ਸ਼ੇਖੀ ਮਾਰਨ ਲਈ ਫੁੱਲ ਰੇਸ 'ਤੇ ਭਜਾਈ ਗੱਡੀ ਨੇ ਸਿੱਖ ਔਰਤ ਨੂੰ ਮਾਰੀ ਟੱਕਰ, ਹੁਣ ਹੋਈ 6 ਸਾਲ ਦੀ ਕੈਦ
01/12/2023 1:19:34 PM
ਲੰਡਨ (ਏਜੰਸੀ)- ਬ੍ਰਿਟੇਨ ਵਿੱਚ ਇੱਕ 23 ਸਾਲਾ ਵਿਅਕਤੀ ਨੂੰ ਲਾਪਰਵਾਹੀ ਨਾਲ ਤਕਰੀਬਨ 100 ਮੀਲ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਗੱਡੀ ਚਲਾਉਣ ਦੇ ਦੋਸ਼ ਵਿੱਚ 6 ਸਾਲ ਦੀ ਜੇਲ੍ਹ ਹੋਈ ਹੈ। ਇਸ ਦੌਰਾਨ ਇੱਕ ਸਿੱਖ ਔਰਤ ਦੀ ਮੌਤ ਹੋ ਗਈ ਸੀ। ਮਿਰਰ ਦੀ ਰਿਪੋਰਟ ਅਨੁਸਾਰ, ਹਾਸ਼ਿਮ ਅਜ਼ੀਜ਼ "ਆਪਣੇ ਚਚੇਰੇ ਭਰਾਵਾਂ ਨੂੰ ਪ੍ਰਭਾਵਿਤ" ਕਰਨ ਲਈ ਸਪੀਡ ਸੀਮਾ ਤੋਂ ਤਿੰਨ ਗੁਣਾ ਵੱਧ ਗੱਡੀ ਚਲਾ ਰਿਹਾ ਸੀ। ਉਦੋਂ ਉਸਦੀ ਔਡੀ A3 ਵੈਸਟ ਮਿਡਲੈਂਡਜ਼ ਵਿੱਚ ਬਲਜਿੰਦਰ ਕੌਰ ਮੂਰ ਦੀ ਵੌਕਸਹਾਲ ਕੋਰਸਾ ਨਾਲ ਟਕਰਾ ਗਈ ਸੀ। ਇਹ ਹਾਦਸਾ 21 ਨਵੰਬਰ 2021 ਨੂੰ ਵਾਪਰਿਆ ਸੀ। ਬਲਜਿੰਦਰ (32) ਆਪਣੇ ਪਤੀ ਨੂੰ ਆਪਣੇ ਭਰਾ ਦੇ ਘਰੋਂ ਲੈਣ ਲਈ ਜਾ ਰਹੀ ਸੀ ਅਤੇ ਉਹ 62 ਮੀਲ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਗੱਡੀ ਚਲਾ ਰਹੀ ਸੀ।
ਇਹ ਵੀ ਪੜ੍ਹੋ: ਪਾਵਰ ਬੈਂਕ ਫਟਣ ਕਾਰਨ ਜਹਾਜ਼ 'ਚ ਲੱਗੀ ਅੱਗ, 2 ਲੋਕ ਝੁਲਸੇ, 189 ਯਾਤਰੀਆਂ ਦੀ ਜਾਨ 'ਤੇ ਬਣੀ (ਵੀਡੀਓ)
ਵੁਲਵਰਹੈਂਪਟਨ ਕਰਾਊਨ ਕੋਰਟ ਨੇ ਸੁਣਿਆ ਕਿ ਦੋ ਗਵਾਹਾਂ ਨੇ ਅਜ਼ੀਜ਼ ਨੂੰ "ਜ਼ੋਰਦਾਰ ਧਮਾਕੇ" ਸੁਣਨ ਤੋਂ ਪਹਿਲਾਂ "100 ਮੀਲ ਪ੍ਰਤੀ ਘੰਟੇ ਤੋਂ ਵੱਧ" ਦੀ ਰਫ਼ਤਾਰ ਨਾਲ ਉਨ੍ਹਾਂ ਦੇ ਕੋਲੋਂ ਲੰਘਦੇ ਦੇਖਿਆ ਸੀ। ਸਰਕਾਰੀ ਵਕੀਲ ਕੈਥਲਿਨ ਆਰਚਰਡ ਨੇ ਕਿਹਾ ਕਿ ਪ੍ਰਭਾਵ ਦੀ ਗੰਭੀਰਤਾ ਕਾਰਨ ਕਾਰ ਦਾ ਇੱਕ ਇੰਜਣ "ਵੱਖ ਹੋ ਗਿਆ" ਜਦੋਂ ਕਿ ਮਲਬਾ 30 ਮੀਟਰ ਦੂਰ ਖਿੱਲਰਿਆ ਪਿਆ ਸੀ। ਬਲਜਿੰਦਰ ਨੂੰ ਪੈਰਾਮੈਡਿਕਸ ਨੇ ਮੌਕੇ 'ਤੇ ਹੀ ਮ੍ਰਿਤਕ ਐਲਾਨ ਦਿੱਤਾ ਗਿਆ ਸੀ।
ਇਹ ਵੀ ਪੜ੍ਹੋ: ਅਮਰੀਕਾ 'ਚ ਕਸੂਤਾ ਘਿਰੀ ਭਾਰਤੀ ਮੂਲ ਦੀ ਡਾਕਟਰ, ਕਰਨਾ ਪਵੇਗਾ 18.5 ਲੱਖ ਡਾਲਰ ਦਾ ਭੁਗਤਾਨ
ਮਿਰਰ ਦੇ ਅਨੁਸਾਰ, ਹਾਈਗੇਟ ਡਰਾਈਵ, ਵਾਲਸਾਲ ਦੇ ਵਸਨੀਕ ਅਜ਼ੀਜ਼ ਨੇ ਪਹਿਲਾਂ ਪੁਲਸ ਇੰਟਰਵਿਊ ਦੌਰਾਨ ਇਕ ਦੁਖਾਂਤ ਲਈ ਪੀੜਤ ਨੂੰ ਜ਼ਿੰਮੇਵਾਰ ਠਹਿਰਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਬਾਅਦ ਵਿੱਚ ਉਸਨੇ ਖ਼ਤਰਨਾਕ ਡਰਾਈਵਿੰਗ ਕਰਕੇ ਮੌਤ ਦਾ ਕਾਰਨ ਮੰਨਿਆ। ਅਜ਼ੀਜ਼ ਦੇ ਬਚਾਅ ਪੱਖ ਦੇ ਵਕੀਲ ਐਡਮ ਮੋਰਗਨ ਨੇ ਕਿਹਾ, "ਉਹ ਇੱਕ ਵਿਨਾਸ਼ਕਾਰੀ ਹਾਦਸੇ ਲਈ ਪੂਰੀ ਜ਼ਿੰਮੇਵਾਰੀ ਸਵੀਕਾਰ ਕਰਦਾ ਹੈ। ਉਸ ਨੂੰ ਇਸ ਰਫ਼ਤਾਰ ਨਾਲ ਕਿਤੇ ਵੀ ਯਾਤਰਾ ਨਹੀਂ ਕਰਨੀ ਚਾਹੀਦੀ ਸੀ।" ਮੰਗਲਵਾਰ ਨੂੰ ਵੁਲਵਰਹੈਂਪਟਨ ਕ੍ਰਾਊਨ ਕੋਰਟ ਵਿਚ ਆਪਣੀ ਸਜ਼ਾ ਦੌਰਾਨ, ਅਜ਼ੀਜ਼ ਨੇ ਹਾਦਸੇ ਲਈ "ਪੂਰਾ ਪਛਤਾਵਾ" ਪ੍ਰਗਟ ਕੀਤਾ। ਅਦਾਲਤ ਨੂੰ ਦੱਸਿਆ ਗਿਆ ਸੀ ਕਿ ਅਜ਼ੀਜ਼ ਦਾ ਅਪਰਾਧਿਕ ਰਿਕਾਰਡ ਸਾਫ਼ ਹੈ ਅਤੇ ਡਰਾਈਵਿੰਗ 'ਤੇ ਕੋਈ ਦੋਸ਼ ਨਹੀਂ ਹੈ। 6 ਸਾਲ ਦੀ ਜੇਲ੍ਹ ਤੋਂ ਇਲਾਵਾ, ਅਜ਼ੀਜ਼ 'ਤੇ 7 ਸਾਲਾਂ ਲਈ ਗੱਡੀ ਚਲਾਉਣ 'ਤੇ ਪਾਬੰਦੀ ਲਗਾਈ ਗਈ ਹੈ।
ਇਹ ਵੀ ਪੜ੍ਹੋ: ਵੱਡੀ ਖ਼ਬਰ: ਘਰ 'ਚ ਸਿਲੰਡਰ ਫਟਣ ਕਾਰਨ ਲੱਗੀ ਭਿਆਨਕ ਅੱਗ, ਜ਼ਿੰਦਾ ਸੜੇ ਪਤੀ-ਪਤਨੀ ਸਮੇਤ 4 ਬੱਚੇ