ਐਨ.ਐਸ.ਡਬਲਯੂ. ਵਸਨੀਕਾਂ ਲਈ ਤਸਮਾਨੀਆ ਖੋਲ੍ਹੇਗਾ ਆਪਣੀਆਂ ਸਰਹੱਦਾਂ

ਸਿਡਨੀ (ਬਿਊਰੋ): ਆਸਟ੍ਰੇਲੀਆ ਦਾ ਟਾਪੂ ਰਾਜ ਤਸਮਾਨੀਆ ਅਗਲੇ ਸ਼ੁੱਕਰਵਾਰ ਤੋਂ ਨਿਊ ਸਾਊਥ ਵੇਲਜ਼ ਦੇ ਲੋਕਾਂ ਲਈ ਲਾਜ਼ਮੀ ਕੋਵਿਡ-19 ਇਕਾਂਤਵਾਸ ਨਿਯਮ ਤੋਂ ਬਿਨਾਂ ਆਪਣੀਆਂ ਸਰਹੱਦਾਂ ਖੋਲ੍ਹ ਦੇਵੇਗਾ। ਪ੍ਰੀਮੀਅਰ ਪੀਟਰ ਗੁਟਵੇਨ ਨੇ ਅੱਜ ਐਲਾਨ ਕੀਤਾ ਹੈ ਕਿ ਨਿਊ ਸਾਊਥ ਵੇਲਜ਼ ਨੂੰ ਅਗਲੇ ਹਫ਼ਤੇ ਇੱਕ "ਘੱਟ ਜੋਖਮ" ਵਾਲੇ ਖੇਤਰ ਵਜੋਂ ਦੁਬਾਰਾ ਵਰਗੀਕ੍ਰਿਤ ਕੀਤਾ ਜਾਵੇਗਾ। ਪਹਿਲਾਂ, ਐਨ.ਐਸ.ਡਬਲਯੂ. ਤੋਂ ਆਉਣ ਵਾਲੇ ਲੋਕਾਂ ਨੂੰ ਤਸਮਾਨੀਆ ਜਾਣ ਦੀ ਇਜਾਜ਼ਤ ਦੇਣ ਤੋਂ ਪਹਿਲਾਂ ਦੋ ਹਫ਼ਤਿਆਂ ਲਈ ਇਕਾਂਤਵਾਸ ਵਿਚ ਰਹਿਣਾ ਪੈਂਦਾ ਸੀ।

ਇਹ ਐਲਾਨ ਉਦੋਂ ਹੋਇਆ ਜਦੋਂ ਐਨ.ਐਸ.ਡਬਲਯੂ. ਨੇ ਅੱਜ ਕੋਰੋਨਾਵਾਇਰਸ ਦੇ 12 ਨਵੇਂ ਮਾਮਲੇ ਦਰਜ ਕੀਤੇ, ਜਿਨ੍ਹਾਂ ਵਿਚ 10 ਹੋਟਲ ਇਕਾਂਤਵਾਸ ਵਿਚ ਹਨ। ਐਨ.ਐਸ.ਡਬਲਯੂ. ਹੈਲਥ ਨੇ ਕਿਹਾ ਕਿ ਦੋਵੇਂ ਸਥਾਨਕ ਮਾਮਲੇ ਓਰਨ ਪਾਰਕ ਸਮੂਹ ਵਿਚ ਜੁੜੇ ਲੋਕਾਂ ਦੇ ਘਰੇਲੂ ਸੰਪਰਕ ਦੇ ਹਨ ਅਤੇ ਉਹ ਇਕਾਂਤਵਾਸ ਵਿਚ ਰਹਿ ਰਹੇ ਹਨ।

ਪੜ੍ਹੋ ਇਹ ਅਹਿਮ ਖਬਰ- ਲੰਡਨ 'ਚ ਨਿਕਲੀ ਕੁੱਤੇ ਨੂੰ ਸੰਭਾਲਣ ਦੀ ਨੌਕਰੀ, ਮਿਲੇਗੀ 28 ਲੱਖ ਰੁਪਏ ਤਨਖ਼ਾਹ

ਪਿਛਲੇ ਦਿਨ 6438 ਟੈਸਟ ਹੋਏ ਸਨ। ਮਹਾਮਾਰੀ ਦੇ ਦੌਰਾਨ ਐਨ.ਐਸ.ਡਬਲਯੂ. ਦੀ ਕੁੱਲ ਸੰਖਿਆ 30 ਲੱਖ ਤੋਂ ਵੱਧ ਹੋ ਗਈ। ਕੱਲ੍ਹ, ਤਸਮਾਨੀਆ ਨੇ ਦੱਖਣੀ ਆਸਟ੍ਰੇਲੀਆ, ਕੁਈਨਜ਼ਲੈਂਡ, ਪੱਛਮੀ ਆਸਟ੍ਰੇਲੀਆ, ਉੱਤਰੀ ਖੇਤਰ ਅਤੇ ਏ.ਸੀ.ਟੀ. ਦੇ ਯਾਤਰੀਆਂ ਲਈ ਵੱਖਰੀਆਂ ਸ਼ਰਤਾਂ ਤੋਂ ਬਿਨਾਂ ਆਪਣੀਆਂ ਸਰਹੱਦਾਂ ਮੁੜ ਖੋਲ੍ਹ ਦਿੱਤੀਆਂ।