ਦੁਨੀਆ ਦੀ ਸਭ ਤੋਂ ਬਜ਼ੁਰਗ ਔਰਤ ਦਾ ਦੇਹਾਂਤ, 118 ਸਾਲ ਦੀ ਉਮਰ 'ਚ ਲਿਆ ਆਖਰੀ ਸਾਹ
01/18/2023 10:39:43 AM
ਇੰਟਰਨੈਸ਼ਨਲ ਡੈਸਕ (ਬਿਊਰੋ) ਦੁਨੀਆ ਦੀ ਸਭ ਤੋਂ ਬਜ਼ੁਰਗ ਮਹਿਲਾ ਫ੍ਰੈਂਚ ਨਨ ਲੂਸੀਲ ਰੈਂਡਨ ਦਾ ਉਸ ਦੇ 119ਵੇਂ ਜਨਮਦਿਨ ਤੋਂ ਕੁਝ ਹਫ਼ਤੇ ਪਹਿਲਾਂ ਮੰਗਲਵਾਰ ਨੂੰ ਦੇਹਾਂਤ ਹੋ ਗਿਆ। ਉਸ ਨੇ 118 ਸਾਲ ਦੀ ਉਮਰ ਵਿੱਚ ਫਰਾਂਸ ਦੇ ਟੂਲੋਨ ਸ਼ਹਿਰ ਵਿੱਚ ਆਖਰੀ ਸਾਹ ਲਿਆ। ਰੈਂਡਨ ਦੇ ਬੁਲਾਰੇ ਡੇਵਿਡ ਟਵੇਲਾ ਨੇ ਕਿਹਾ ਕਿ ਮੰਗਲਵਾਰ ਦੁਪਹਿਰ 2 ਵਜੇ ਉਸ ਦਾ ਦਿਹਾਂਤ ਹੋ ਗਿਆ, ਜਿਸ ਨਾਲ ਉਸ ਦੇ ਅਜ਼ੀਜ਼ਾਂ ਨੂੰ ਬਹੁਤ ਦੁੱਖ ਹੋਇਆ। ਹਾਲਾਂਕਿ ਰੈਂਡਨ ਦੀ ਇੱਕੋ ਇੱਕ ਇੱਛਾ ਆਪਣੇ ਪਿਆਰੇ ਭਰਾ ਨੂੰ ਮਿਲਣ ਦੀ ਸੀ। ਉਨ੍ਹਾਂ ਲਈ ਇਹ ਆਜ਼ਾਦੀ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- 4 ਲੱਖ ਤੋਂ ਵੱਧ ਆਸਟ੍ਰੇਲੀਆਈ 2023 'ਚ 'ਸ਼ਰਾਬ' ਛੱਡਣ ਦੀ ਯੋਜਨਾ ਬਣਾ ਰਹੇ
ਲੂਸੀਲ ਰੈਂਡਨ, ਜਿਸਨੂੰ ਸਿਸਟਰ ਆਂਦਰੇ ਵਜੋਂ ਜਾਣਿਆ ਜਾਂਦਾ ਹੈ, ਦਾ ਜਨਮ 11 ਫਰਵਰੀ, 1904 ਨੂੰ ਦੱਖਣੀ ਫਰਾਂਸ ਦੇ ਅਲਸੇਸ ਸ਼ਹਿਰ ਵਿੱਚ ਹੋਇਆ ਸੀ। ਉਹ ਕੋਵਿਡ-19 ਤੋਂ ਠੀਕ ਹੋਣ ਵਾਲੇ ਦੁਨੀਆ ਦੇ ਸਭ ਤੋਂ ਬਜ਼ੁਰਗ ਲੋਕਾਂ ਵਿੱਚੋਂ ਇੱਕ ਸੀ। ਜੀਰੋਨਟੋਲੋਜੀ ਰਿਸਰਚ ਗਰੁੱਪ 110 ਜਾਂ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਦੇ ਵਰਣਨ ਨੂੰ ਮਾਨਤਾ ਦਿੰਦਾ ਹੈ। ਗਰੁੱਪ ਨੇ ਪਿਛਲੇ ਸਾਲ 119 ਸਾਲ ਦੀ ਉਮਰ ਵਿੱਚ ਜਾਪਾਨ ਦੇ ਕੇਨ ਤਨਾਕਾ ਦੀ ਮੌਤ ਤੋਂ ਬਾਅਦ ਰੈਂਡਨ ਨੂੰ ਦੁਨੀਆ ਦੇ ਸਭ ਤੋਂ ਬਜ਼ੁਰਗ ਵਿਅਕਤੀ ਵਜੋਂ ਸੂਚੀਬੱਧ ਕੀਤਾ ਸੀ। ਆਂਦਰੇ ਆਪਣੇ 117ਵੇਂ ਜਨਮਦਿਨ ਤੋਂ ਪਹਿਲਾਂ ਜਨਵਰੀ 2021 ਵਿੱਚ ਕੋਰੋਨਾ ਵਾਇਰਸ ਨਾਲ ਸੰਕਰਮਿਤ ਹੋਈ ਸੀ। ਪਰ ਉਸ ਵਿਚ ਸੰਕਰਮਣ ਦੇ ਹਲਕੇ ਲੱਛਣ ਸਨ, ਜਿਸ ਕਾਰਨ ਉਸ ਨੂੰ ਇਹ ਅਹਿਸਾਸ ਵੀ ਨਹੀਂ ਹੋਇਆ ਕਿ ਉਹ ਸੰਕਰਮਿਤ ਹੈ। ਸੰਕਰਮਣ ਤੋਂ ਉਸਦੇ ਠੀਕ ਹੋਣ ਦੀ ਫਰਾਂਸ ਸਮੇਤ ਦੁਨੀਆ ਭਰ ਵਿੱਚ ਚਰਚਾ ਹੋਈ ਸੀ।
ਜਦੋਂ ਉਸ ਦੀ ਅਸਾਧਾਰਨ ਲੰਬੀ ਉਮਰ ਬਾਰੇ ਪੁੱਛਿਆ ਗਿਆ, ਦੋ ਵਿਸ਼ਵ ਯੁੱਧਾਂ ਦੀ ਗਵਾਹ ਆਂਦਰੇ ਨੇ ਪਿਛਲੇ ਸਾਲ ਅਪ੍ਰੈਲ ਵਿੱਚ ਫ੍ਰੈਂਚ ਮੀਡੀਆ ਨੂੰ ਕਿਹਾ ਸੀ ਕਿ "ਕੰਮ ਕਰਦੇ ਰਹਿਣਾ... ਤੁਹਾਨੂੰ ਜ਼ਿੰਦਾ ਬਣਾਉਂਦਾ ਹੈ"। ਮੈਂ 108 ਸਾਲ ਦੀ ਉਮਰ ਤੱਕ ਕੰਮ ਕੀਤਾ। ਉਹ ਰੋਜ਼ਾਨਾ ਇੱਕ ਗਲਾਸ ਵਾਈਨ ਪੀਣਾ ਅਤੇ ਚਾਕਲੇਟ ਖਾਣਾ ਪਸੰਦ ਕਰਦੀ ਸੀ। ਦੁਨੀਆ ਦਾ ਸਭ ਤੋਂ ਬਜ਼ੁਰਗ ਜਾਣਿਆ ਜਾਣ ਵਾਲਾ ਜੀਵਿਤ ਵਿਅਕਤੀ ਹੁਣ ਅਮਰੀਕੀ ਮੂਲ ਦੀ ਮਾਰੀਆ ਬ੍ਰੈਨਿਆਸ ਮੋਰੇਰਾ ਹੈ, ਜੋ ਸਪੇਨ ਵਿੱਚ ਰਹਿ ਰਹੀ ਹੈ। 115 ਸਾਲ ਦੀ ਉਮਰ ਵਿੱਚ, ਜਿਰੋਨਟੋਲੋਜੀ ਰਿਸਰਚ ਗਰੁੱਪ ਦੁਆਰਾ ਉਸ ਨੂੰ ਸੂਚੀਬੱਧ ਕੀਤਾ ਗਿਆ ਹੈ।
ਪਿਛਲੇ ਸਾਲ ਕੇਨ ਤਨਾਕਾ ਦੀ ਹੋਈ ਸੀ ਮੌਤ
ਪਿਛਲੇ ਸਾਲ ਦੁਨੀਆ ਦੇ ਸਭ ਤੋਂ ਬਜ਼ੁਰਗ ਵਿਅਕਤੀ ਜਾਪਾਨ ਦੇ ਕੇਨ ਤਨਾਕਾ ਦੀ ਮੌਤ ਹੋ ਗਈ ਸੀ। ਉਹ 119 ਸਾਲ ਦੇ ਸਨ। ਤਨਾਕਾ ਦੀ ਮੌਤ ਤੋਂ ਬਾਅਦ 118 ਸਾਲਾ ਸਿਸਟਰ ਲੂਸੀਲ ਰੈਂਡਨ ਦੁਨੀਆ ਦੀ ਸਭ ਤੋਂ ਬਜ਼ੁਰਗ ਵਿਅਕਤੀ ਬਣ ਗਈ ਸੀ। ਉਸ ਨੂੰ ਸਿਸਟਰ ਆਂਦਰੇ ਵਜੋਂ ਵੀ ਜਾਣਿਆ ਜਾਂਦਾ ਸੀ। ਉਸਦਾ ਜਨਮ 1904 ਵਿੱਚ ਫਰਾਂਸ ਦੇ ਸ਼ਹਿਰ ਅਲਸੇਸ ਵਿੱਚ ਹੋਇਆ ਸੀ। ਰੈਂਡਨ 19 ਸਾਲ ਦੀ ਉਮਰ ਵਿਚ ਕੈਥੋਲਿਕ ਬਣ ਗਈ। ਅੱਠ ਸਾਲ ਬਾਅਦ ਉਹ ਨਨ ਬਣ ਗਈ ਸੀ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।