ਆਸਮਾਨ ''ਚ ਲੜਖੜਾਇਆ ਹਵਾਈ ਜਹਾਜ਼, 14 ਮੁਸਾਫਿਰ ਜ਼ਖ਼ਮੀ

ਮੈਡ੍ਰਿਡ - ਸਪੇਨ ਦਾ ਇਕ ਹਵਾਈ ਜਹਾਜ਼ ਆਸਮਾਨ ਵਿਚ 'ਹਵਾਮੰਡਲੀ ਡਿਸਟਰਬੈਂਸ' ਕਾਰਨ ਅਚਾਨਕ ਲੜਖੜਾ ਗਿਆ, ਜਿਸ ਕਾਰਣ ਉਸ 'ਚ ਸਵਾਰ 14 ਮੁਸਾਫਿਰ ਮਾਮੂਲੀ ਜ਼ਖ਼ਮੀ ਹੋ ਗਏ। ਹਵਾਈ ਜਹਾਜ਼ ਮਾਰੀਸ਼ਿਸ਼ ਤੋਂ ਮੈਡ੍ਰਿਡ ਵਲ ਆ ਰਿਹਾ ਸੀ। ਅਚਾਨਕ ਜ਼ੋਰਦਾਰ ਝਟਕੇ ਲੱਗਣ ਕਾਰਣ ਹਵਾਈ ਜਹਾਜ਼ ਆਪਣੀ ਉਡਾਣ ਦੀ ਨਿਰਧਾਰਤ ਉਚਾਈ ਤੋਂ 100 ਮੀਟਰ ਤੱਕ ਹੇਠਾਂ ਆ ਗਿਆ। ਜ਼ਖ਼ਮੀਆਂ ਨੂੰ ਬਾਅਦ 'ਚ ਮੈਡ੍ਰਿਡ ਦੇ ਇਕ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ। ਇਕ ਮੁਸਾਫਿਰ ਦਾ ਤਾਂ ਸਿਰ ਹਵਾਈ ਜਹਾਜ਼ ਦੀ ਛੱਤ ਨਾਲ ਜਾ ਵੱਜਾ ਸੀ।