ਕਈ ਦੇਸ਼ਾਂ ''ਚ ਸ਼ੀ ਚਿਨਫਿੰਗ ਖਿਲਾਫ ਪ੍ਰਦਰਸ਼ਨ

ਬੀਜਿੰਗ— ਚੀਨ ਦੀ 'ਰਬਰ ਸਟਾਂਪ' ਸੰਸਦ ਮੈਂਬਰ ਨੇ ਜਿਵੇ ਹੀ ਰਾਸ਼ਟਰਪਤੀ ਵੀ ਚਿਨਫਿੰਗ ਨੂੰ ਉਮਰ ਭਰ ਲਈ ਸੱਤਾ 'ਚ ਬਣੇ ਰਹਿਣ ਦਾ ਅਧਿਕਾਰ ਦਿੱਤਾ, ਦੁਨੀਆ ਭਰ 'ਚ ਉਨ੍ਹਾਂ ਦਾ ਵਿਰੋਧ ਸ਼ੁਰੂ ਹੋ ਗਿਆ ਹੈ। ਸਭ ਤੋਂ ਪਹਿਲਾਂ ਅਮਰੀਕੀ ਯੂਨੀਵਰਸਿਟੀਆਂ 'ਚ ਉਨ੍ਹਾਂ ਖਿਲਾਫ ਪੋਸਟਰ ਲਗਾਏ ਗਏ। ਇਨ੍ਹਾਂ 'ਤੇ ਚੀਨੀ ਤੇ ਅੰਗ੍ਰੇਜੀ 'ਚ, 'ਨਾਟ ਮਾਈ ਪ੍ਰੇਜ਼ੀਡੈਂਟ' ਤੇ ਆਈ ਡਿਸਐਗ੍ਰੀ' (ਮੈਂ ਅਸਿਹਮਤ ਹਾਂ) ਲਿਖਿਆ ਹੈ। ਅਮਰੀਕਾ, ਆਸਟਰੇਲੀਆ ਤੇ ਬ੍ਰਿਟੇਨ ਸਣੇ ਕਈ ਦੇਸ਼ਾਂ 'ਚ ਚਿਨਫਿੰਗ ਖਿਲਾਫ ਪੋਸਟਰ ਲਗਾਏ ਜਾ ਰਹੇ ਹਨ। ਬਾਅਦ 'ਚ ਫਰਾਂਸ, ਨੀਦਰਲੈਂਡ, ਕੈਨੇਡਾ ਤੇ ਹਾਂਗਕਾਂਗ ਯੂਨੀਵਰਸਿਟੀ ਦੇ ਵਿਦਿਆਰਥੀ ਵੀ ਇਸ ਅਭਿਆਨ 'ਚ ਸ਼ਾਮਲ ਹੋ ਗਏ।
ਅਭਿਆਨ ਚਲਾਉਣ ਵਾਲਿਆਂ ਦਾ ਕਹਿਣਾ ਹੈ ਕਿ ਸਰਕਾਰ ਨੇ ਵੱਡੀ ਆਸਾਨੀ ਨਾਲ ਇਸ ਗੱਲ ਨੂੰ ਪ੍ਰਚਾਰਿਤ ਕਰ ਦਿੱਤਾ ਹੈ ਕਿ ਜਨਤਾ ਹੀ ਚਿਨਫਿੰਗ ਨੂੰ ਰਾਸ਼ਟਰਪਤੀ ਬਣਾਉਣਾ ਚਾਹੁੰਦੀ ਹੈ। ਟਵਿੱਟਰ 'ਤੇ ਵੀ ਚਿਨਫਿੰਗ ਖਿਲਾਫ ਅੰਦੋਲਨ ਚਲਾਇਆ ਜਾ ਰਿਹਾ ਹੈ। ਵਿਦੇਸ਼ਾਂ 'ਚ ਰਹਿ ਰਹੇ ਕੁਝ ਵਿਦਿਆਰਥੀਆਂ ਨੇ 'ਸਟਾਪ ਸ਼ੀ ਚਿਨਫਿੰਗ' ਦੇ ਨਾਂ ਤੋਂ ਅਕਾਉਂਟ ਬਣਾਇਆ ਹੈ। ਉਨ੍ਹਾਂ ਨੇ ਆਪਣੀ ਪਛਾਣ ਗੁੱਪਤ ਰੱਖੀ ਹੈ। ਇਕ ਟਵਿਟ 'ਚ ਵਿਦਿਆਰਥੀਆਂ ਨੂੰ ਮਾਸਕ ਪਾ ਕੇ ਪੋਸਟਰ ਲਗਾਉਣ ਦੀ ਸਲਾਹ ਦਿੱਤੀ ਗਈ  ਹੈ, ਤਾਂ ਕਿ ਚੀਨ ਪਰਤਨ 'ਤੇ ਉਨ੍ਹਾਂ ਨੂੰ ਕੋਈ ਪ੍ਰੇਸ਼ਾਨੀ ਨਾ ਕਰਨਾ ਪਵੇ।
ਦੱਸ ਦਈਏ ਕਿ ਰਿਸਰਚ ਤੋਂ ਬਾਅਦ ਚਿਨਫਿੰਗ ਦੋ ਕਾਰਜਕਾਲ ਤੋਂ ਬਾਅਦ ਵੀ ਅਹੁਦੇ 'ਤੇ ਬਣੇ ਰਹਿ ਸਕਦੇ ਹਨ। ਸੱਤਾਧਾਰੀ ਕਮਿਊਨਿਸਟ ਪਾਰਟੀ ਆਫ ਚਾਇਨਾ ਤੇ ਫੌਜ ਮੁਖੀ ਇਸ ਮਹੀਨੇ ਤੋਂ ਆਪਣੇ ਦੂਜੇ ਕਾਰਜਕਾਲ ਦੀ ਸ਼ੁਰੂਆਤ ਕਰਨ ਜਾ ਰਹੇ ਹਨ।