ਵਿਦੇਸ਼ 'ਚ ਭਾਰਤੀ ਪਰਿਵਾਰ ਦੀ ਸ਼ਰਮਨਾਕ ਕਰਤੂਤ (ਵੀਡੀਓ ਵਾਇਰਲ)
Saturday, Jul 27, 2019 - 09:40 PM (IST)
ਬਾਲੀ (ਏਜੰਸੀ)- ਇੰਡੋਨੇਸ਼ੀਆ ਘੁੰਮਣ ਗਏ ਭਾਰਤੀ ਪਰਿਵਾਰ ਦੀ ਸ਼ਰਮਨਾਕ ਕਰਤੂਤ ਸਾਹਮਣੇ ਆਈ ਹੈ। ਇਸ ਸਬੰਧੀ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਵੀ ਵਾਇਰਲ ਹੋ ਰਹੀ ਹੈ। ਦਰਅਸਲ ਇੰਡੋਨੇਸ਼ੀਆ ਦੇ ਬਾਲੀ ਸਥਿਤ ਇਕ ਹੋਟਲ ਵਿਚ ਭਾਰਤੀ ਪਰਿਵਾਰ ਠਹਰਿਆ ਸੀ, ਜਿਥੋਂ ਪਰਿਵਾਰ ਜਦੋਂ ਹੋਟਲ ਛੱਡ ਕੇ ਜਾਣ ਲੱਗਾ ਤਾਂ ਪਰਿਵਾਰ ਵਲੋਂ ਹੋਟਲ ਦੀਆਂ ਕਈ ਚੀਜਾਂ ਚੋਰੀ ਕਰ ਲਈਆਂ ਗਈਆਂ, ਜਿਸ ਸਬੰਧੀ ਹੋਟਲ ਸਟਾਫ ਨੂੰ ਪਤਾ ਲੱਗ ਗਿਆ ਅਤੇ ਹੋਟਲ ਛੱਡ ਕੇ ਜਾਣ ਲੱਗੇ ਪਰਿਵਾਰ ਨੂੰ ਹੋਟਲ ਸਟਾਫ ਨੇ ਰੋਕਿਆ ਅਤੇ ਉਨ੍ਹਾਂ ਦਾ ਬੈਗ ਚੈੱਕ ਕੀਤਾ।
This family was caught stealing hotel accessories. Such an embarrassment for India.
— Hemanth (@hemanthpmc) July 27, 2019
Each of us carrying an #IndianPassport must remember that we are ambassadors of the nation and behave accordingly.
India must start cancelling passports of people who erode our credibility. pic.twitter.com/unY7DqWoSr
ਬੈਗ ਵਿਚੋਂ ਕੁਝ ਤੌਲੀਏ, ਇਲੈਕਟ੍ਰਾਨਿਕ ਸਾਮਾਨ, ਸਜਾਵਟੀ ਵਸਤਾਂ ਆਦਿ ਹੋਰ ਕੀਮਤੀ ਸਾਮਾਨ ਬਰਾਮਦ ਕੀਤਾ ਗਿਆ। ਪਰਿਵਾਰ ਵਿਚੋਂ ਇਕ ਔਰਤ ਨੇ ਕਿਹਾ ਕਿ ਸਾਨੂੰ ਇਸ 'ਤੇ ਬਹੁਤ ਖੇਦ ਹੈ। ਇਹ ਇਕ ਫੈਮਿਲੀ ਟੂਰ ਹੈ। ਅਸੀਂ ਇਸ ਦਾ ਭੁਗਤਾਨ ਕਰਾਂਗੇ। ਕਿਰਪਾ ਕਰਕੇ ਸਾਨੂੰ ਜਾਣ ਦਿਓ ਕਿਉਂਕਿ ਸਾਡੀ ਫਲਾਈਟ ਦਾ ਟਾਈਮ ਹੋ ਰਿਹਾ ਹੈ। ਹੋਟਲ ਸਟਾਫ ਮੈਂਬਰ ਨੇ ਕਿਹਾ ਕਿ ਸਾਨੂੰ ਪਤਾ ਹੈ ਕਿ ਤੁਹਾਡੇ ਕੋਲ ਬਹੁਤ ਪੈਸਾ ਹੈ ਪਰ ਇਹ ਕੋਈ ਚੰਗੀ ਗੱਲ ਨਹੀਂ ਹੈ। ਇਸ ਸਾਰੀ ਘਟਨਾ ਦੀ ਵੀਡੀਓ ਇਕ ਵਿਅਕਤੀ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰ ਦਿੱਤੀ ਗਈ। ਜਿਸ 'ਤੇ ਉਸ ਨੇ ਲਿਖਿਆ ਕਿ ਇਨ੍ਹਾਂ ਲੋਕਾਂ ਦੀਆਂ ਹਰਕਤਾਂ ਕਾਰਨ ਭਾਰਤ ਦਾ ਨਾਂ ਬਦਨਾਮ ਹੋ ਰਿਹਾ ਹੈ। ਇਸ ਤਰ੍ਹਾਂ ਦੇ ਲੋਕਾਂ ਦਾ ਪਾਸਪੋਰਟ ਰੱਦ ਹੋ ਜਾਣਾ ਚਾਹੀਦਾ ਹੈ।