ਇਜ਼ਰਾਈਲੀ ਫੌਜ ਨਾਲ ਝੜਪ ’ਚ ਕਈ ਫਿਲਸਤੀਨੀ ਜ਼ਖ਼ਮੀ
03/25/2023 11:03:03 PM
ਗਾਜ਼ਾ (ਯੂ. ਐੱਨ. ਆਈ.) : ਵੈਸਟ ਬੈਂਕ ’ਚ ਇਜ਼ਰਾਈਲੀ ਫੌਜ ਨਾਲ ਹੋਈ ਝੜਪਾਂ ’ਚ 6 ਲੋਕ ਜ਼ਖ਼ਮੀ ਹੋ ਗਏ ਅਤੇ ਇਸ ਦੌਰਾਨ ਅੱਥਰੂ ਗੈਸ ਦੇ ਗੋਲੇ ਦਾਗੇ ਜਾਣ ਨਾਲ ਕਈ ਫਿਲਸਤੀਨੀ ਬੀਮਾਰ ਹੋ ਗਏ। ਫਿਲਸਤੀਨੀ ਨਿਊਜ਼ ਏਜੰਸੀ ਨੇ ਦੱਸਿਆ ਕਿ ਸ਼ੁੱਕਰਵਾਰ ਨੂੰ ਇਜ਼ਰਾਈਲੀ ਸੁਰੱਖਿਆ ਕਰਮਚਾਰੀਆਂ ਨਾਲ ਝੜਪਾਂ ਦੌਰਾਨ 5 ਫਿਲਸਤੀਨੀ ਅਤੇ 1 ਵਿਦੇਸ਼ੀ ਕਰਮਚਾਰੀ ਨੂੰ ਗੋਲ਼ੀ ਲੱਗੀ ਹੈ। ਇਸ ਦੇ ਨਾਲ ਹੀ ਅੱਥਰੂ ਗੈਸ ਦੇ ਗੋਲੇ ਦਾਗੇ ਜਾਣ ਤੋਂ ਬਾਅਦ ਕਈ ਫਿਲਸਤੀਨੀਆਂ ’ਚ ਦਮ ਘੁਟਣ ਦੇ ਲੱਛਣ ਦੇਖੇ ਗਏ। ਮੀਡੀਆ ਰਿਪੋਰਟਾਂ ’ਚ ਦੱਸਿਆ ਗਿਆ ਹੈ ਕਿ ਇਜ਼ਰਾਈਲੀ ਫੌਜ ਨੇ ਪੂਰਬੀ ਯੇਰੂਸ਼ਲਮ ’ਚ ਸ਼ੁਆਫਤ ਸ਼ਰਨਾਰਥੀ ਕੈਂਪ ’ਤੇ ਹਮਲਾ ਕੀਤਾ।