ਇਮਰਾਨ ਦੇ ਪਸੰਦੀਦਾ ਮੌਲਾਨਾ ਨੇ ਕਿਹਾ-''ਕਾਲਜ ''ਚ ਅੱਗ ਤੇ ਪੈਟਰੋਲ ਇਕੱਠੇ ਰਹਿਣਗੇ ਤਾਂ ਬਲਾਤਕਾਰ ਹੋਣਗੇ''

ਇਸਲਾਮਾਬਾਦ (ਬਿਊਰੋ): ਪਾਕਿਸਤਾਨ ਵਿਚ ਵੱਧ ਰਹੀਆਂ ਬਲਾਤਕਾਰ ਦੀਆਂ ਘਟਨਾਵਾਂ ਦੇ ਬਾਅਦ ਇਮਰਾਨ ਖਾਨ ਸਰਕਾਰ 'ਤੇ ਸਖਤ ਕਾਨੂੰਨ ਲਿਆਉਣ ਦਾ ਦਬਾਅ ਵੱਧਦਾ ਜਾ ਰਿਹਾ ਹੈ। ਕੁਝ ਦਿਨ ਪਹਿਲਾਂ ਲਾਹੌਰ ਵਿਚ ਇਕ ਫ੍ਰਾਂਸੀਸੀ ਬੀਬੀ ਦੇ ਨਾਲ ਹੋਏ ਸਮੂਹਿਕ ਜਬਰ ਜ਼ਿਨਾਹ ਦੀ ਘਟਨਾ ਦੇ ਬਾਅਦ ਪੂਰੇ ਪਾਕਿਸਤਾਨ ਵਿਚ ਵੱਡੀ ਗਿਣਤੀ ਵਿਚ ਬੀਬੀਆਂ ਨੇ ਵਿਰੋਧ ਪ੍ਰਦਰਸ਼ਨ ਕੀਤਾ ਸੀ। ਉੱਥੇ ਪਾਕਿਸਤਾਨੀ ਮੌਲਾਨਾ ਬਲਾਤਕਾਰ ਦੀਆਂ ਵੱਧਦੀਆਂ ਘਟਨਾਵਾਂ ਦੇ ਲਈ ਮੁੰਡੇ-ਕੁੜੀਆਂ ਦੇ ਇਕੱਠਿਆਂ ਪੜ੍ਹਾਈ (Co-education) ਨੂੰ ਜ਼ਿੰਮੇਵਾਰ ਦੱਸ ਰਹੇ ਹਨ।

ਮੌਲਾਨਾ ਨੇ ਕਹੀ ਇਹ ਗੱਲ
ਇਮਰਾਨ ਖਾਨ ਦੇ ਪਸੰਦੀਦਾ ਮੌਲਾਨਾ ਤਾਰਿਕ ਜ਼ਮੀਲ ਨੇ ਵੀ ਮੁੰਡੇ-ਕੁੜੀਆਂ ਦੇ ਇਕੱਠੇ ਪੜ੍ਹਾਈ ਕਰਨ ਨੂੰ ਬਲਾਤਕਾਰ ਦਾ ਅਸਲੀ ਕਾਰਨ ਦੱਸਿਆ ਹੈ। ਉਹਨਾਂ ਨੇ ਕਿਹਾ ਕਿ ਜੇਕਰ ਅੱਗ ਅਤੇ ਪੈਟਰੋਲ ਇਕੱਠੇ ਰਹਿਣਗੇ ਤਾਂ ਬਲਾਤਕਾਰ ਹੁੰਦੇ ਰਹਿਣਗੇ। ਕਾਲਜਾਂ ਵਿਚ ਮੁੰਡੇ-ਕੁੜੀਆਂ ਇਕੱਠੇ ਪੜ੍ਹਦੇ ਹਨ। ਜਦੋਂ ਪੈਟਰੋਲ ਅਤੇ ਅੱਗ ਇਕੱਠੇ ਹੋਣਗੇ ਤਾਂ ਫਿਰ ਅੱਗ ਨਾ ਲੱਗੇ ਇਹ ਕਿੰਝ ਹੋ ਸਕਦਾ ਹੈ। ਸਹਿ-ਸਿੱਖਿਆ ਨੇ ਨਿਡਰਤਾ ਨੂੰ ਪ੍ਰਮੋਟ ਕੀਤਾ ਹੈ। ਇਸ ਵਿਚ ਕੋਈ ਸ਼ੱਕ ਨਹੀਂ ਹੈ। ਮੈਂ ਖੁਦ ਕਾਲਜ ਲਾਈਫ ਬਿਤਾ ਕੇ ਅੱਲਾਹ ਦੇ ਰਸਤੇ ਵੱਲ ਆਇਆ। ਉਸ ਸਮੇਂ ਵਿਚ ਅਤੇ ਅੱਜ ਉਹਨਾਂ ਨੂੰ 50 ਸਾਲ ਬੀਤ ਚੁੱਕੇ ਹਨ। 

ਸ਼ਰੇਆਮ ਫਾਂਸੀ ਦੇਣ ਦੀ ਮੰਗ
ਪਾਕਿਸਤਾਨ ਵਿਚ ਇਮਰਾਨ ਖਾਨ ਨੂੰ ਬਲਾਤਕਾਰ ਦੇ ਦੋਸ਼ੀਆਂ ਨੂੰ ਸ਼ਰੇਆਮ ਫਾਂਸੀ ਦੇਣ ਦੀ ਮੰਗ ਕੀਤੀ ਜਾ ਰਹੀ ਹੈ। ਇਸ ਸਜ਼ਾ ਦੀ ਮੰਗ ਕਈ ਮੁਸਲਿਮ ਸੰਗਠਨਾਂ ਨੇ ਵੀ ਕੀਤੀ ਹੈ। ਇਸਲਾਮਾਬਾਦ, ਮੁਲਤਾਨ, ਲਾਹੋਰ, ਕਰਾਚੀ ਸਮੇਤ ਕਈ ਸ਼ਹਿਰਾਂ ਵਿਚ ਸਰਕਾਰ ਖਿਲਾਫ਼ ਲੋਕਾਂ ਦਾ ਗੁੱਸਾ ਵੱਧਦਾ ਜਾ ਰਿਹਾ ਹੈ। ਉੱਥੇ ਕੁਝ ਲੋਕਾਂ ਨੇ ਦੇਸ਼ੀਆਂ ਨੂੰ ਦੂਜੇ ਇਸਲਾਮਿਕ ਦੇਸ਼ਾਂ ਦੀ ਤਰ੍ਹਾਂ ਨਪੁੰਸਕ ਬਣਾਉਣ ਦੀ ਵੀ ਮੰਗ ਕੀਤੀ ਹੈ।