ਕੈਨੇਡਾ ''ਚ ਲੁੱਟਾਂ-ਖੋਹਾਂ ਦੇ ਦੋਸ਼ ’ਚ 19 ਸਾਲਾ ਪੰਜਾਬੀ ਸਮੇਤ 2 ਗ੍ਰਿਫ਼ਤਾਰ
08/07/2021 10:50:26 AM
ਬਰੈਂਪਟਨ : 23 ਜੁਲਾਈ 2021 ਅਤੇ 4 ਅਗਸਤ 2021 ਦਰਮਿਆਨ ਬਰੈਂਪਟਨ ਸ਼ਹਿਰ ਵਿਚ 5 ਪ੍ਰਚੂਨ ਲੁੱਟਾਂ ਹੋਈਆਂ, ਜਿਨ੍ਹਾਂ ਵਿਚ ਬਰੈਂਪਟਨ ਵਿਚ 4 ਕਾਰਜੈਕਿੰਗ ਡਕੈਤੀਆਂ, ਟੋਰਾਂਟੋ ਸ਼ਹਿਰ ਵਿਚ ਇਕ ਪ੍ਰਚੂਨ ਲੁੱਟ, ਕੈਲੇਡਨ ਸ਼ਹਿਰ ਵਿਚ ਇਕ ਪ੍ਰਚੂਨ ਲੁੱਟ ਅਤੇ ਇਕ ਵਾਊਗਨ ਸ਼ਹਿਰ ’ਚ ਵਿਚ ਹੋਈ ਪ੍ਰਚੂਨ ਲੁੱਟ ਸ਼ਾਮਲ ਹੈ। ਸਾਰੀਆਂ ਲੁੱਟਾਂ-ਖੋਹਾਂ ਦੌਰਾਨ ਸ਼ੱਕੀ ਚਾਕੂ ਅਤੇ ਨਕਲੀ ਹਥਿਆਰਾਂ ਨਾਲ ਲੈਸ ਸਨ। ਪੂਰੀ ਜਾਂਚ ਤੋਂ ਬਾਅਦ ਪੁਲਸ ਨੇ 5 ਅਗਸਤ 2021 ਨੂੰ 2 ਸ਼ੱਕੀ ਵਿਅਕਤੀਆਂ ਦੀ ਪਛਾਣ ਕੀਤੀ ਅਤੇ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਇਨ੍ਹਾਂ ਵਿਚੋਂ 2 ਲੁੱਟਾਂ-ਖੋਹਾਂ ਵਿਚ ਸ਼ਾਮਲ ਤੀਜਾ ਸ਼ੱਕੀ ਅਜੇ ਗ੍ਰਿਫ਼ਤਾਰੀ ਤੋਂ ਬਾਹਰ ਚੱਲ ਰਿਹਾ ਹੈ।
ਜਾਂਚ ਕਰਤਾਵਾਂ ਨੇ ਬਰੈਂਪਟਨ ਦੇ 19 ਸਾਲਾ ਸਾਹਿਬਦੀਪ ਸਿੰਘ ’ਤੇ ਦੋਸ਼ ਲਗਾਏ ਹਨ। ਸਾਹਿਬਦੀਪ 2020 ਤੋਂ ਵੱਖ-ਵੱਖ ਡਕੈਟੀਆਂ ਨਾਲ ਜੁੜੇ ਮਾਮਲਿਆਂ ਵਿਚ ਪਹਿਲਾਂ ਹੀ ਰਿਹਾਈ ’ਤੇ ਚੱਲ ਰਿਹਾ ਹੈ। ਇਸ ਤੋਂ ਇਲਾਵਾ ਪੁਲਸ ਨੇ ਬਰੈਂਪਟਨ ਸ਼ਹਿਰ ਤੋਂ ਇਕ 17 ਸਾਲਾ ਨੌਜਵਾਨ ’ਤੇ ਦੋਸ਼ ਲਗਾਏ ਹਨ।