ਸਕਾਟਲੈਂਡ ਨੂੰ ਲਾਕਡਾਊਨ ਕਰਨ ''ਚ ਦੇਰੀ ਨਾਲ ਹੋਈਆਂ ਵਧੇਰੇ ਮੌਤਾਂ

ਗਲਾਸਗੋ (ਮਨਦੀਪ ਖੁਰਮੀ ਹਿੰਮਤਪੁਰਾ): ਵਿਗਿਆਨੀਆਂ ਦਾ ਦਾਅਵਾ ਹੈ ਕਿ ਜੇਕਰ ਸਕਾਟਲੈਂਡ ਦੋ ਹਫਤੇ ਪਹਿਲਾਂ ਤਾਲਾਬੰਦੀ ਵਿਚ ਚੱਲਿਆ ਜਾਂਦਾ ਤਾਂ ਲਗਭਗ ਦੋ ਹਜ਼ਾਰ ਕੋਰੋਨਾਵਾਇਰਸ ਮੌਤਾਂ ਨੂੰ ਰੋਕਿਆ ਜਾ ਸਕਦਾ ਸੀ। ਐਡਿਨਬਰਾ ਯੂਨੀਵਰਸਿਟੀ ਦੇ ਐਪੀਡੈਮੋਲੋਜਿਸਟ ਦਾ ਦਾਅਵਾ ਹੈ ਕਿ ਸਕਾਟਲੈਂਡ ਵਿੱਚ ਮੌਤ ਦੀ ਦਰ ਪਹਿਲਾਂ ਕਾਰਵਾਈ ਕਰਕੇ 80 ਪ੍ਰਤੀਸ਼ਤ ਤੱਕ ਘਟਾਈ ਜਾ ਸਕਦੀ ਸੀ। ਸ਼ੁਰੂਆਤੀ ਦਖਲ ਅੰਦਾਜ਼ੀ ਨਾਲ ਪਿਛਲੇ ਹਫ਼ਤੇ ਐਨਆਰਐਸ ਦੁਆਰਾ ਦਿੱਤੀ ਰਿਪੋਰਟ ਅਨੁਸਾਰ 2795 ਮੌਤਾਂ ਦੱਸੀਆਂ ਗਈਆਂ ਹਨ। ਜੇਕਰ ਸਮੇਂ ਸਿਰ ਸਹੀ ਕਾਰਵਾਈ ਕੀਤੀ ਜਾਂਦੀ ਤਾਂ ਇਹ ਗਿਣਤੀ 600 ਤੋਂ ਘੱਟ ਹੋ ਸਕਦੀ ਸੀ। 

ਪੜ੍ਹੋ ਇਹ ਅਹਿਮ ਖਬਰ- ਕਬੱਡੀ ਨੂੰ ਵਿਦੇਸ਼ਾਂ ਦੇ ਕਬੱਡੀ ਮੈਦਾਨਾਂ ਦਾ ਸ਼ਿੰਗਾਰ ਬਣਾਉਣ ਵਾਲੇ ਮਹਿੰਦਰ ਸਿੰਘ ਨਹੀਂ ਰਹੇ

ਸਕਾਟਲੈਂਡ ਵਿੱਚ ਪਹਿਲਾ ਤੋਂ ਦਰਜ ਕੇਸਾਂ ਵਿੱਚ ਪਹਿਲਾਂ ਫਰਵਰੀ ਵਿੱਚ ਐਡਿਨਬਰਗ ਵਿੱਚ ਵਾਇਰਸ ਫੈਲਣ ਦਾ ਖੁਲਾਸਾ ਹੋਇਆ ਸੀ ਪਰ ਇਹ ਲੋਕਾਂ ਸਾਹਮਣੇ ਨਹੀਂ ਆਇਆ ਸੀ। ਘੱਟੋ ਘੱਟ ਫਰਵਰੀ ਦੇ ਅਖੀਰ ਤੋਂ ਸਕਾਟਲੈਂਡ ਵਿੱਚ ਇਹ ਜਾਣਨ ਦੇ ਬਾਵਜੂਦ, ਸਕਾਟਲੈਂਡ ਨੇ 16 ਮਾਰਚ ਤਕ ਵੱਡੇ ਇਕੱਠਾਂ ਜਾਂ 25 ਮਾਰਚ ਤੱਕ ਕੋਈ ਲਾਕਡਾਊਨ ਨਹੀਂ ਕੀਤਾ। ਸਕਾਟਲੈਂਡ ਦਾ ਸਲਾਹਕਾਰ ਪੈਨਲ, ਜਿਸ ਵਿਚ ਐਡਿਨਬਰਾ ਯੂਨੀਵਰਸਿਟੀ ਵਿਚ ਪਬਲਿਕ ਹੈਲਥ ਦੀ ਚੇਅਰ ਪ੍ਰੋਫੈਸਰ ਦੇਵੀ ਸਰੀਧਰ ਨੇ ਕਿਹਾ ਕਿ ਸਾਨੂੰ ਫਰਵਰੀ ਦੇ ਅੱਧ ਵਿਚ ਇਹ ਕੰਮ ਕਰਨਾ ਚਾਹੀਦਾ ਸੀ। ਅਸੀਂ ਵੇਖ ਸਕਦੇ ਸੀ ਕਿ ਇਹ ਕੋਈ ਆਮ ਵਾਇਰਸ ਨਹੀਂ ਸੀ ਜਿਸ ਕਰਕੇ ਵਧੇਰੇ ਜਾਨਾਂ ਗਈਆਂ ਹਨ।