ ਪ੍ਰੈਮ ਤੋਂ ਹੱਥ ਹਟਾਇਆ ਅਤੇ ਉਹ ਰਿੜ੍ਹਦਾ ਹੋਇਆ ਟਰੈਕ ਉੱਤੇ ਜਾ ਡਿੱਗਿਆ । ਮਾਂ ਨੇ ਦੌੜ ਕੇ ਟ੍ਰੈਕ ਉੱਤੇ ਛਾਲ ਮਾਰੀ ਅਤੇ ਬੱਚੇ ਨੂੰ ਸਹੀ-ਸਲਾਮਤ ਪਲੇਟਫਾਰਮ ਉੱਤੇ ਲੈ ਆਈ । ਹਾਲਾਂਕਿ ਇਹ ਘਟਨਾ ਟ੍ਰੇਨ ਆਉਣ ਤੋਂ ਕੁਝ ਸੈਕੰਡ ਪਹਿਲਾਂ ਹੋਈ ਸੀ ।