ਪੋਂਪੀਓ ਉੱਤਰ ਕੋਰੀਆ ਤੋਂ ਅਮਰੀਕੀ ਕੈਦੀਆਂ ਨਾਲ ਪਰਤੇ ਸਵਦੇਸ਼
05/09/2018 6:45:31 PM
ਵਾਸ਼ਿੰਗਟਨ— ਅਮਰੀਕਾ ਦੇ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਉੱਤਰ ਕੋਰੀਆ ਦੇ ਦੌਰੇ ਤੋਂ ਅਮਰੀਕਾ ਪਰਤ ਰਹੇ ਹਨ ਤੇ ਉਹ ਉੱਤਰ ਕੋਰੀਆ ਤੋਂ ਆਪਣੇ ਨਾਲ ਤਿੰਨ ਅਮਰੀਕੀ ਕੈਦੀਆਂ ਨੂੰ ਵੀ ਲੈ ਆਏ ਹਨ, ਜੋ ਕਿ ਦੇਖਣ 'ਚ ਤੰਦਰੁਸਤ ਨਜ਼ਰ ਆ ਰਹੇ ਹਨ। ਇਸ ਦੀ ਜਾਣਕਾਰੀ ਅਮਰੀਕੀ ਰਾਸ਼ਟਰਪਤੀ ਨੇ ਦਿੱਤੀ ਹੈ।
I am pleased to inform you that Secretary of State Mike Pompeo is in the air and on his way back from North Korea with the 3 wonderful gentlemen that everyone is looking so forward to meeting. They seem to be in good health. Also, good meeting with Kim Jong Un. Date & Place set.
— Donald J. Trump (@realDonaldTrump) May 9, 2018
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਬੁੱਧਵਾਰ ਨੂੰ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਮੈਨੂੰ ਇਹ ਦੱਸਦਿਆਂ ਬਹੁਤ ਖੁਸ਼ੀ ਮਹਿਸੂਸ ਹੋ ਰਹੀ ਹੈ ਕਿ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਉੱਤਰ ਕੋਰੀਆ ਤੋਂ ਆਪਣੇ ਨਾਲ ਤਿੰਨੇ ਅਮਰੀਕੀਆਂ ਨੂੰ ਨਾਲ ਲਿਆ ਰਹੇ ਹਨ, ਜੋ ਕਿ ਦੇਖਣ 'ਚ ਤੰਦਰੁਸਤ ਹਨ। ਜ਼ਿਕਰਯੋਗ ਹੈ ਕਿ ਅਮਰੀਕੀ ਵਿਦੇਸ਼ ਮੰਤਰੀ ਦੇ ਉੱਤਰ ਕੋਰੀਆ ਦੌਰੇ ਦੌਰਾਨ ਕਿਆਸ ਲਾਏ ਜਾ ਰਹੇ ਸਨ ਕਿ ਉਹ ਇਸ ਦੌਰਾਨ ਤਿੰਨੋਂ ਅਮਰੀਕੀ ਕੈਦੀਆਂ ਦੇ ਨਾਲ-ਨਾਲ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਤੇ ਉੱਤਰ ਕੋਰੀਆ ਦੇ ਨੇਤਾ ਕਿਮ ਜੋਂਗ ਉਨ ਦੀ ਮੁਲਾਕਾਤ ਦੇ ਪ੍ਰੋਗਰਾਮ ਦੀ ਜਾਣਕਾਰੀ ਵੀ ਲਿਆਉਣਗੇ। ਪੋਂਪੀਓ ਆਪਣੇ ਜਾਪਾਨ ਦੌਰੇ ਤੋਂ ਬਾਅਦ ਉੱਤਰ ਕੋਰੀਆ ਦੀ ਰਾਜਧਾਨੀ ਪਿਓਂਗਯਾਂਗ ਪਹੁੰਚੇ ਸਨ।