ਬਲੋਚਿਸਤਾਨ ’ਚ ਫੌਜੀ ਛਾਉਣੀਆਂ ਦੇ ਅੰਦਰ ਹੋ ਰਿਹੈ ਤਸੀਹਾ ਕੇਂਦਰਾਂ ਦਾ ਪ੍ਰਸਾਰ, ਗਾਇਬ ਹੋ ਰਹੇ ਨੌਜਵਾਨ

ਇਸਲਾਮਾਬਾਦ, (ਵਿਸ਼ੇਸ਼)- ਮੱਧ ਵਰਗੀ ਪਾਕਿਸਤਾਨ ਵਿਦਿਆਰਥੀ ਸਵਦੇਸ਼ੀ ਸੁਪਨੇ ਲਈ ਲੜ ਰਹੇ ਹਨ। ਸਨਾ ਬਲੂਚ ਲਗਭਗ 3 ਮਹੀਨਿਆਂ ਤੋਂ ਗਾਇਬ ਹੈ। ਬਸੰਤ ’ਚ ਉਹ ਕੋਰੋਨਾ ਵਾਇਰਸ ਲਾਕਡਾਊਨ ਦੌਰਾਨ ਘਰ ਆਇਆ ਸੀ। ਕਈ ਲੋਕਾਂ ਵਾਂਗ ਉਸ ਨੇ ਵੀ ਬੇਯਕੀਨੇ ਭਵਿੱਖ ਦਾ ਸਾਹਮਣਾ ਕੀਤਾ।

ਇਸਲਾਮਾਬਾਦ ’ਚ ਪਾਕਿਸਤਾਨ ਦੀਆਂ ਚੋਟੀ ਦੀਆਂ ਯੂਨੀਵਰਸਿਟੀਜ਼ ਵਿਚੋਂ ਇਕ ਹੋਣਹਾਰ ਬੈਚਲਰ ਵਿਦਿਆਰਥੀ ਸਨਾ ਬਲੂਚ ਦਾ ਜਨਮ ਬਲੂਚਿਸਤਾਨ ਦੇ ਖਰਾਨ ਪ੍ਰਾਂਤ ’ਚ ਹੋਇਆ ਸੀ। ਬਲੋਚਿਸਤਾਨ ਪਾਕਿਸਤਾਨੀ ਫੌਜ ਦਹਾਕਿਆਂ ਤੋਂ ਪ੍ਰਾਂਤੀ ਖੁਦ ਮੁਖਤਿਆਰੀ ਲਈ ਉੱਠਣ ਵਾਲੀਆਂ ਆਵਾਜ਼ਾਂ ਨੂੰ ਬੇਰਹਮੀ ਨਾਲ ਦਬਾਉਂਦੀ ਰਹੀ ਹੈ। ਹਾਲਾਂਕਿ ਪਾਕਿਸਤਾਨ ਫੌਜ ਇਨ੍ਹਾਂ ਦੋਸ਼ਾਂ ਤੋਂ ਇਨਕਾਰ ਕਰਦੀ ਹੈ।

ਹਾਲ ਦੇ ਸਾਲਾਂ ’ਚ ਬਲੋਚਿਸਤਾਨ ’ਚ ਫੌਜੀ ਛਾਉਣੀਆਂ ਦੇ ਅੰਦਰ ਤਸੀਹਾ ਕੇਂਦਰਾਂ ਦਾ ਪ੍ਰਸਾਰ ਹੋਇਆ ਹੈ। ਪਾਕਿਸਤਾਨ ਦੇ ਮਨੁੱਖੀ ਅਧਿਕਾਰੀ ਕਮਿਸ਼ਨ ਨੇ ਕਈ ਵਾਰ ਬਿਨਾਂ ਕਾਰਣ ਗਾਇਬ ਹੋਣ ਵਾਲੇ ਲੋਕਾਂ ਦਾ ਮਾਮਲਾ ਉਠਾਇਆ ਪਰ ਇਹ ਸਿਲਸਿਲਾ ਫਿਰ ਵੀ ਜਾਰੀ ਹੈ। ਸਨਾ ਬਲੂਚ ਦਾ ਪਰਿਵਾਰ ਨਹੀਂ ਜਾਣਦਾ ਕਿ ਉਹ ਕਿੱਥੇ ਹੈ?

ਬਲੋਚਿਸਤਾਨ ਦਾ ਇਕ ਹੋਰ ਵਿਦਿਆਰਥੀ ਸ਼ਾਹਦਾਦ ਮੁਮਤਾਜ 2015 ਦੀ ਸ਼ੁਰੂਆਤ ’ਚ ਹੀ ਲਾਪਤਾ ਹੋ ਗਿਆ ਸੀ। ਉਸਦਾ ਪਰਿਵਾਰ ਚੁੱਪ ਰਿਹਾ ਅਤੇ ਮਹੀਨਿਆਂ ਬਾਅਦ ਉਨ੍ਹਾਂ ਦਾ ਬੇਟਾ ਉਨ੍ਹਾਂ ਕੋਲ ਵਾਪਸ ਆ ਗਿਆ, ਪਰ ਅਖੀਰ ’ਚ ਉਸਦੇ ਨਾਲ ਜੋ ਹੋਇਆ ਉਹ ਦੂਸਰਿਆਂ ਲਈ ਸਬਕ ਹੋ ਸਕਦਾ ਹੈ। ਸਨਾ ਬਲੂਚ ਦੇ ਲਾਪਤਾ ਹੋਣ ਦੇ 10 ਦਿਨ ਪਹਿਲਾਂ 1 ਮਈ ਨੂੰ ਸ਼ਾਹਦਾਦ ਮੁਮਤਾਜ ਨੂੰ ਪਾਕਿਸਤਾਨੀ ਫੌਜ ਨੇ ਇਕ ਗੋਲੀਬਾਰੀ ’ਚ ਮਾਰ ਦਿੱਤਾ ਗਿਆ ਸੀ। ਮਾਹਰਾਂ ਦਾ ਕਹਿਣਾ ਹੈ ਕਿ ਦਮਨ ਦੀ ਨਿਰੰਤਰ ਨੀਤੀ ਕਾਰਣ ਮੱਧ ਵਰਗੀ ਲੋਕ ਅੱਜ ਪਾਕਿਸਤਾਨੀ ਫੌਜ ਦਾ ਮੁੱਖ ਟੀਚਾ ਹਨ।